بخصوص مكياج ديور

LOoOoVE

25-10-2022 - 08:30 am

خواتي حبيت اسأل اذا فيه وحدة استخدمت بودرة وكريم أساس ديور
هل هي حلوة مثل مايقولون الناس؟
وياليت احد يخبرني كم سعرها؟
انا تعودت استخدم كلينك بس عيبها انها ماتنفه للسهرات الثقيلة بس حق صباح زيارات بيوت :>ليت احد يجاوب على اسألتي

التعليقات (7)

الشموخ

25-10-2022 - 10:57 am

انا استخدمه
صراحه حلوو ومناسبني

LOoOoVE

25-10-2022 - 11:58 am

طيب ممكن تقولي كم سعره؟

سميتكـ*B* ـغلاي

25-10-2022 - 12:59 pm

انا استخدمه بعد للسهرات حلو بس عيبه انه كل مالهم يخلونه زيتي
بالنسبه للبودره ما انصحك فيها ابد
والاساس لو شفتي افضل منه احسن لك
مثل فور ايفر للسهرات
او اساس مدينه من قزاز مره روعه هو وبودرته
اتمنى اكون افدتك
بالنسبه لسعر ديور ناسيه كم بس الظاهر انه 200 وعليها

اخت عبودي

25-10-2022 - 02:00 pm

هلا حبيبتي وحده اعرفها تمدحه تقول شايفته على بنت عمتها وتقول روعه اما انا مااستخدمته

LOoOoVE

25-10-2022 - 03:01 pm

سألت وحدة من صحباتي ماخذه دورة مكياج وتقول ان اللي عطتهم الدورة قالت ديور أحسن أساس بس البودرة خذي شانيل
وبصراحه انا خفت
لان العادة لما تخلطين اساس وبودرة من ماركتين مختلفة يعطيك لون على رمادي
بعكس لو استخدمتيهم من نفس الماركة
عشان كذا كنت اسأل
ماله داعي اخسر فلوس عليها وانتوا تقولوا مو زينة
طيب الحين وش أحسن مكياج ثقيل ممكن تشتريه عروس؟
لان اختي تجهز ومحتارة مابين ديور وايف سان لوران وشانيل

Dior 2006

25-10-2022 - 04:02 pm

كريم الاساس من ديور مره روعه وسعره تقريبا ب150
اما البودره مااعجبتني ابدا احسها تشهب الوجه

ام عزوز2005

25-10-2022 - 05:03 pm

انا استخدم ديور والله جنان واذا انتي بيضاء ماانصحك في افسان لوران لانه يخلي الوحده كانها مهرج جربي شانيل عندهم اساس مناسبات ثقيل وحلو ويثبت وطبي بعدبس ديور والله روعه بس لازم عقبه بودره وانصحك ببودره كلارنس خيال واتمنى لختك ولك التوفيق دعواتكم لي بعد ان الله يفرج همي

ايشدو روعه من مكياجي لايفوتكم←
افضل كريم لتشقير الحواجب→