بنات الكويت وينكم

سهام الحبf

29-04-2022 - 10:16 pm

الشيخات اخباركم واخبار الكويت ان شاء الله الكل طيب
بنات بغيت منكم طلب وهو انكم دلوني على محلات حلوه وذات اسعار مناسبة حق الشنط الراقية والحلوه طبعا والنعل والجواتي الله يكرم الملائكة والقارين والملابس بس العملية اللي تصلح حق الجامعه وبعد ايش بغيت ايه احسن علب الشادو اللي تستخدمونها ياليت تكتبون اساميها وشكرا انتظر ردودكم بسرعه ولا عليكم امر

التعليقات (9)

سمبووسه

30-04-2022 - 01:57 am

اختي سهام الحب
انتى تأمرين امر بس اعتقد اغلب المحلات اللي بالكويت موجوده عندكم خاصه محلات الشايع
لان وكالته بالخليج كله اللي هي دبنهامز واويسس وريفر ايلاند
بس في عندنا محلات تبيع الشنط التقليد للماركات لكن صراحه ما تفرقين بينها وبين الماركه وسعرها ارخص طبعا
واذا تبين العنوان ارسله لك برساله خاصه
وحياك الله اختي بالكويت

سهام الحبf

30-04-2022 - 02:58 am

ايه الشيخة ابيه بس اذا عن الشنط والنعل والملابس لا عطيني اماكن غير اللي في المجمعات يعني اشياء بناتية وستايل ما تكون عندنا محلاتها وعلى العموم تسلمين اختي على الرد

bambena

30-04-2022 - 03:59 am

عندج المعارض كاريزما وديفا اللي يم مستشفى الاميري وفي مجمع زهره محل الشنطه بضاعته حلوه ورخيصه

ام_مرام

30-04-2022 - 05:00 am

حبيبتي...روحي:النقره الشمالي+النقره الجنوبي(بجانب بعض)..فيه ملابس وشنط وكل شي..بمنطقة النقره
وروحي:سوق المعلم...بمنطقة الري
و سوق شرق بشرق
وأسواق السالميه حلوه ورخيصه بالسالميه
الشدو من بودي شوب..بجمعية الشاميه وله فروع كثيره...وفي بالمحلات العاديه ظلال حلوه
ويا هلا فيج بالكويت الحبيبه

ريمااا

30-04-2022 - 06:01 am

انا من راى اذا تبين محلات اسعارها مناسبة ومختلفة عن لى عندكم روحى سوق السالمية وسوق المعلم طبعا بسوق المعلم اى قطعة بخمسة ام يعنى بالسعودى الدينار 12 ريال ترا ماادرى اتوقع جذى الحسبة المهم رخيص
واللة يوفقج حبيبتى تبين شى ثانى احنا بالخدمة

مرحوبه

30-04-2022 - 07:02 am

هلا و غلا بالغالية
كل مكان عندنا بالكويت حلو
وكل سوق أحلى من الثاني.....وبلأسعار اللي تناسب الكل
ومحلات المكياج حلوة
عندج مجمع كويت ماجيك .... يمكن سمعتي عنه
أكثر شي عنده بو خمسة والبنطلونات والبلايز عنده تجنن
وسوق الفحاحيل عالم ثاني كل شي فيه موجود
وأي شي ثاني البنات ماراح يقصرون معاج
وحياج الله بالكويت

فراشة ماما

30-04-2022 - 08:03 am

سمبووسه
ياليت ياقلبي تقولين اسم المحلات اللي تبيع شنط تقليد للماركات
ومشكوره وماتقصرين

akOna

30-04-2022 - 09:04 am

اول شي حياج الله في بلدج الثانيه الكويت ...
و حبيباتي الي تسئل عن محلات تقليد الماركه في كذا منطقه فيها هالشغلات ...
و في تقليد مظبوط و في تشوفينها من اول نظره تقولين تقليد ...
مثل المباركيه - عاد اهناك بالاوي تلاقينها - الفروانيه - .خيطان -في بحولي بس مو مثل هالثلاث مناطق هذيله الي ادلهم و الي تبيهم بالعنوان بالظبط تدزلي ع الخاص و غير جذي عندنا جرائد اعلانيه فيها كل الي تبونه ما اقدر اقولكم لانهم اشياء كثيره الي تبي تراسلني ع الخاص و انا اقولها اي شي تبيه ..
و حياكم الله مره ثانيهفي ديرتنا الحبيبه الكويت ...
تحياتي ...

{{كويتيه مزيونه}}

30-04-2022 - 10:05 am

مرحبا اختي فيج بالكويت بلد الجميع والبنات اظن ماقصروا بس انا بعد ودي افيدج اذا تبين تقليد جناط درجه اولى في محل في السالميه في مجمع منيره في شارع سالم المبارك جناطه كلها على سبع دنانير في الميزانين وفي بره المجمع مكان اسمه سوق الحوش هذا في جواتي روعه واذا تبين مريح عليج بجوتي الساس طبي ومريح تلاقينه بالديره في مجمع الاوقاف واذا تبين شادو وميك اب مع ماركات معروفه واشياء غريبه روحي سوق المباركيه في بالسرداب في ميك اب يجنن ورخيص ويبيع بالجمله واي شيء تبينه انا موجوده .

ثوب العيد←
لي تبي تشوف ملابس اللعيد تدخل→