برجواز ومكياجي

مرحبا بنات ... معاكم المحامية الاولى بالكويت وانا جديده بالمنتدى اللي يفتح النفس
طبعا حبيت انقل لكم بعض خبراتي بالمكياج بما اني ((محترفه ))((مداح نفسه يبيله رفسه))...
المهم ...
اذا كنتي حابة الاي لاينر اللي يدوم وما يبهت ولا حتى يسيح بالماي بسهوله احسن شي
اي لاينر ((برجواز)) وتكون علبته سودا صغيرة وفي منه ثلاث الوان على ما اعتقد اسود وازرق وزيتي
بس روعه وحتى فرشته مرونه وبسرعه تخط بدون تعرجات ..
وبعد اذا كنتي بالجامعه او موظفه وتحبين تحطين الاي شدو الصبح احسن شي شدوات(( مكياجي))
روعه مو طبيعيه
تصدقون كل ما احطة الصبح بالجامعه ما بقى احد ما سألني عنه وخاصة اللون الرمادي في جميع علب شدوات مكياجي اذا انحط بطريقه السموكي مع شويه اضاءة تحت الحاجب وخط اي لاينر من ((برجواز)) وبلاشر وردي خفيف وجلوس شفاف او مايل للوردي او حتى البيج ** صدقوني بيطلع شكلكم روعه مو طبيعيه
ونعوم بعد وخصوصا ان شدوات مكياجي ماتبهت مع مرور الوقت ولايتقطع ولاشي ويدوم لي وقت رجوعك للبيت
وبما ان هالشغلة انفعتني حبيت انها تنفعكم حبيباتي