بموت من القهر يابنات

1. بموت من القهر يابنات ،بقوللك وش صار

بموت من القهر يابنات ،بقوللك وش صار

اليوم ذكرى ميلاد زوجي فحبيت بما انه حياتنا صار لها مده وهي روتينيه حبيت اسويله حفله وزينت الغرفه وجبت له هديتين وغلفتهم وحطيت ورد وشموع وبالونات وصلحت حلا خفيف،، ويوم دخلته الغرفه قام ببرود يقول هي هي هي خلاص؟؟ انا بلمت وسويت نفسي ماسمعت شي ، قمت قلت له تعال افتح الهدايا قال مابي منك شي واصلا ماحد قاللك جيبي هدايا وخرابيط ومن هالكلام ,, وقام جلس بالمجلس وييتكلم انا بصير بارد مثلك ومشاعري مثلجه ،، حنا يابنات كنا يوم الخميس متزاعلين وتراضينا الجمعه وخلاص مافيه شي وش له داعي يفتح مواضيع قديمه ؟؟ بعدين انا والله مو بارده مثل مايتبلى علي،، انا يابنات عندي مرض خطير وشي طبيعي اني اقعد مرات ( واقول مرات لاني والله اضغط على نفسي واسوي نفسي مبسوطه والله يعلم باللي جواي) بس مرات غصب عني اكون ساكته ومتضايقه وكذا يعني مدري شلون ، الظاهر انه يبيني 24 ساعه مستانسه وامثل اني مبسوطه ، المهم اني تضايقت مره مره من حركته اللي سواها قبل شوي بس مابينت له اني زعلت قمت طفيت الشمع وشلت كل الورد والبالونات والهدايا بعد شلتهم ووزيتهم لانه بصراحه مايستاهل شي،، مابي منكم تشورون علي بشي بس واسوني ،، وبالله معه حق يخرب علينا الليله؟؟