بنات الرياض تعالو

السلام عليكم
مبروك عليكم الشهر الفضيل و جعلكم الله من صوامه وقومه
اخواتي تكفون طلبتكم لا تبخلون علي بردود نافعه و تفيدني وتفيد الغير ان شاء الله
اخوي بيتزوج عقبال العزاب والعازبات يارب
ابي اخذ معلومات من الالف الى الياء منكم واستفيد عشان ما ننزنق
اولا ابي معلومات عن القاعات
ابيها حلوه ورخيصه او اسعارها معقوله ما بي اخوي يفلس او يتدين بأول حياته ويجرجرونه الديانه
ثانيا قهوجيات معدلات مو يفشلونا ويكون اسعارهم معقوله
ثالثا ابي طقاقات يشيلون العرس شيل وتكون اسعارهم معقوله
رابعا دي جي بعد خواتي يقولون دي جي احسن بس يالله اخر شي نقرر طقاقات او دي جي
انتم ساعدوني بأرأكم ما خاب من استشار
ايه حبيباتي تكفون الله يجزاكم خير ابي الاسعار والارقام لا تنسون
يالله نكمل وين وصلنا ايه
خامسا ابي الي ينسقون القاعات والهدايا والخرابيط هذي
ولا تنسونا من تجاربكم يعني الي جربت طقاقه او قاعه او قهوجيه تذكرها
سادسا مصوره محترفه وسعرها معقول
سابعا ابي مطعم يسوي بوفيه مفتوح بس شغل عدل ما يفشل واسعارهم معقوله
ثامنا نبي كوافيره تجي للبيت وشغلها زين ما بيها تحوس في وجهي على بالها لوحه فنيه
احب المكياج الهادي الناعم الي يبرز جمالي مو يخفيه تحت اطنان من المكياج
وابي وحده بعد تسوي سنفره وتشيل الشعر وكل شي وتكون اسعارهم معقوله ويجون للبيت
ايه ابي مشاغل تفصل فساتين صح او محلات حلوه وتصاميم فساتينهم حلوه
ملخص طلباتي
قاعات
بوفيه
طقاقات
دي جي
تنسيق القاعات والهدايا
قهوجيات
كوافيره
مصوره
مشاغل
محلات فساتين
ملاحظه:
لاتنسون الاسماء والارقام والاسعار
جز الله خير كل من ساعدني ويسر له امره
مابي الي تويق وتطلع والا تعطينا علم
هذا الموضوع لنا كلنا