بماذا تنصحونها يا فراشات

السلام عليكم يا بنات
بنات أبي مشورتكم و نصيحتكم
في وحدة اعرفها تحكيني عن زوجها
تقول انه زوجها انسان كان في بداية زواجهم انسان مرة طيب ومنجد كانت تحس بحبه لها
بس أول ما رجعو من شهر العسل راحت سكنت عند اهله علماً بانها ما كان لها غير 3 اسابيع متزوجة
وراحت تسكن عند اهله عشانه عندهم الين ما يرجع عمها من السفر ( ابو زوجها)...
المهم طبعاً وهي هناك كانت هي تجلس مع اهله طول وقتها وخاصة بنت خالته لانها في نفس سنها
وهو 24 ساعة كان مع الشباب ما تشوفه غير الساعة 3 الفجر !!!
طبعاً كانت ما تلاقي احد تفضفضله عن اللي مضايقها غير بنت خالته هاذي
طوال الفترة اللي جلست هي عند اهل زوجها وكانت دايم تقول لبنت خالة زوجها
انها هي عارفة انه طبيعي يكون فيه سوء تفاهم بين الزوجين في البداية لانهم ما يعرفون بعض
بس مع الوقت راح يتغير الوضع ويتحسن ....
بس الحاصل انه كانت بنت خالته تلعب بعقلها تقول انه زوجها كان يكلم وانه يعرف كم وحدة
ولا زال يكلم ومن هاذا الكلام .....
في البداية ما كانت تعطي انتباه للموضوع هاذا
بس بدأت تلاحظ تصرفات زوجها غريبه وتجيب الشك
وصارحته فراح قالها " انا ما عندي شي ووائق من نفسي واذا مو عاجبك يا بنت الناس البسي عبايتك وروحي بيت اهلك "
تخي لو ا
المهم هي طنشت وما كأنه صار اي شي من هاذا واستمرت علاقتها قويه مع بنت خالته حتى انها كانت
تعاملها اكثر من اخت لها....
ودايم تستشيرها و تتمشى معاها و صارت اقرب وحدة لها يعني بالعربي بنت خالته ما شافت منها الا كل خير........................
المهم يا بنات بنت خالته سافرت راحت عند ابوها وبعد ما سافرت ب 4 ايام بالضبط
طلع كلام طويل وقوي عند اهل زوجها بانها هي ما تبغاهم
وانهم مو من مستواها وانهم ناس وسخين وانه زوجها يكلم بنات وانه اخو زوجها قليل ادب يطالعها بطريقة مو كويسة (عاد افهموها) ومن هاذا الكلام كله دا على لسانها انقال والمشكلة هي ما كانت تقول ولا شي من هاذا
الا بالعكس اللي قال هاذا اغلبه كان بنت الخالة وهي كانت فقط مستمعة لها لا اكثر ولا اقل
مع ذلك زوجها صدق اهله وقالها مو معقولة اهلي كلهم كذابين وانتي الصادقة
بحكم انه لسه ما يعرفها زين بس اهله يعرفهم ما راح يكذبون!!!
المهم مرت الايام وهي طنشت وراحت اعتذرت من اهله وعدت شهرين
وبس رجعت بنت خالته صارت مشكله ثانية قالو انها قالت انه لو اتطلقت راح يكون السبب وحدة من خالاته وانه بنت خالته حاطة عينها على زوجها
مع انها ما قالت هاذا الكلام وبرضو زوجها صدق كلام اهله وما صدقها بحكم انها هي كذابه وهم ما يكذبون ابد!!!
المهم عدت الايام حملت وفي رمضان وصلها انه بنت خالته مطلعة كلام عليها بانه عندها عشيق
تخيلوا
طبعاً هي هنا خلاص ما قدرت تتحمل راحت اتصلت على بنت الخالة
وسألتها قالتها ايش الكلام اللي وصلني انك قلتيه عليا ( لاحظوا انها ما قالتلها وش الكلام)
بس اللي قالته انه الكلام اللي وصلني كلام مرة خطير ممكن يسبب خراب بيتي !!!
راحت هاذيك حلفت بانها ما جابت سيرتها لا بخير ولا بشر ( علماً بانه من بعد ثاني مشكلة صارت جداً رسمية مع بنت الخالة)
المهم ثاني يوم اتصلت عمتها ( ام زوجها) على زوجها وصارت تدعي عليها بانه كيف تقول كذا على لسان بنت خالتك وانه ايش تبي زوجتك
تبغى تسببلنا مشاكل خلاص يكفي راح زوجها سأل امه ايش اللي انقال راحت قالتله انه زوجتك تقول لبنت خالتك كيف تقولي لبنات عيلتكم باني انا اكلم واحد غير زوجي واني اعشقه واسمه فلان
المهم يوم الرجع البيت صرخ وهزئ زوجته بانها كيف تقول الكلام هاذا هنا انصعقت الزوجة لانها ما قالت الكلام اللي وصلها لبنت خالته فكيف عرفت علماً بانه صار لهم 6 شهور متزوجين يعني صار يعرفها زين المهم يوم راح عند اهله الله اعلم وش قالوله بالضبط عنها بس يوم رجع عند زوجته هددها وقالها لو صار مشكلة بعد اليوم راح اوديك بيت اهلك انا ما عاد ابيك.... يعني وقف مع اهله خصوصا بنت الخالة ضد زوجته
المهم مرت الايام وهي الحين بشهرها السابع وما شافو اهله منها الا كل خير مع كل اللي هم سوو فيها
لانه تقول ربنا ما يضيع حق احد
المهم قبل كم يوم تقول زوجها اتهمها يقول انها بتكلم واحد ثاني
وانه سامعها باذنه وسمعها كلام جارح لاقصى درجة وانه قالها بس تولدي وراح اوديك بيت اهلك
لانه الحياة بينا انتهت
المهم هي انهارت تقول انا ايش سويت عشان كل ذا يصير فيني
تقول مع انها اتحملت كثير منه خصوصاً انه هو يكلم بنات ويقابل قدامها وهي تسوي نفسها موب شايفة شي تقول ما تبي تخرب بيتها وانشا الله راح يتعدل من حاله و كلمتها خويته
وقالتلها انها هي خويته ويوم شافت في جواله شافت رقم البنت نفسه بس برضو طنشت
المهم يوم قالها كذا هي واجهته وقالتله طيب وانت عندك وعندك و............
قالها انا غير مالك دخل لو اجيب وحدة عندي انتي ما تقدرين تسوي شي
المهم اشتد بينهم الكلام بالنهاية يوم شافها كلمت امها راح قالها لا تروحي ولاشي حقك علي بس انا كنت زعلان شوي!!!!!!
المهم هي الحين تقول انا ما عاد ابيه
صرت اكرهه من بعد كل اللي صارلي ومريت فيه في فترة زواجنا.....
فايش تنصحونها يا بنات تسوي هل تستمر معاه ولا خلاص تنفصل عنه لانه نفسيتها جداً مدمرة !!!
واسفة اني طولت عليكم