بسرعه بسرعه اختكم رسامه من الكويت رسامه كويتية حامل

بسم الله الرحمن الرحيم خواتي الفراشات شلونكم
بقولكم قصتي شنو صارت اليوم وتكفون سمعوني للآخر
اليوم كنت في بيت عمي غدا ولا انا طول القعده وانا على اعصابي ابي اروح احلل طبعا انا ما تاخرت على الدوره انا اليوم لي 29
زوجي اول شي رفض يوديني قالي انتي مستعيله وتو الناس بس انا ما قدرت اصبر وقلت له وديني انا تعبانه نفسيا
خواتي رحت مستشفى خاص وحللت ونفستي ما ادري ابي اقولكم اني بس ابي اطمن حمل او لا
وقلت حق زوجي الله يخليك اذا ما طلعت حامل لا تعصب على ولا يقولي زين زين
المهم حللت ولا بعد خمس دقايق والله شي يضحك الهندي الممرض ياب الورقه وعطاها حق زوجي بدون ما يتكلم
ولا يقوله شنو فيه زوجي قالي الممرض فيه هدا قال شنو ولا يقوله في همل في همل ؟؟؟؟؟؟؟؟؟؟؟(المقصود حمل ))))))
امبيه انا ما صدقت تكفون طقوني طراق احس اني حلمانه انا قمت اصرخ واقول الحمدالله الحمدالله الحمدالله وزوجي مو مصدق ركض ورى الممرض يقوله شنو فيه الورقه امبيه يا جماعه انا حامل مو مصدقه الله عوض صبري خير تكفون انتوا ويهكم خير على والله رزق وايد بنات هالشهر والله يرزق الكل الكل يارب يا رحمن يارحيم
ما تتصورون شنو فرحتي ودقيت على امي واهلي وبشرتهم
واحتفضت بورقه التحليل وكتبت عليها كلام وزوجي كتب عليها
خواتي ادعولي الله يثبت حملي والله يرزقكم كلكم يا حبيباتي
طول ايامي كنت ادعي واستغفر الحمدالله يارب
الف تحيه لكم