بنات الرياض ساعدوني امانه

روحي لاسواق المتنبي في الملز شارع جرير
ارجو اني ساعدتك وبعدين ملابس حلوه بس طبي وتنقي

مراحب اختى
فيه عندك اسواق المتنبى خوذى وخلى من محلات ملابس السهره
وان ما اعجبك الموديل تقدرين تعدلين فيه واسعارهم معقوله
وفيه عندك باسواق الاندلس الدور الثانى اكثر من محل لفساتين السهره
وكمان بشارع العليا العام عندك اكثر من محل مثل لمسات طيبه حلو مره تلقينه بجنب محل واحة الجلابيه
وكمان عندك روبي مودا بجنب جرير اللى بالعليا بس غالى
ولا تنسين اسواق مكه اللى عند منتزه سلام عندهم فساتين حلوه على كلام الناس والا انا ما شفتها
هذا اللى ببالى الحين
والله يسهل عليك
وتلقين لك فستان

هلا وغلا بك
توتي 87
مشكوره يالغاليه على مساعدتك
وان شاء الله اروح المتنبي واشوف
بس على الله القى اللي ابيه <<طراره وتتشرط هع هع
يعطيك العافيه يا قمر تسلمي ما تقصرين
::
::
نونو ام ريما
هلا فيك حبيبتي
يعطيك الف عافيه يا قمر على مساعدتك
والاندلس فيه حاجات حلوه والله بس ابي غيرها
لانك تلقين اغلب الفساتين موديلاتها متكرره في كذا سوق
ابي أكون متميزه بكل الصفات ماهي مثل باقي البنات<< دخلت جو ههه
ومكة رحت لها بس والله ما عجبني شيء ابدا
اغلب اللي فيها للعرايس فيه فساتين سهرة بس لك عليها مو مره حلوه
ابي اسواق حلوه تهئ تهئ
فيه بنات قالوا لي عندك صحارى مول وفيه الموسى
بس ما اعرف المحلات الحلوه فيها
يعطيك الف عافيه يالغاليه ما قصرتي
::
::
جبرتوا في خاطري يا اقمار الله يجبر بخاطركم
ولا يحرمكم الجنه ان شاء الله ويخلي لكم من تغلون وتحبون يا رب
بنات في انتظاركم حتى يساعدوني
بالله مو تدخلون ولا تردون مالكم داعي صراحه اللي تعرف
تكتب على الاقل تكسب حسنه في المسكينه هذي <<< قطعت قلوبكم

هايات اختي(ليا111ن) انا نفس الشي ادور فستان للزواجات اللي عندنا بالعطله ومو لا1111قيه! أكثر الاسواق درتها ومالقيت!!
رحت للأندلس مافيه،والموسى(فيه عندهم بالدور الارضي محلين يمكن يعجبونك البرت،لينوفر)بس اسعارهم عاليه ومو دايم تلقين عندهم شي يفتح النفس !!وحتى المحلات اللي فوق كلها دايرتها مش ولابد!! وفعلا الفساتين اللي عندهم تكون مكرره ومنتشره بعد!!بس انتي روحي وشوفي يمكن يعجبك شي!
والفيصليه والمملكه برضوه مانزلو المحلات شي شيك وحلو كله مقرف>>متعقده!
بس فيه محل( ارتبل )بالفيصليه وبشارع التحليه على ماأظن له فرع بعد!! عنده أشياء غريبه بس احيانن تخلص القطع لان كل قطعه يجيبون منها وحده !عشان ماتلقينها على احد وهذا احسن شي !وصدقيني استحاله تلقين شي حلو وغريب وسعره عادي!!
الحين الاسعار كلها عاليه لاجاهز ولاخياط من جد انا درت وشفت بعيني!بس ان شاء الله تلقين اللي يناسبك ،،
والعليا مول(بالعليا) ممكن تشوفين المحلات اللي عندهم انا بصراحه مابعد رحت لهم بس على ماسمعت يمكن فيه اشياء حلوه!
وفيه عماير السريكون بالعليا محلات نسائيه يعني اللي يبيعون حريم كأنك داخله مشغل فيه فساتين اشكال والوان جاهزه ونفس الشي كل قطعه منها وحده بس!
ومنزلين على ماسمعت قبل اسبوع فساتين ممكن تروحين لهم وإن شاء الله يعجبك اللي عندهم ،،
اتمنى اكون افدتك باللي عندي ولاتحرمينا من دعواتك،،،،

