بدأت في رحلة التلقيح الصناعي أحتا ا ا ا ج خبراتكم ومشورتكم الله يرضى عليكم

:::
السلام عليكم ورحمة الله
حبيباتي الفراشات
البارح رحت للطبيبه سحر الملودي في سليمان فقيه على أساس أطلبها تسوي لي تلقيح صناعي وابدأ فيه الشهر هذا
وقالت ما ينفع الشهر هذا فبنسويه لك الشهر الجاي ..
وطبعاً شافت تحاليلي وهي
LH ---- 4.65 mIU / ml
FSH ---- 7.02 mIU / ml
الحليب --- 44.33 ng / ml
Progesterone ----- 10.61 ng / ml
وقالت عندك هرمون الحليب مرتفع بالرغم أن فيه دكتوره قبلها قالت لي ما يحتاج تاخذي علاج
لكن الدكتورة سحر قالت لازم عشان لو صار حمل ما يسقط عليك !!!
وانا صراحه مو مقتنعه آخذ أي دواء للحليب ؟؟ لكن الشكوى لله ..

• - و أسم الدواء اللي أعطتني اياه عشان الحليب دوبرجين ( dopergin )

وقالت نص حبه بعد العشاء كل يوم لمدة 4 أيام
ونص حبه بعد الفطور ونص بعد العشاء لمدة 4 أيام
وبعدين نص حبه ثلاث مرات في اليوم الأيام الباقيه !!

• - وأعطتني بعد حبوب تقول أنها منظمه وهي progyluton بالرغم من أن دورتي منتظمة والحمد لله

لكن تقول عشان نظمن تجي تمام الشهر الجاي عشان نسوي تلقيح صناعي ...
وطلبتني تحليل لزوجي أجيبه معي المره الجايه
بنات وش تشورون عليه فيه
فيه أحد منكم قد جرب هالأدويه
سمعت أن الدوبرجين له آثار جانبيه متعبه وخايفه منها
والدواء الثاني المنظم أحس أن دورتي منتظمه يعني لازم تعطني هالدواء ولا ماله داعي ؟؟؟..
ما أدري أحس عندي عقده من الدكاتره كلهم أحس أكثرهم مو صادق وبس همهم الفلوس !! أستغفر الله بس والله محتاره وما أدري أش أسوي ..
دعواتكم لي
وتكفون أعطوني من خبراتكم وتجاربكم
نوروني الله ينور عليكم