بصراحه مصدوومه منكم

بصراحة مصدومه منكم كل هاذا كره الاهل الزوج
اللي تقول انا اكره امة واللي تقول انا اكره اختة
واللي تقول حسبي الله عليهم
واللي تطلق من زوجها وتحط السبب في امه وخواتة
واللي تقول غيرانين مني لانهم عوانس ومطلقات !!
شي عجيب عجيب
طيب الام لا يمكن تضر ولدها واكيد انه تتمنى له السعاده
مو معقوله تخرب على ضناها اللي ربته طول هاالعمر وزوجتة وتعبت عليه
وعن الخوات صحيح فية خوات ينقرون باالكلام بس لية مانعدي ونمشي الدنيا ونطنش
لية كل الامور ندقق عليها ونحسب ع الكلمة مليون حساب ونتعب الرجال باالهذرة وسوالف الحريم
بس انا ماشدني الا حسبي الله عليهم وقسم لو شمسووين الا التحسب وربي قووية اتقو الله ياحريم
وتاكدو ان الله يمهل ولا يهمل ووراكم اعيال وبنات بيكبرون ويتزوجون
وممكن تنحطين بنفس هاالموقف او امك تنحط فية ويتحسبون عليكم وكما تدين تدان
انا مو قصدي من الموضوع الجدال ولا المهاترات باالكلام
بس بجد نصيحة اخوية من اخت الى خواتها
الدنيا فانيه مصير الزوجة تحتاج الى اهل زوجها ومصير اهل الزوج يحتاجون زوجه ولدهم وفوق راسها ولدهم ..
اتمنى تتقبلون انتقادي بصدر رحب ولا اعمم بهاالكلام على جميع الحريم لا بس الاغلبية ..
تحياتي وتقديري للجميع .. دخون الشرقيه .. ..