بنات ادخلو ساعدوني برايكم مين غلطان انا ولا هوا

قصتي مابي اكبرها عشان ما تملون بس يعلم الله عز وجل اني اكتب ودموعي على خدي بنات انا عايشه مع زوجي بسلام زي اي زوجين يحبني ويهتم فيني وتصير مشاكل عابره من فتره للثانيه عادي زي كل البيوت وتنتهي ونرجع بسلام وانا عارفه انه يحبني ومتأكده فجأه بين يوم وليله وبالتحديد من عشر ايام وبدون مبالغه اقسم بالله يا بنات اني صادقه بكل كلمه اقولها وما كذبت عليكم بين يوم وليله انقلب عليا وصار ما يناظر في وجهي ولا يكلمني ولا يهتم فيني ابدا وكأني مو موجوده في حياته معامله رسميه مره وكل ما تكلمت معاه يقولي مافي شي وانا حاسه انه متغير 180 درجه اراجع نفسي اقول يمكن سويت شي لقيت نفسي ما سويت شي وبعد رحت له و قلت اذا انا زعلتك في شي انا اسفه وحقك عليا وانت اهم شي في حياتي ومن هالكلام قلي انا مافيني شي ما ادري احس انه صار يكرهني وكل ما تناقشت معاه وقلت ليه تغيرت حبيبي انا احبك يقولي انا ما تغيرت ترى طفشتيني وتنتهي بمشكله مع اني اتكلم معاه بهدوء وبشويش ودموعي على خدي وبضعف كان وانكسار
بنات انا ماني عارفه ايش فيه انا تايهه ضايعه محتاجه دعائكم والله العظيم اني ما نمت وانا ابكي ولو تشوفو حالتي بالويل انا حامل والحمدلله وكان طاير من الفرح بالحمل الان ما يفرق معه ويقولي بعدي عني معاملته مع البنات عادي يلاعبهم وما تغير الا معي انا بس بس تغير غريب ويخوفني خايفه اخسره انصحوني ايش اسوي وامس يقولي انا محتاج اروح الحرم النبوي بالمدينه ونام وهوا زعلان مني عشان قلت له ايش مالك تغيرت معايا وين حبك حق زمان يقولي اتركني ابغى انام وصرخ عليا وطردني من الغرفه وقلي اذا تكلمتي او لمستيني بضربك فاحفظي كرمتك وابعدي عني وعمره في حياته ما قسى عليا اصلا ما كان يعرف ينام الا وانا جنبه انا بنجن بنات ساعدوني ادعولي ارجوكم ادعولي انا محتاجه دعائكم
ما ادري هل الانقلاب هذا سحر؟؟او ايش اسوي انصحوني انا في محنه ما يعلمها الا الله
نسيت اقولكم اني انا حامل..