بليز طلبتكم ولا تردوني زوجي راد من السفر وأريد أفكار

تصديقين أنا محتاره نفسج زوجي بعد يومين بيرجع وابي أسويله حركات وماعرف..
إن شاء الله يردون ويفيدونا

لا الصرااحه ما توقعتها منكم .. مستخرسين اجر فيني ..
وانا طالبتنكم .. ما عليه ان شاء وحده ترد علي ع الاقل .. وتفيدوني انا وأختكم ..بنت النعيمي ..

حبيبتى انا مريت على اكثر من موقف حلو موجود هنا في المنتدى انت بس دوري وحتلاقي الف حركه وحركه
يمكن محد رد عليك لانه موضوع متكرر وموجود في اكثر من مشاركه

انا عندي فكره اقول لو انتي ببيت لحالك خلي احد من اهلك يوصله البيت وانتي تكونين بالبيت ولما يدخل الحوش ويفتح باب البيت بيلقى الباب مقفول وحطي رساله مكتوب فيها دور ع المفتاح في حوض من احواض الزرع او اي زاويه بالحوش ولين يلقاه ويدخل البيت حطي اسهم الى اي غرفه معينه واكتبي عليها اي عباره تعجبك وبيجي يفتح الباب وبيلقاه بعد مقفول وحطي رساله وكتبي فشل في الدخول ابحث في الزاويه الفلانيه....... ولين يدخل المكان عاد انتي تكونين مجهزتله اطباقه المفضله ومفاجات عاد انتي وشطارتج...........
وارجو انها تعجبك بس فيها تعب عليه لانه جاي من سفر بس يستاهلكملانه انتي راح تكونين اهم شي وده يشوفه
الله يجيبه بالسلامه.....

سلمتوو خواتي ع المرور الطيب .. وانا لفيت ع المنتدى وحصلت اللي اريده ويزاكم الله كل خير ..

هلا اختي
انا قبل اسبوع تقريبا رد ريلي من العمره
وبقولج شو سويت يمكن تستفيدين
يبت اوراق ملونه وقصصتها باشكال مختلفه وكتبت عليها عبارات مثل : اشتقتلك نورت بيتك ياهلا يامرحبا عمره مقبوله وعبارات واايد
ولصقتها ع الجدار عند المدخل وغرفة الجلوس باماكن متفرقه بالجدار ولصقت بينهم بلوناات واايد
ونثرت بعض البلونات بالارض
ويبت مجموعه من البلونات اللي تطير من محل البالونات تلقينهم
ويبت الرش تعرفينه يمكن اللي يكون بعلبه بخمس دراهم ترشينه ويطلع خيوط
وسيفت نشيدة ترحيب من النت
اول مادخل رشيت عليه الرش ومن قبل فتحت النشيده
وماتنسين بعد تحطين ع الطاوله كيكه حلو لو تطبعين عليها صورته وكتبي الحمدلله ع السلامة او نورتنا
والشموع بعد لاتنسينها
ان شاء الله اكون افدتج

.. لازم تجهزين قبل فتره يعني اسبووع على الاقل
محلات الشموع ومكملات البيت
عندهم اشياء خطييره اذا قدرتي تستخدمين خيالك .. يعني مثلا فيه زي الحجاره صغيره شفتها على شكل قلوب وفيه منها الوان حجري وفوشي وفضي
فيه زي الشعر او قش لونه نحاسي ممكن تشكلينه على شكل قلب وتنثرين عليه القلوب الفوشيه وتتحط على الطاوله الي راح اقولكم ايش هي بعد شوي
ولاتنسين الشموع اشكال واحجام
ممكن بعد تشرين برواز ياخذ اكثر من صوره وتحطين صورك وصورته
تروحين تشرين الهدايا الي تبين تكون كثيره شوي ومتنوعه .. يعني انا ملاث جبت شراب وتيشيرت ماركه وساعه سبورت ممكن دبدوب او قلب احمر او الاثنين ميداله عليها اساميكم صندوق جواته بعض الكلمات الي دايما تحبين تسمعينها منه وتقوليله بكارد صغيره معاها انك تحبين سمعينها منه
وتشترين سله مصنوعه من اغصان الاشجار الرفيعه وتكون كبيره نوعا ما
تاخذين الهدايا والسله وتودينها محل تغليف الهدايا وتقوليله يعبيه قش ويرتب الهدايا بشكل حلو ويحط قلوب وحركات واكدي عليه انها هديه لزوجك وبينها رومنسيه " علشان يتوصى
الشموع والقش النحاسي الي قلنا عليه والقلوب ناخذها ونروح مطعم هادي وحلو ونقولهم يرتبون المكان كويس ويختارون طاوله بزاويه حلوه ويحطون الاشياء على الطاوله ويشغلون الشمع
وطبعا ماننسى الكيكه المكتوب عليها كلام حلو او صوره زوجك او الاثنين
ترسليله ورد وشوكولا في مكان شغله واذا ماتدرين ايش بتصير رده فعله " يمكن يتضايق " حطيها له في الحمام واكتبي على المرايا انك تستنينه في المطعم الفلاني الساعه كذا وكم كلمه حلوه وتتمنين له انه يستمتع بالكاكاو وياخذ معاه ورده تذكره فيك طول اليوم
واذا مايتضايق عادي ويحب هالشيء .. بعد نص ساعه ارسليله انك تستنينه بالمكان الفلانيالساعه كذا
ولا يشوفك طول اليوم وروحي تزيني وتمكيجي والبسي لبس حلو وماتنسين تعطرين غرفه النوم وتزينينها بالطريقه الي تحبينها وفيه بالمنتدى كثير افكار ومواضيع كثير اكييد بتفيدكم
ونشتري قميص نوم للمناسبه وماننسى تناسق الاوان بين تغليفه الهدايا ولون الكيكه والشمع واللبس وقميص النوم ولون الغرفه
ها
وش رايكم بالفكره ؟؟؟؟
انشالله تعجبكم وتستفيدون منها

تسلمن اخواتي ع الرد الطيب ويزااكم الله الف خير .. وجعله من ميزان حسناتكم ..