بموت من القهر

1. وراح وانا اون من التعب وفي اقوى ضروفي واحتياجي له


2. يعني بالكثير الظهر اهو بيكون عندي لانه على مطار البحرين رايح

مساءالخير وصباح الخير
والله العظيم اكتبلكم وانا بموت من القهر من تصرفات زوجي البارده والاهمال
بقولكم السالفه وانتوا احكموا وياليت ماحد يعطيني نصايح لان السالفه ماتحتاج الا تفهموني بس
سمعوني او شوفوني ههه اقروني
انازوجي سافر دورة مدة شهر لندن والليله قبل ليلة طيارته انادخلت المستشفى وتنومت كنت حامل واجهضت والليله اللي بعدها الساعه2الفجركانت طيارته وشجعته قلتله روح ولاتفوت فرصة جاتك للعمل

وراح وانا اون من التعب وفي اقوى ضروفي واحتياجي له

كانت طول الفترة احاول مايكون بيننا نقاش حاد او نتخانق بحكم انه بعيد فما ابي انرفزه او اخرب عليه ضغوطات الدراسه والعمل ولا حتى شكيتله حاجتي ووضعي وتعبي كنت دائما اقوله انابخير واعطيه من ذاك الكلام اللي يحبه قلبكم اني مشتاقه لك و وهو بعد
كل واحد يبين شوقه وانه الله يصبره الين يوم الرجعه
تخيلوا
لما جاء يوم رجعته كانت طيارته الساعه11بالليل وتوصل الساعه8صباحا لاحظوا يابنات ياحلوين صباحا

يعني بالكثير الظهر اهو بيكون عندي لانه على مطار البحرين رايح

في الاخير يتصل على قبل يومين من طيارته ويقولي ترى اذا رجعت ماني جاي على طول بنتمشى في البحرين انا تفاجئت يتكلم من عقله هذا الحين غايب شهر في عز ظروفي في الاخير يقولي بتمشى لما عصبت وقلتله مو عدله صرخ علي وقالي انتي صابره شهر مانتي صابره يوم
وكل هذا عشان ايش عشان الرجال اللي هو صديقه قاله خل نتمشى اذا جيت اخذك من المطار بعدين نزل البلد قاله لا صعبه وتعبان وابي بس اوصل اشوف اهلي وانام قاله صبرواعليك شهر ماهم صابرين يوم
واستحى هو وقاله تم وخطط للتمشيه وانا المفروض على اتحمل تخطيط صديقة للتمشيه على الرغم اني عارفه طريقة تمشيتهم عدل الحمدلله زوجي ماشي سيده ماعنده خرابيط
بس انا الفكره بحدذاتها ماعجبتني انه جاي بعدغياب شهر ويقولي بيتمشى
المهم انه ماقتنع من كلامي وقالي مستحيل اقول لخوويي يالله مشينا نرجع
ومتى ماقاله صديقه مشينا بنمشي
قلت يالله ماعليه من الصباح واصل اكيد بتشمون للععصر او المغرب وبيحس على دمه خوييه وبيمشي وبيوصل بدري
واجي الشقه وانظفها واجهز العشاء والحلويات والذي منه كل هذا عشان اسويله سربرايز
وكل هذا وانابعيده عن اهلي مشوار وامي زعلت عشان رحت شقتي بدون ماهو يجي ياخذني وانا الله العالم ابي اسويهاله مفاجئه من شوقي له
جاء المغرب واتصل عليه ها حبيبي مشيتوا ويردعلي شكلهم مومبين بيمشون بنتعشى وبنمشي
وعصبت وكتمت غيضي عشان ماتهاوش معاه وسكت
قلت بيتعشى خلاص ماراح اسوي عشاء خليتها بس حلويات وسلطة خفيفه وجهزت كل شئ
وانا انتظروانتظرجات الساعه 10 ويتصل علي قال الحين اناطلعت وجيت للدمام عشان خويي وبيزور امه واناجالس انتظره
بذمتكم حطوا نفسكم مكاني
خوييه تمشى ووسع صدره وزار امه ماقدر يمر مايشوفه ولافكر بزوجي انه زوجته واهله ينتظرون من الصباح او من ركب الطياره قبلها بيوم
ولماخلص زياره امه راح يتعشى
بالاخير تخيلوا متى جاني البيت
الساعه 1ونص بالليل وانا خلاص تعبت وقلت مايستاهل كل مفاجئتي لانه سمح لغيره يخرب علينا لقائنا
وقواي خلاص خارت وماصار عندي شعور بلقائه لاني كنت معصبة طول اليوم
ورحت وانبطحت ابي انام وخليت كل شئ مجهز وحتى الشموع مشغله ومجهزه كل شئ
ودخل الساعه1ونص واناعارفه انه جاء لانه اخته ارسلتلي مسج باتفاق معها اذا وصل لانه مايدري اني موجوده بالشقه والمفتاح الثاني خليته عند اهله لانه انامنطقتة اهلي بعيده عن شقتي واهله
بامانه عليكم شرايكم من الغلطان انا والا هو ولوكنتوا مكاني ايش راح تسون
هذا غير اللي ماقلتلكم عنه
انه لمادخل حتى ماحاول يكلمني او يصيحيني وهو معودني اذا جاء من بره لازم يكلمني يصيحيني عشان اعرف انه جاء وننام
ولما فتحت عيونه مالقيته في الغرفه دقيت عليه سويت نفسي مادري انه موجود وبساله وصلت والا لا لانه واعدني اذا زصل بيكلمني
ودخل علي ولا كاني موجوده ولاحتى سلم ولاشئ جاء وانبطح وسالني متى جيتي الشقه ومن جابك
رديت عليه وماتحملت بروده وقمت طلعت من الغرفه ورحت المجلس وجاء يدورني وفتح الموضوع وتناقشنا وتخانقنا بس
بالعرببربي اهو مقتنع انه مضحي عشان صديقه وانه انا لازم اتحمل لاني زوجته
بموت قهر يابنات