مراحب يا قمر
هلا وغلا فيك
يعطيك الف عافيه ان شاء الله ولا يحرمنا منك
ولا من مساعدتك لي
انا مابي لزواجات ابي لملكة اخوي بس
المشكلة اول واحد تهئ تهئ
واو متكرر لا تقولين
وانا اللي كان عندي امل في الموسى
يا فرحه ما تمت تهئ تهئ تهئ
مابي الفيصليه واللمكملكة غلا على الفاضي
يجيك الفستان ب4000 او 3000
والمشكله ليت حلو بس والله مال امه داعي
صدقتي يالغاليه غريب وحلو سعره عادي
يعني مابي غالي مره ولا رخيص حدود 1000 او بالكثير 1500
يعني ما تتعدى لاني لو اشتريت باكثر من كذا وش بخلي لزواج اجل
العليا مول فيه حاجات حلوه بس مو كلها نادر ما تلقين
واذا لقيتي على 5000 وينى فيه والله لو اني العروس
يا رب يا رب يا رب القى في عماير السريكون
والله ما عاد عندي امل تحطمت لا مستحيل
تهئ تهئ << قلبي بيتقطع من كثر البكى ابي القى شيء
باقي املي الوحيد في صحارى مول والسريكون والموسى
باقي بدور على الله القى شيء حلو
شاكره لك يالغاليه مساعدتك وربي يخليك لعين ترجيك
بس ودي اعرف ليه تدخلون ولا تردون 49 وحدة
معقول معقول ولا وحدة تقدر تساعدني ما تعرف
ردوا علي 3 يعني 46 بس يطالعون <<< والله يانتي تتشرطين
اص لا يجي الكيبورد بوجهك
تيب خلاص بس والله ان قلبي يتقطع ادخل
كل شوي ودي اشوف احد رد والا لا على امل احد يساعدني والا شيء
لكن الله يسامحكم << قطعت قلوبكم
يالله ترى باقي انتظر >>>قوية وجه
بس والله يا بنات ان ما عندي الا الله ثم انتوا حتى تساعدوني
اتمنى ما تبخلوا علي بردودكم ومساعدتكم لي اذا تعرفوا بشيء

على فكره بصحح معلومه محل ارتبل اللي بالفيصليه له فرع موبالتحليه بالعليا العام قريب من المملكه على نفس الشارع اذا تعديتي المملكه يعني واتمنى انك تلقين اللي يعجبك،،،، بس لاتسألين عن الاسعار!!الا اذاكانوا مخفضين لان هالوقت فيه محلات مخفضه))
ومحلات السيركون برضوه يمكن الاسعار مرتفعه بقوه بس اللي اهون يمكن بشوي من المحلات الثانيه(الخيلاء +سيركل+قمة الاناقه+المخملي+فيلا موضه)
ان شاء الله تلقين عندهم اللي يناسبك لانهم اصرف شي من ناحية الاسعار وبضاعتهم حلوه بعد،،
لان غيرهم مثل المحاسن وطقته هذا لاتسألين!!
وفيه صحارى بلازا الدور الثاني فيه فساتين ناعمه يمكن تعجبك لانه الملكه مايحتاج لها شي رسمي قوه مثل الزواج هذا من رايي وانتي ابخص،،
تحياتي،،

كثرت الطلبات على المشاغل .الخيص هو المتنبلى ولا راح تلاقى ارخص منهم .بس فيه زهره اللوتس فى شارع الثلاثين وفيه المصمم فى شارع العليا العام امام الفيصليه

لا تقربين السيركون ولا تجينه
لانك كذا بتتعبين نفسك عالفاضي
حبيبتي في السيركون مايبيعون باقل من 10.000
شوفي ماراح تلقين جاهز لو درتي الرياض كلها
لو لقيتي ب 1000 والا 1500 موب حلوات
احسن لك فصلي في مشغل وريحي عمرك
واذا ماعندك موديلات والا شي
روحي لمشاغل المتنبي ويعطونك الموديل ويفصلونه لك بسعر رخيص
هذي نصيحتي لك وعاد انتي بكيفك

لا تقربين السيركون ولا تجينه
لانك كذا بتتعبين نفسك عالفاضي
حبيبتي في السيركون مايبيعون باقل من 10.000
هايات اختي العنود !! معليش السيركون عندهم فساتين بهالأسعار بس مو كلها!! أنا هاليومين رايحه لهم وشفت اسعارهم صحيح انهم غالين بس فيه بألفين ثلاثه اربعه وخمسه وهذا الاغلب العشره هذي يمكن عند المحاسن تلقينها وبالمحلات مافيه الاكم قطعه ينعدون بهالسعراو مافيه بعد!!!! الاغلب زي ماقلت لك بحدود الثلاثه والاربعه وفيه بألفين والف وخمس بس نادرآ يمكن اذاكانت مخفضه وقطعهم من جد غريبه وشيك بس مو كلها!
طبعآ كل واحد له وجهة نظر واختلاف الرأي لايفسد للود قضيه
تحياتي،،