بعد ماانتهى موسم الاعراس وش شفتوا من افكار

موضوع رائع جا بوقته ....
حلو عشان الوحدة مننا تستفيد ..
انا عن نفسي ماحضرت ولا فرح لا من صحباتي ولا من اقاربي تخيلي ..
ماكان في مناسبات عندنا من قريب يعني ..
لكن نستنا باقي الفراشات .........

حتى أنا ماحضرت ولا زواج من سنتين...

السلام عليكم
حضرت كزا فرح وملكة واحدة
الزواجات اللي حضرتها اتشابهوا انه العصير صار يتقدم بزفة
يدخلوا الفلبينيات شايلين صواني عليها عصير صفين وحدة على اليمين ووحدة على اليسار ويبدأوا من اول الصالة لاخرها
ووحدة من الزواجات كانوا حاطين في كل كاسة شمسية صغيرة منالورق معلق فيها قطعة من الفاكهة اللي مسوا منها العصير " مثلا عصير الفراولة فيه شريحة فراولة - الجوافة معاها قطعة جوافة "
الدفتر كانت صفحاته مطبوع فيها صورة العريس والعروسة
الباقي كان عادي سواء المعجنات اللي على الطاولة او البوفيه
وبالتوفيق

مشكورين
نبي تفاعل وين الباقين

انا بقولك الافكار الي صارت في فرحي
اول شي طبعا الكوشه كانت مره خطيره كان شكلها مثل الخيمه وعليها ورود منتشره لون وردي وسماوي وابيض
والخلفيه كانت زرقا كأنها بحر وفوق الورود ريش مره حلو وكرستالات تجنن وغير الاضاءات
المهم بيني وبينكم كانت الالوان ناعمه بس فخمه
والطاولات شراشفها ورديه وفوقها كاسه كبيره مره محشوه بالاحجار الملونه الزجاجيه وفي الطربيزه نفسها مرشوش ترتر بلون الوردي والابيض والازرق<<<<<هذه الفكره شفتها في احد القصور ومااذكر كيف كانت شكل طاولات فرحي
<<<ماكانت صاحيه خ
ام
دفتري الذكريات حطيت صوري وانا صغيره مره طلعت روعه
والتورته لونها بمبا
انا سويت كل شي لون بمبا وسماوي وابيض لأن فستاني فيله ترتر على زراق جدا فاتح ومسكتي كانت ورودها ملونه مثل الوان الكوشه
ولمن رميت الورود على الحضور برضها كانت سماوي وبمبا مره روعه
وفي فكره حلوه
ممكن وانتي ترمي للحضور الورود وفجأه خذي الورده الي تعجبك وبوسيها واعطيها لزوجك وخليه يسلم عليكي بتطلع الحركه خطيره^_^
ان شاء الله افدتكم حبايبي

اهليين ياابناات كييفكم
انا الصرااحه ماارحت زواجاات كثييره هالصيفييه عندنا قحط مثل مااقاالت الاخت تووني
بس رحت كم زواج بس
المهم
رحت زواج وكان مره خيال بصرااحه يجنن وافكاارهم غريبه بس فييها تكلف مرره يعني مثلا الشااهي التراامس كان فيها بس موويه حاره والشااهي محطوط داخل قنينه زي حقت المختبر عرفتوها المهم الشااهي داخل هالقنينه على شكل قلووب صغييره اللي يشووفها يحسبها زي الفلين وبعد ماتحطيين القلووب في البيااله حقت الشاهي وتصبين المويه الحاره تتفكك هالقلووب وتصيير ورق شااهي <<<<<<<<<<<<<<<خطير { هذا الشااهي}
{والصيااني }حقت القهوه مره روعه كاانت كلها كلها شووكلت يعني حتى الديكوور حق الصينيه من التشووكلت يعني الواحده ماتعرف وش تااخذ انا ضحكت على امي رااحت خذت الدلفين الكبيير المحطووط عالصينيه خ بس رجعته ههه طبعا تعرفيين كله تشووكلت في تشووكلت
{اما السكر }فكاان محطووط عالطاوله وكان فييه زي التحفه لها غطاء مفتوح شوي وطالع منها زي الاغصاان والسكر مركبيينه عالاغصاان طالع روعه كأن السكر هوو الثمر حق الشجره <<<<<<<<<فهمتوا
ام وش بعد
الطاولات الديكوور كاان خطير في وسط الطاوله زي الشجره الكبيره ومتفرعه على فووق وبعديين تزل علييك يعني وانتي قااعده عالطاوله الاغصاان فووق راسك وطبعا هالاغصاان مياانه ورد ابيض طبيعي ونازل من عالاغصاان زي الخيووط وفيها مرااياات صغيره
اما الكووشه كاانت نااعمه بس حلووه كاانت كأنها غاابه مليانه ورد ابيض طبيعي
وعمووما القاعه كلها لما تدخلين تحسيين انك دااخله حديقه او غاابه كلها وروود واشجار واغصاان بس روعه مره
هاه وش راايك بالافكاار بصراحه كاان كل شي حلوو بس لوو بقوول كل شي يبغالي صفحتين ههه
ياللا سلام

انا حظرت زواجات كثير
بدا بالطاولا ت والتوزيع احس كلها واحد يعني الورود اللي على الطاولة الوانها نفس الوان مسكة العروس ومكياجها
وكل الزواجات اللي حظرتها الكوشة غابة بما فيهم اختي كانت كوشتها غابة والممر كان اشجار بس شي خطير
والزفة كانت اغاني كثير وحويسة خليجي مع عربي بس حلو
وفي حركة سوتها اكثر من عروس
لما طلت العروس رمت ورد على الحضور وصارت تتفنن بالرمي اهي وزوجها بس حركة حلوة عجبتني
بعدين مشت شوي وبرضو جات اغنية سريعة وصارت ترمي دباديب ابيض واحمر والصالة كلها صراخ وزغاريد والبنات تجمعوا تحت والعروسين لسى مانزلو فوق عشان ياخذون الورد والدباديب
وزفة ثانية كانت الاول شعر والعروس لسى ماطلعت وبعدين لما وصلت الممر مشت على موسيقى زفتها جدا عادية
هذا اللي حظرتة
وتقبلو مروري
باي

مشكورين حبايبي عالمرور
عجبتني فكرة السكر اللي باغصان
بس بسال زفة العصير على اي اغنيه

السلام عليكم ورحمة الله وش اخباركم انا بصراحة حضرت زواج واحد هذا الصيف بس ببلاد الغرب بتتفاجاو بس والله فرق انا احكيكم
الزواج ماكنت مدعوه له بس الزواج مفتوح كان في بارك اي منتزه كنا رايحين نتمشى وفجاه الا والناس تنزل كراسي والناس تتوافد ومو عدد كثير وصار زفه للعريس والعروس وبعدين الحضور صفقو لهم وبعدين قرا القسيس الكتاب حقهم والزواج كله ساعتين او اقل وبعد كذا راحو الناس وبقيو العرسان واصحابهم وتصوير في تلمناظر الطبيعيه زواج بسيط مو زي اللي عندنا بس
تبغو الصراحه احنا والله متكلفين بالزواجات مره مره
فياليت يااخواتي لو نتقي الله ونيسر امور الزواج والخرابط الزايده مالها داعي وكل ماتيسرة امور الزواج كان فيه البركه فالنعود يااخواتي الى الماضي البسيط ولنخاف الله من الاشياء التي ماانزل الله بها من سلطان انما هي اتباع للغرب هذا رائي والله اعلم