بنات أبي مساعده كيف أودي تجهيزي

الف مبروك والله يتمملك على خير يارب
انا صحبتي تقولي كل لانجري حطيه تعرفي الاكياس الاورقنزا فيها منها احجام والوان حطي كل لانجري في كيس تقول تطلع حلوة لسه ماجربتها
والله يكرمك الشوز خليها في علبتها بس غلفيها كانها علبة هدية
هدا اللي قالتلي عليه واذا قالت شئ تاني حركة جديدة اجي اقولك
الله يوفقك يارب

كيفك ياقمر
هدي الحاجة فكرت فيها كتير
وفكرت اني احط الاندروير كل طقك في كيس اورقنزا
والبيبي دول كل طقم برضه في كيس اورقنزا
اما القمصان القصيرة والطويلة الي تتكرمش احطها في اكياس اورقنزا تتعلق في علاقات ستان
وبالنسبة للصنادل الله يكرمك ححط كل واحد في كيس ستان مرسوم عليه شكل صندل ومكتوب بالخيط اللون عشان ما احوس لانه حكاية الكراتين تاخد مساحة
والشنط حسوي نفس حركة الصنادل بس مرسوم عالكيس شنطة ومكتوب برضه اللون
وفي الاخر ححط كل الاندروير في صندوق حلو عشان يتحط في الدولاب بنفس الطريقة
الملابس مدري فكرت اغطيها عشان محد يشوفها بس ماستقريت
اما الميك اب فشفت حركة مرة عجبتني على شكل فروع شجرة متعلق عليها الحاجات بس احتمال اضيف عليها شوية تعديلات
نصيحة الملابس كلها حاولي تعمليلها اكياس ناعمة عشان ماتنعدم وعشان محد يشوفها كمان وعشان اذا كان فيها شغل شوية ماتتشبك في بعضها
وبس
انشالله تلقي افكار تانية كمان
ربي يوفقك

neughty girl
رسالة راحل
ربي يسعدكم

بصراحه افكار روعه ... بس وين الاقي اكياس الاروقنزا في جده
وتسلمو حبيباتي

أنا أتوقع إنو ما راح أقدر أفيدك بهالموضوع ..
إحنا عوايدنا غير ..
قبل بيومين تلات بروح على الشقة أنا ووحدة من خواتي .. وبرتب ملابسي بالخزانة .. والأندوير في الجوارير .. والمكياج على التسريحة .. والأحذية بخزانة الأحذية .. وأكيد ما حد ممكن يشوف أغراضي .. لأنو هاي شقتي أنا وجوزي بس ..
وألف مبروك حبيبتي والتمام ع خير ..

هلا حبيباتي اي وحده محتاره بجهازها وتبغى تسوي فيه حركات حلوه ونعومه تراسلني عالخاص علشان تشوف الصور والأفكار والله يحيكيم
وتقدرو تشوفوا مو ضوعي
(محتاره وحايسه بدبشك؟؟؟؟؟أدخلي بسرعه مافي وقت..........)تلاقوه بالمول
تحياتي

انا بعد بروح مع اخواتي وارتب كل شي واهم شي عندي كوي الملابس
وتعليقهم ب علاقات روعه من سيتي ماكس وستي بلازا وكل شي احطه في مكانه
وماراح انسى المعطرات الي تنحط ب زوايا الدولاب
والشنط اشتريت شنطه كبيره بصراحه وحطيت فيها اغراضي كلها والثانيه وسط
وفصلت بينهم وهم بنفس الشنطه عشان مااحوس الدنيا وانا ارتبهم وبس
ماحملت هم اني راح اجيب اكياس او صناديق رغم ان صاحباتي عملوها بس بعدين قالوا لي
كل شي ترتب مكانه وشلنا الاكياء والصناديق وسوت لهم زحمه ففي غرفهم
خليك عفويه وعلى طبيعتك ولاتتكلفين في ذا الامور لان ماتحتاج تكلفه او شي
اهم شي النظافه والترتيب

افكار حلوه وحركة الاورجانزا اعجبتني مره انتم تشترونها يابنات ولا تفصلونها

افكار البنات حلوه
وانتظر اشوف بقيه الافكار
/
احس اللى مهم يكون مرتب بشكل ملحوظ علب العطور والمكياج وادوات الحمام
اما الملابس تترتب بالشنط بشكل مرتب لانها راح تدخل الدواليب زي ما قالت ايلياما بعدين تحتاسي في الصناديق او الاكياس .
كمان الجزم والشنط ممكن تنحط بصندوق بشكل حلو ومرتب عشان لو ما في مكان لها بالدولاب ممكن تكون في اي مكان بالغرفه
الله يتمم امورك على خير