بغيت رايكم مين اللي غلطان انا ولا زوجي

دهن العود

05-07-2022 - 12:23 am

سلام بنات كيف حالكم
ماراح اطول عليكم اناامس تمشكلت اناوزوجي احنا متعودين نروح لاهل زوجي وسط الاسبوع ونهاية الاسبوع الاسبوع هذا ماكتب الله اني اروحا المهم قلت خلاص نروح الاربعاء زوجي لزم الا بياخذ ولدي لهله يقول امي تبغاه وهو لسى عمره 8 شهور انا رفضت وقلت الولد صغير وماله داعي يروح لوحده انشاالله يشوفونه الاربعاءماراح يموتون اذا ماشافوه زوجي طوالي زعل والى الان مانكلم بعض هل انا غلطت يوم سويت كذا
وانتم لو مكاني وش تسون
وكم مره تروحون لهل ازواجكم
اسفه على الاطاله
وشكرا

التعليقات (9)

أشتاق وبصمت مؤلم

05-07-2022 - 03:39 am

حبيبتي مافي مانع أنا لو كنت مكانك أخليه يأخذ الولد بالعكس بفرح إنهم يبونه
وأنا أروح بالأسبوع مرتين أو ثلاث
الإختلاف في الرأي لا يفسد للود قضيه

غرام حمود

05-07-2022 - 04:40 am

خليه يروح مع ابوه ليش تزعلين زوجك وباين من كلامج ان زوجك يحب امه واهله حيل صح ؟

برنسيسة الواحه

05-07-2022 - 05:41 am

حبيبتي مافيها شي اذا اخذه بالعكس ترتاحي شوي منه
انا ساكنه مع اهله ومثلك عندي ولد عمره 8 شهور ودايم عندهم ماشوفه الا وقت الرضاعه والنوم
الله يوفقك

مدام الدكتور

05-07-2022 - 06:42 am

هو صدق عمرة صغير
بس مافي مانع يروح مع ابوة
والرجال لي قال كلمة مفروض ماتكسرينها
كان انتي سكرتي الموظوع ورحتي انتي وزوجك وولدك الله يخلية لك
روحي راظي زوجك وتأسفي منة
ترى مالج الاهو
ومو حلو يطول الزعل بين لزواج

ساريه بليلة قمر

05-07-2022 - 07:43 am

حبيبتي ياريت ماينام وهو زعلان منك
روحي استسمحي منه وبوسي راسه
وقولي له انا اخاف يوصخ او يبكي ويضايقكم وانا ما اقدر اروح معك وقولي خيرها بغيرها

دهن العود

05-07-2022 - 08:44 am

اشكركم على مروركم بالعكس انا ماارفض انه يرو ح لهله بس انا امه ابغى يكون لي راي مثلا بنتياذا بغت تنام عند اهلها تجي تقولي جده تقول بتنامين عندنا يعني لاتحاوليين نايمه نايمه ابغى يصير لي كلمه

أم وســـــام

05-07-2022 - 09:45 am

كبري عقلك ولاتكرهين اهل زوجك منك هم يحبون اولادك

|||هدوء انثى |||

05-07-2022 - 10:46 am

انا اشوفها عادي واذا وداه عند اهله انتي ماتقدرين تمنعينه ولده واهو حر يوديه عند اهله ولا نومهم عن اهله انا اشوفها عادي بس شكلك مواوكي مع اهل زوجك عشان كذا رفضتي
الله يوفقك وروحي استسمحي من زوجك

لآلئ فضيه

05-07-2022 - 11:48 am

بغض النظر عن مين الغلطان بس احس الموضوع مايستاهل الزعل .. يعني خلو الزعل لاشياء اكبر من كذا .. ونصيحة لك لاتعارضي زوجك في شيء اذا كان طلبه مامنه ضرر وآثري رضاه على رضاك ...ولاتقولي ابغالي كلمة صحيح لك كلمة بس في مواضيع كبيرة وتخصك وحدك اما الاولاد فلهم اب مسئول عنهم وطاوعيه احسن عشان يحس بقيمته وان له كلمته ........ ربي يوفقكم

تعطير المنطقه الله يوفقكم←
استيقظت الزوجة ولم تجد زوجها حلوه كتير→