بنات الطائف طلبتكم لا تخلووني بانهبل قريبا الحقو علي

السلام عليكم ..
كيفكم يافراشاات ياحلوات..
بصرااحه اني عندي مشكله وحبيت استشريكم فيها وتعطووني الحل لاني باتجنن
وهي انا ذي السنه داخله اولى ثانوي وادرس بالثانوية الاولى بالطائف
بصراحه ذي المدررسه جدا جدا جدا سيئه من ناحية كل شئ وانصدمت فيها لاني جاييه من احسن مدارس المتووسطه بالطائف
((المتوسطة السادسه))>>اجمل اياام عمري..
المعلمات قليلات ادب <<العذر والسمووحه من كل المعلمات
تخيلوا داخلين علينا من اول يوم صياح وتهزيئ وكلام ماله داعي
واحنا ضعيفين داخلين اول يوم خاائفات ومرعوبات من المدرسه وهم زادوها طينه..يعني بالله فيه معلمات بذا المستوى المتندي
لا وفي معلمه داخله علينا ايش تقوول: شوفوا يا بنات انا طوويلة لسان وقليلة ادب يعني ماابغى طالبه مثلي طويلة لسان لاني انا وهي ماراح نتفق وبتلقى مني الجزمه (الله يكرمكم)على راسها <<بدايتها مضاربات ههه
بالله هذا كلام ينقال لطالبات في اول يوم تمهيدي اول ثانوي..
وانا مسكينه من ايام المتوسط وانا حدي دفتري وكتابي وماعمري تكلمت على معلمه او حتى شمقت فيها وهم بصرااحه شكلهم بيخلوني احتد على قلة الادب
ويوم جووا يسالوني تبغين تدبير او خياطة او فني انا اخترت فني اوتدبير ماكنت ابغى الخيااطه نهائيا ويوم جات الابله اختارت البنات اللي تبغاهم ويقربون لها تحطهم في اللي يبغونه وعلى مزاج مزاجهم ..
واختكم المسكينه ماتعرف الابله ويوم اكتفى العدد قالت الابله :انتي ياريم شكلك شكل خياطه<<شكلها مشبه على خياطه فلبينيه وتحسبني فالحه بالخيااطه مثلها
باحطك في الخيااطه واوه تكفين يابله مااحب الخياطه ردت برد سكتني
اوص لا تردي واسمعي الكلام <<اللي يقولها تكلم بنت في الرووضه
واختكم انغصبت على شئ ماتبغاها ومع ان ماحطوا هذا النظام الا عشان البنات يختاروا مو المعلمات يختاروا
لا تقوولون انه في بعض الطالبات ميصلح لهم الشده وانه الابله الطيبه خبله لا والله ذولا مو بشده بقلة ادب تصدقون حتى الالفاظ البذئيه اللي يقولها عيال الشوارع يقولوها عندنا المعلمات مثل كلي ز..؟ <<عارفينها
وياجزمه <<الله يكرمكم وانتم ماعندكم كرامه و قدركم قدر الحم..؟الله يعزكم
ومو بس المعلمات حتى مرافق المدرسه لها 100سنه ماغيروها وماتصلح ابدا مكان للدراسه حتى الكرسي اللي اجلس عليه مكسوور وحالته حااله
والسبووره مليانه ليكود (مزيل الاقلام الابيض)ومااعرف انقل الدرروس من عليها الا بشق الانفس
والجدران مهدمه ومتصدعه والارضية وسخه والحاله الله يعلم فيها
الله يعنيني بس ..
فكرت انقل بس وين اروح مااعرف مدارس بالطائف <<اكبر بنت في العائله تدخل ثانوي
الله يخليكم ساعدوني لاتقالم مع ذي المدرسه لاني مانتم عارفين السنه الجايه معدل تراكمي وانا نفسي اجيب مجمووع لاحقق حلم حيااتي ((دكتووره))<<ادعوولي
بليزز اللي تعرف ثانويه في الطايف حكوميه او اهليه بس اهم شئ كوويسه واهم شئ المعلمات المعلمات واللي تدرس بالثانويه بالاولى او تعرف احد فيها بليز تقولي
الله يخليكم ردوو على باقرب وقت لا تخلوني لاني حالتي النفسيه بتدهوور
لاعدمتكم ..
والله يسعد كل وحده تساعدني وينول لها اللي بالها ..
وآآآآآآآآآآسفة اني طوولت بالهرج الفاضي بس من كثر مافي قلبي من هم كبير ..
مع تحياتي ..
الريم2006