بليز دخلوا شوفوا زوجي حبيبي شنو سوا فيني

1. طبعا للمعلوميه ان هذه العمليه ممكن الرجال يفكها ويرد يجيب عيال

السلام عليكم كيفكم بنات انشالله بخير
ابغي اشكي لكم همي الي مأرقني ومطير النوم من عيوني له الحين حوالي 5 شهور قاعده اكتب لكم وعبرتي مخنوقه وماقدر اشكي همي لا احد
انا متزوجه وعندي الحمدلله 4 عيال بنتين و ولدين اصغرهم عمره سنه عمري تقريبا 32 سنه
مشكلتي ان زوجي قد مايحب عياله ويموت فيهم ويدللهم الا انه من انصار تحديد النسل وبقوه
لكن ماتوقعت انه لهدرجه ,بتستغربون شلون اقصد لهدرجه
تخيلوا ان من قبل ماحمل بولدي الاخير كان يقولي انه بيربط ( انه يسوي عمليه ان ماعاد يجيب عيال ابد)

طبعا للمعلوميه ان هذه العمليه ممكن الرجال يفكها ويرد يجيب عيال

المهم ماانسى هذا اليوم كان يوم 28 شعبان صحيت من النوم مثل كل يوم سويت الغدا عادي جا وقت جيته من الدوام ولاجا دقيت عليه وينك ماراح تجي على الغدا قالي لا انا مشغول وبتغدا بره وسكر السماعه
شوي الاشكيت قلت غريبه ان يتغدا بره ومايعطيني خبر من قبل ,فدقيت عليه عقب وسكر جواله تميت ادق عليه لين رد علي وقلت له شفيك ماترد قال لي انا عند الدكتور في البحرين قلت شعندك قالي سويت عمليه الربط انا انصعقت ماقدرت ارد قلت له ماصدق انت تمزح معاي من جدك قالي لا انا ماضحك معاج
المهم سكر السماعه وانا موستوعبه الف شي جا في راسي لهدرجه مستهتر فيني ويربط من غير مايقولي؟ ولاياخذ رايي؟ موحرام عليه الي سواه ؟طيب بعد ماجا ودخل البيت ماتحملت قلت له انا مومحللتك على الي سويته فيني وربي راح يحاسبك وانا ابكي من جد ومنهاره تخيلوا شنو كان موقفه قلبها علي ان انا الي غلطت عليه وشلون اقوله اني مو محللتك وبدال ماازعل انا هو الي زعل
المهم طوال هذه الفتره 5 شهور حاولت اني اتعود على الوضع الجديد لكن كل ماانسى تصير سالفه او موقف يذكرني لو افتح معاه الموضوع يزعل ويقولي انا تعبت من كثر ماتكلمني في هالموضوع ,طيب وانا قلبي يتقطع كل يوم كل ماتخيل انه حرمني من اني اجيب عيال مره ثانيه قلبي يتقطع وابكي وابكي صج انا عندي عيال والحمدلله بس احب البيبيات الصغار
و وادري اني بعد كم سنه ودي ببنت او لد, لا والي يقهرني اكثر لما تجي وحده زوجه صديق زوجي تقولي شلون قدرتي تقنعينه صراحه ماشالله عليج قويه فكرة الربط منج او منه ؟طبعا احاول اني امثل قدام الناس اني انا الي ماابغي وان الموضوع تم بموافقتي عشان مااطيح من قدري يم الناس وان زوجي صفط فيني ولا افتكر وسواها من غير حتى مايكلف نفسه يقولي قبل مايسويها
تخيلوا كل ماحس احساس اني ماراح احمل مره ثانيه واشوف صديقاتي يتكلمون عن وسائل منع الحمل
احس بخنقه تخنقني واحس احساس وحده صار عمرها 50 سنه ,صعبه تحسين احساس انج اكبر من جيلج وانج خلاص ماعاد راح تجيبين عيال ابد
الي يقهر ان الدكتور البحريني الي يسوس العمليه لما يجيه واحد بحريني يقوله لازم زوجتك توقع على ورقه موافقه واذا غير بحريني عادي حياك ,بذمتكم مايقهر هالدكتور ليش البحرينيه لها رب واحنا لا