بنات ابي حركه حلوه للعيد بليز

حبيبتي انا انصح بالكيرلي اللي بالفير تعرفينها او الباف وطريقتها بالمنتدى البنات حاطينها بالصور والفيديو بعد وان شاء الله تطلعين احلى وحده بالعيد

وانا بعد ابغى تسريحه للعيد......

حبيبتي فروشه انا دورت على طريقته بالمنتدى مالقيته اذا ماعليك امر تحطينه لي برابط
وشاكره ردك واهتمامك على موضوعي

سوي كيرلي ولا الويفي بتطلعين شي ^^
----> احاول اجيب لك الطريقة بس من كلامك شعرك ناعم صح ولا عادي ؟؟
وانا راح اسوي لإختي في العيد كيرلي لإن شعرها اشقر بيصير شي لكن نااعم اخاف مايضبط

هذي الطريقة ختها من منتدى ثاني
السلام عليكم ورحمة الله وبركاته
موضوعنا عن الكيرلي ...
وحلو ان الواحد يغير من شكل شعره من فتره لي فتره
والكيرلي يعطي كثافه للشعر ... بشكل مرتب وحلو ويدوم فتره لوقت الاستحمام ..
وخلوني اعرفكم على طريقتين بالكيرلي وبعدها استعرض معاكم خطوات لف الشعر للاطوال المحتلفه له.... وراح نعرف بعد كل شكل وجه ايش يناسبه من تسريحات للكيرلي ..
وطبعا عارفين الشعر انواع
في الناعم وفي الوسط وفي الخشن
طبعا الوسط و الخشن هذا يبيله سشوار بالاول
وممكن الوسط يضبط معاه طريقة اللف بدون السشوار ... يكون الشعر اشوي رطب ويلف ويترك لمدة ساعه ... والشعر الوسط بسرعه ياخذ اللف عكس الشعر الناعم
لكن الناعم هذا ما يبيله سشوار ... يعني تلف الخصل على طول وتلفها يكون رطب اشوي او تضع الجل
لان الشعر الناعم بسرعه يطيح وما يضبط عليه اللف كثير الا اذا تركتيه وقت كافي يعني ساعتين تقريبا
ونبدأ نجهز المشط ... واللفافات .... والكبسات ...
الطريقه الاولى :
طبعا راح ناخذ خصله خصله من الشعر ونبدي نلفها ... واللي شعرها مو ناعم نستشوره بالاول ...
ناخذ خصله من الشعر ونمشطها
بعدها نبرم الخصله بالشكل هذا
ونبدي نثبت طرف الخصله على اللفافه ... ونلفها للاسفل
ونسكر اللفافه عليها ونتركها لمدة نص ساعه او ساعه الا ربع او اكثر اذا كان الشعر ناعم جدا
ولما نفك اللفافه راح تطلع معاي بالشكل هذا
ونتابع الطريقه الثانيه .

الطريقه الثانيه :
ناخذ خصله ونثبت نهايتها على اللفافه ونلف للاسفل... الطريقه الثانيه مثل ماهي واضحه مانبرم الخصله مثل الطريقه الاولى
نلف الخصله للاسفل ونتابع اللف... ونقفل اللفافه عليها ونتركها للوقت اللي قلنا عنه
ونبدي نفك اللفافه للاسفل
وراح تطلع معانا بالشكل هذا
ونتابع خطوات لف الشعر كله بعد ماتعرفنا على كيفية لف الخصل ..

طريقة لف الشعر المتوسط الطول :
نمشط الشعر ونجهز ادواتنا ... ونقسم الشعر قسمين
ونبدي نلف خصله خصله مثل ما تعلمنا من القسم الاول للشعر
حتى ننتهي من لف الشعر كله
وبعدها نبدي نفك اللفافات اشوي اشوي عن الشعر
وراح يطلع معانا بالشكل هذا
بعدها نرفع الشعر من الامام بالشكل هذا
ونلف الشعر بطريقه مرتبه من الخلف... ونرفعه لفوق
ونثبته بالبنسات او الماشات وبالاكسسوارا .... وننزل بعض من الخصل الملفوفه بشكل مرتب
وبالاخر ننزل كم خصله من الامام وعلى جوانب الوجه
ونتابع

الكيرلي للشعر القصير :
نجهز الشعر ... ونترك القسم الامامي من الشعر ونبدي باللف من قمة الشعر
هنا راح نضع الجل على خصل الشعر قبل لفها
ونبتدي ناخذ الخصل ونلفها كما تعلمنا بالسابق
وراح يكون بالشكل هذا ... ونتركه مابين النص ساعه او اكثر
وبعد ما نفك اللفافات راح يكون بهذا الشكل
حنا نضع السشوار على اطراف الخصل قليلا حتى يكون مرتب اكثر
بعدها نرتب الشعر الملفوف مع الشعر الامامي ... حتى يظهر لنا بهذا الشكل الجميل ..
يتبع

طريقة لف الشعر الطويل :
نجهز الشعر نمشطه ونستشوره
ونبدي اللف من وسط الراس ... ونتابع طريقة اللف نفس السابق
لما نخلص لف الشعر كله .... نتركه ساعه او اكثر لانه الشعر الطويل يحتاج وقت اكثر
وبعدها نبدي نفك الخصل .... وراح يطلع معانا بهذا الشكل ... شفتو لوين وصل طول شعرها؟؟
وبعدها نرتب كيف يكون شكله بالاخر ... والاحلى انها ترفع الشعر من الامام وتترك الشعر طايح من الخلف يكون احلى بدل ماترفعه كله مثل الصوره ..
وكل وحده وذوقها