بليز ساعدوني خايفه ومحتاره

السلام عليكم
اتمنى تكوني بصحه وعافيه
وكل عام وانتو بخير
حبيباتي اليوم ضايق صدري
راح احكيكم كل شئ وبليز لا تتركوني قولولي كيف اتصرف وربي حتى النوم جفاني
قبل سنه و3 شهور بالضبط كنت عند اهل زوجي وكانو اخواتو واقفيلي بالمرصاد لان انا ساكنه بالرياض واهلو بمنطقه ثانيه وكمان اهلي بمنطقه ثانيه شوفو النصيب الحمد الله على كل حال
المهم رحت زياره عند احد اقاربي ساكنين في نفس منطقة اهل زوجي وجلست يوم بس عشان قالي مو فاضي يرجع مره تانيه المهم
وكان زوجي متغير بس فيه بذرة امل لناحيتي بعد زيارتي جا اخدني الا ومتغير عليا ميه وتمانين درجه اقول اتكلم ادلع اسوي والرجال مقفل وموطايقني وما صار بيننا ادني شئ
وبختصار طلع ان اهلو معبيين راسو لاخي ير وربي كان شئ مو طبيعي وحصلت مشكله كبيره من بيت اهلو المن وصلنا عند اهلي نزلني عند اهلي وطلقني طلقه وراح
وبعد اسبوع جا يعتذر وجابلي رضوتي واتعهد انو ماعاد يسويها ابآ ابدآ طبعآ قالها لاخواني وابويا
وجلست سنه و3 شهور وانا ما اكلم اهلو ولا هم يكلموني ولا زرتهم زياره ابدآآآآآآآآآآآآآآآآآآآآ
وقبل شهر امي الله يحفضها ويشفيها يارب كلمت امو وسلمت عليها ومن قبل ترى كانت تتصل على خالتي بس ما ترد على امي الا هذيك المره كلمتها وصارت تقول لزوجي ان اوضاع امهاتنا اتعدلت رغم انو ما صار بينهم ولا شئ كدا من كيفها زعلت على امي وقاطعتها ولا ترد على امي ابد على بالها ان امي محرضتني ومعبيتلي راسي واصلآ ورب البيت مافي للمشكله اي اسا اس غير قهرهم مني في اشياء تافه وربي استحي اقولها وهم حريم كبار اصغر وحده فيهم عمرها 36 سنه!!!!!!!!!!!!!!!!!!!!!
وقبل رمضان قالي زوجي اخدت شهر اجازه وراح اقعد عند اهلي عشره ايام يابنات انا انجنيت بس ما بينت وقلت ليه احنا اتفقنا ناخد 15 يوم ونرجع فيها عشان ما تصير خلافات بيننا قال ليه ترى اهلي مالهم دخل باللي صار وانتي ما تنسي قلت كيف انسى وانت طعنتني فظهري وانا ما سويت لك الا كل خير انت كنت حتى ما تشوفني من الغضب اللي فيك وانا ما ادري ليه ايش صار مني عان تعاملني كذا
وبعدها عيشني فجنه الين اليوم كذا بدون ادني سبب وكنت متوقعه ان معاملتو معايا مؤقته مثل كل مره بس هذي المره طولها شوي وزعلان اليوم مني من غير سبب ويتلفظ عليا بكلام ويقولي انتي انسانه ما تقدري وما تستاهلي وربي ما زعلت جلست اضحك وماقلت شئ لاني ورب البيت عارفه انو بيمهد لي نزلتي لاهلو
قلت لكم السالفه كلها عشان تقولولي كيف اتصرف معاه ومع الخوف اللي بدا يداهمني وربي ماتعرفو اهلو ناس همج وغير كذا لو ايش ماتسوي وماتجيبي مستحيل ياخدوها حسنه عندهم لكي
واخواتو اربعه وامو الخامسه وقبل وعدني انو ينسق نزلتو على اساس تكون مافي الا امو واختو اللي مو متزوجه واكتشفت من امي ان اخواتو كلهم موجودات وساكنين عند امهم
بليز قولولي وربي محتاره كيف اتصرف لو رفضت انزل معاه عند اهلو راح يحرمني من اهلي وحيقوم الدنيا على راسي وما اخفيكم وربي اني اخدت درس جامد وخايفه وربي حتى نومي كوابيس
عارفه طولت عليكم بس علموني ايش اسوي مع زوجي ونزولي عند اهلو وعلى فكره انا انسانه حساسه جدآ واقل شئ يحز فنفسي
انتظركم ماراح انام لا تطنشوني