بنات جده ابغى رأيكم

..الفجر البعيد..

23-08-2022 - 06:03 pm

صباح الخير عالجميع
وكل عام وانتم بخير
يا بنات جده ابغى اسالكم مين جربت حلويات القصور في مناسبه
لان فرح اخوي في العيد ونبغى نسوي البوفيه عندهم؟؟
اش رايكم فيه؟؟
وكمان كيف الحلويات عندهم
الله يسعدكم اللي عندها معلومه يا ليت تفيدني

التعليقات (9)

naughty girl (+_-)

23-08-2022 - 09:09 pm

وانتي بصحة وسلامة يارب
والله ياريت اعرف كان افدتك بس للاسف مااعرف
كتير يمدحو حلويات ومعجنات وشكولاتات حلويات سعد الدين
وعندك قصر الشكولاتة وشكولاين
اللي اعرفهم
وبالنسبة للبوفيه اعرف مطعم بالم بيتش اكلو فظيع
وعندك الدلفين
هدا اللي اعرفهم
ان شاء الله البنات يفيدوكي
والله يوفقك يارب

رسالة راحل

23-08-2022 - 10:10 pm

كيفك ياقلبي..
بصراحة من زمان مرة جربتهم اول ماطلعت وماكان في غير دا المحل ..وماكان قد كدة
اذا قدرتي تجربي اصناف من عندهم..اساليهم يمكن يقدروا يخلوكي تجربي
وشوفي كمان محلات تانية اذا يمديكي..
ربنايعينك ويوفق عريسكم

ورد الجناين

23-08-2022 - 11:11 pm

الله يوفقك وتلقي جوابك

سومه$$

24-08-2022 - 12:12 am

حبيبتي جربي...
محل الجونه والدلفين.........اكلهم حلو....

بـنـتـ جـدهـ

24-08-2022 - 01:13 am

الجونة حلو بصراحه

داوني

24-08-2022 - 02:14 am

هلا أختي حلويات القصور جنب بيتي وصراحه ماشالله عليهم حلوياتهم روعه ومعجناتهم وعندهم الحلويات المغربيه خطييره والجاتوهات تقدري تروحي وتجربيه ومتاكده انها راح تعجبك هذا غير تعاملهم الذوق جدا

..الفجر البعيد..

24-08-2022 - 03:15 am

مشكورين عالردود
بس انا ابغى اعرف الاكل عندهم كيف؟؟
الاكل اهم من الحلويات

أمورة القمورة

24-08-2022 - 04:16 am

يالغلا روحي جربي
انا اللي اعرفه كيكاتهم كان الوالد الله يخليه دائماً يجيبلنا منها و كنا نعشقها مميزة و مافي زيها
بس ما ادري دحين كيف
و الله معاكم

توته النوس

24-08-2022 - 05:17 am

انا جربتهم في فرح اختي بصراحة كانت مو قدي كده مش حلوه بس تعاملهم كان ذوق
شوفي اذا بتسألي عن الحلويات عند العماد مرره حلوياته تجنن والجونه البوفيه خيال والحلويات كمان

توجراف العروس←
بنات أبي مساعده كيف أودي تجهيزي→