بشره نديه ولامعه من غير مكياج طريقة عمل مزيل مكياج بالبيت مدعمه بالصور

______السلام عليكم ورحمة الله وبركاته____
طريقتي هذي لها أشهر قليله
0
0
0
0
0
0
0
0
لكن مفعولها كان سريع وظاهر
بالأول : آنا بشرتي نوعها عادي لاجاف ولا دهني
وما كنت لله الحمد والمنه أشتكي منها
صافيه ومافيها عيوب
وكانت عنايتي لها بسيطه
ومازلت
إستفدت من حديث الرسول صلى الله عليه وسلم :
( أحب الأعمال إلى الله أدومها وإن قل )
المداومه ثم المداومه ثم المداومه على الشي لو كان قليل
طريقتي :
يوميا أغسل ويهي
بصابون الغار مره وحده في اليوم
وصابون زيت الزيتون مره وحده في اليوم
وبعد كل غسيل أمسح بماي الورد
وأرطب ويهي
من أستخدمت صابون الغار وآنا أشوف كل يوم اللمعه تزيد
ولما ضفت عليها صابون زيت زيتون وصارت تلمع أكثر
وصابون الغار 0000
الأصلي إنتاجه بسوريا
ملاحظه : آنا لما أستخدمته أول مره حسيت بجفاف شوي
توقعت تكون البشره للحين مو متهيأه لإستقباله وماتعودت عليه
نطرت جم يوم ورديت أستخدمته
واستقبلته يشرتي على الرحب والسعه وتفاعلت أحسن تفاعل
طريقة عمل مزيل مكياج العيون00000
المقادير (عاد رمضان
وتعودت كله مقادير وطريقه)
زيت زيتون ،،، وماي ،،، و علبه مثل اللي بالصوره (أنا يبتها من دايسو)
الطريقه :
نظفي العلبه وغسليها
بعدين صبي شوي من زيت الزيتون بالعلبه (أنا حطيت شوي لأنها أول مره أسويه مدري كنت خايفه ،،، ولأن زيت الزيتون الحمدلله متوفر يعني عادي متى ما خلص أسوي من يديد)
وبعدين صبي ماي بنفس كمية زيت الزيتون ،،،
ورجي العلبه ،،،
وان شالله تيوز لكم الطريقه ،،،
وترا استخدامه وايد سهل ومن قلب تمسح كل شي وصار لي أسبوع أستخدمها كل يوم وما تحسس بشرة العين والحمدلله ،،،
منقول للاخت
SoSo...
و ام الحارث
وسلامتكم