بسبوسة محشية بالقرفه من مطبخ حرم فهد باشا

السلام عليكم ..
انا عند اهلي وسهرانين انا وزوجة اوخيي ياحووبيلها بعد تسبدي هي امطخ ع خدوتس ياأم سلومي
فقررنا اننا نسوي حلا لسوالف اخر الليل < ياحوبهم للسهر
واليكم احلى بسبوسة ..
وللمعلوميه هي تناسب حيل لكبار السن والرجال بعد لانها موب حااليا مرة
عكس بسبوسة الجالكسي اللي سويته قبل البارح برضو للسهرة سوالف اخر الليل
ماتحسون اني قرقرقرقر واجد
يالله بسم الله نبدأ
كوب سميد
نصف كوب سكر
كاسة شاي زيت
ملعقة باكنج بودر B.B
بيضتين
قشطة
شوية جوز هند
قرفه
رشة فانيليا < ماعندنا وماحطيت
نخلط المقادير خلط يدوي سوا
عدا القرفه
نجهز الصينيه الصغيرة وتكون مدهونة مسبقآ بزيت
ونصب نص الخليط فيها
وثم نطحن القرفه..
نرشها فوق الصينيه بواسطة الصفايه عشان مايصير فيها قطع كبيرة ماطحنتها الطاحونة الزليلة الحياء تسويها فيني دائما
وبهالصورة زوجة اخوي تهاوشني هيه لاتصورين يدي لاني انا اصور وهي ترشرش القرفه
^
^
وش يذكركم فيه؟
ماتحسون انه يشبه حلى الشمواه اللي بأطباق النخبة
ع طول جاء في بالي لان تسبدي اندبلت منه وذالك لسبب الادمان من قبل المحروس
ثم صبي باقي الخليط بشويش على القرفه وساوية بالشوكة برضو بشويش ونعومه الجفاسة مرفووضة ثم تحوسين ام الدعوة
وزحلقيها بالفرن ع طول المشغل مسبقا من تحت وانبطحي قدام الفرن تفرجي عليها وهي تستوي < مبزرة خ
لان يوم اسوي بسبوسة الجالكسي بنت اختي ام 5 سنوات جالسة قدام الفرن تتفرج عليها لميين خلصت ياحليلها متحمسه خ
وهنا استوت وجاهزة لل هم هم هم
ياحوبيلها بس عشر دقائق وهي جااهزة
وهنا بعد ماقطعناها وزينيها باللي تبينه ..
وهنا مع فنجال قهوم مكون من قهوة وكم عود قرفه وهيل وخلطة القصيم << يمي ذي القهوة
وبالنهاية ..
لاتنسون من دعائكم بظهر الغيب
ان الله يزرقني انا ومن احب بالج نة