بنات الرياض يا النشامى ساعدوني الله يسعدكم

محلات السيراميك انصحكم تروحون للمحلات اللي في طريق الخرج ترى ما اعرف الوصف ممكن يسأل ويدلونه .. عموماً هو مجموعه كبيرة من المحلات .. تتفاوت اسعارها ما ادري وش الرخيص فيها لازم تدورون وتقارنون الاسعار بأنفسكم ..
اما التعتيق اذا كنتم ساكنين في شمال الرياض فيه شارع الجامعه على ما اظن وله اسم ثاني نسيت وشو فيه برضه محلات تعتيق ومحلات للإنارة ,,
اما الاثاث نفسه فكثير بس ما ادري وين الرخيص ..!!
اتمنى اكون افدتك ..

اهلين حبيبتي فيه اسواق بن دايل للاثاث غرف نوم ومكتبات وفرش وهومعروف اسئلوعنه ويدلونكم عليه اسعاره معقوله جدا وفيه بعد اسواق ورى حراج بن قاسم جنوب الرياض والله فيها كنبات ومجالس عربيه يفصلون لك عالطلب مره حلوه وفخمه ورخيصه وفيه مطابخ كمان تفصيل وجاهز ومحلات السيراميك في طريق الخرج جنوب الرياض كمان والبويات والتعتيق فيه اماكن كثيره ومتفرقه اتمنى اني افدتك يالغاليه ونورتينا في رياضنا الحبيبه

اختي محل المطابخ فيه على طريق البطحاء محلات مطابخ تجنن
ومحلات غرف النوم وكذا انا صراحة احب ايكيا واسعاره حلوه مش غالية ولا رخيصة بس ترا الجودة مش ذاك الزود توي شارية غرفتي من عندهم والله بسرعة تنقشع الصبغة اللي فوق لكن اشكالهم حلوه والله يعني اللي ماعنده بزران تمشي معه تعمر
التعتيق والصبغ والله ماعندي خبره
اتمنى اني اكون افدتك والله يعينكم بيت كامل انا غرفتي وغثتني ولي شهر اصلح فيها الله يعينكم بيت كامل

الله يعطيكم العافيه ياعسولات
من جد من جد افدتوني والله يعيننا على قولتك اختي دلوعه بيت كامل