بنات الرياض احلى بشرى فرع لبنان فتح هنا الابداع والغرابه

شوكولااته

26-12-2022 - 04:13 pm

كيفكم حبيت اخبركم يالغاليات وافيدكم ..

السلام عليكم ورحمة الله وبركاته

كيفكم حبيت اخبركم يالغاليات وافيدكم ..

الي تروح لبنان وتعرف محلات weeding day ,,,hapy day او الي شافت برنامج زواج الي بالام بي سي وشافت طرق التقديم الغريبه للشوكولاتات والسوفونيرات وهدايا المواليد والزواجات والحفلات بتعرف ..
فتح عندنا محل نوردان وهو فرع لويدينق داي وهابي داي وهو عباره عن يسوي لك ستاندات غريبه تنشبك على الكهرب وتولع اضاءات وبشكل اكواخ وسيارات تتعبى شوكولاتات وهدايا ..والشوكولاتات حقتهم بعد ماسلمت منهم يشتغلون على كل حبه شوكولاته بحيث ان الشوكولاته تكون تحفه يتحسف الواحد ياكلها تخيلوا كل شوكولاته يشتغلونها بالترتر او العصافير او الكريستالات او البروشات الي تلبس مع الملابس بحيث انك اذا اكلتي الشوكولاته تستفيدين من البروش ..وشوكولاتات الملكه او الزواجات تكون كل حبه شوكولاته على شكل عروس وعريس بالطرحه .........الخ مره اشياءهم خياليه...
و ستاندات المواليد كل ستاند كانه يحكي قصه مثل ستاند السندريلا الستاند على شكل سندريلا ويتعبى شوكولاتات عرايس واشكال غريبه بعد .. وستاند الستراوبوري الي بافلام الكرتون وستاند بحري .........الخ اشياء اتعب وانا اقولها ..
وعندهم قسم (((((بطاقات الزواجات الغريبه الي تكون البطاقه على شكل صندوق او قفص او بوق من الزجاج او كريستال او دانتيل .....الخ )))) مره خييال ..
وتجي عندهم اطقم بطاقه الزواج طقم مع الشوكولاتات بنفس الموديل وهدايا الي تتوزع بالزفه نفس البطاقه والشوكولاته ....الخ مره غريبه ومبتكره واول مره عندنا بالسعوديه ...
وفيه قسم لملابس السهره والمناسبات وحجابات وفرو وحركات غريبه .. وفيه ملابس سهره ماركات فيه عندهم ملابس ماركه فندي وهي مو موجوده عندنا بالرياض ملابسهم .. وفساتين اترو وفساتين كثيره من لندن وامريكا ..
وحتى شفت عندهم قسم خاص حق الهدايا الخاصه المبتكره مره حلوه افكارهم .. يسوون لك هدايا خاصه بطريقه تقديم غريبه وجديده ..ونفس صاحبه المحل انتي تقولين لها المناسبه وتعطينها صوره اذا حابه تكون صوره المهدى له موجوده وهي تالف لك شعر وتطبع صورته على العلبه مع حركات مبتكره على السيراميك والجلد ....الخ اشياء مره ذوق وغريبه ...
واخر شي فيه صالون تجميل للمكياج والشعر والحلاوه والحواجب .....الخ ... وحتى فيه مقهى بقعدات رايقه وتلفزيون ...
بصراحه محل انا اعجبني مره ماشاءا لله واتمنى يعجبكم ويفيدكم لان اشياءه غريبه مابعد طاحوا فيه الناس توه جديد فراح تكونين مميزه باشياءه لانها مانتشرت ...
والمحل بطريق التخصصي على امتداد بريستيج للاثاث ...بعد سكن وزاره الخارجيه ..
ورقمهم **************
يمنع وضع ارقام هواتف على العام
يوه تعبت ..
والسلام ختام ...
وان شاءالله اكون افدتكم لاني جديده وحبيت ابدا اول مشاركاتي بافاده لترحبون فيني ..

التعليقات (9)

احلى بسمه

26-12-2022 - 07:12 pm

ماصدقنا فتح
يالله شدو الهمه ياعرايس

شوكولااته

26-12-2022 - 08:13 pm

ههه عشان كذا قلت ابشركم ...
شكلك انتي بعد كنتي تنتظرينه .. بس بصراحه اشياءهم الي جت بالام بي سي كانت حلوه مره ..
وشفت زواج ناس جايبين منهم البطاقات والهدايا والشوكولاتات طقم بس خيال من جد ابداع طارت عيوننا ماشاءالله تبارك الله ...

MotaMiza

26-12-2022 - 09:14 pm

مشكوره ولاز نمر عليه

المــــــــلاك

26-12-2022 - 10:15 pm

الله يبشرك بالخير
مشكوره
ونورتي المنتدى

شوكولااته

26-12-2022 - 11:16 pm

امين يالغاليه .. والمنتدى منور بوجودك انتي والباقيات ياذوق ..

الفراشه ريماااا

27-12-2022 - 12:17 am

الله يعطيك العافيه
مشكوره

amomo

27-12-2022 - 01:18 am

thanksssss

شدووونة

27-12-2022 - 02:19 am

بس
كيف الاسعار عندهم
لا تكون نار ؟؟؟!!
اتمنى اللي راحت له تفيدني ببعض سعارهم
مشكورة لها.خدمتها.

شوكولااته

27-12-2022 - 03:20 am

انا رحت لهم على طول
اسعارهم على حسب .. الي طلبيات خاصه على حسب سعر الكيلو او الهديه الي مختاره ...بس اسعارهم معقوله على الديكورات الي يعمولنها والشغل على الشوكولاته ..
وانتي ممكن تحددين ميزانيتك وهم يعملون لك عليها ...والستاندات ممكن تستاجرينها اجار اوفر لك من الشرى ..
والفساتين الماركه عندهم من الف وفوق .. اما ملابس الحجابات من ميتين ريال بس واسعار جدا معقوله ..
انا اعجبتني اسعارهم مقارنه بالمحلات الي بالثلاثين الي شوكولاته ساده مجرد بس مصفوفه بصينيه بفوق الالف ...!!!!
هم لا كل شوكولاته عليها بروش يستخدم للبس بعد اكل الشوكولاته او صناديق كريستال بالشوكولاته او عرايس على الشوكولاته .....الخ مره اشياء غريبه وتضربين 2 في 1 ... بصراحه اشياء تواجه ...

طاامعه في كرمكم يا بنات الرياض←
الحقوني في مصمم في الرياض يابنات الرياض→