بنات الله يخليكم ساعدوني ضاق صدري وانا توني عروس

1. حبايبي هذي اول مشاركه لي في المنتدى الرائع


2. يابنات الله يجزاكم الجنه وبحق هذا الشهر الكريم تردو علي


3. واللي طحت بنفس مشكلتي الله يجزاها كل خير ترد علي تقوللي وش الحل

السلام عليكم ورحمة الله وبركاته

حبايبي هذي اول مشاركه لي في المنتدى الرائع

بس والله اني تعبانه جدا جدا جدا بسبب مشكلتي واتمنى اي احد يفيدني لاني فعلا بدأت انهار عصبيا
انا توني عروس جديده وقبل الزواج وكلكم عارفين مشاكل الزواج بدأ يتساقط شعري من حالتي النفسية علاوة على اني اصلا اعاني من نسبه فقر دم وقبل كذا كنت اتعالج من هرومونات وزيادة شعر في الوجه وعطاني الدكتور ادويه خلت شعر راسي يخف مره
وبعد كذا كتبلي بخاخ اسمه نيوكسيديل كان والله حلو بس مفعوله ظهر بعد 3 شهور تقريبا ولاازم استمر عليه
بس انا ما كنت اعرف كذا الموهم وقفت البخاخ وماكنت اعرف اني راح اتزوج بعد فتره
وظل شعري متحسن الين جا الزواج ومشاكله بدأ شعري يتساقط بشكل غريب وللاسف انا كنت مضطره ولاحطو اني فعلا كنت مضطره اني افرد شعري لان زوجي الله يهديه ما يبطل تعليقات على شعري لانه اصلا شعري ملفلف ومنفوش مع ان الشعر نفس ناعم الملمس لكنه منفوش وملفلف
واتوكلت على الله وعملت فرد الماتريكس هذا اللي طالع جديد والنتيجه كانت حلوة والله الفرد مبين كأنه استشوار مو فرد زي حق زمان هذا اللي يوقف الشعر كنه خشب
بس المشكله الحين انه شعري من جد ينزل ينزل ينزل بشكل غريب
وبدأت اخاف اني اصلع من كثر التساقط وفعلا من قدام غرتي صار شكلها يفشل
مادي هذا التساقط من الفرد ولا تابع للتساقط اللي كنت بعاني منه قبل الفرد عادي ومادري وشو الحل ؟؟؟؟؟؟؟؟؟؟؟
شريت فيتامينات للشعر اسمها هير ريجوفيناتنج قاللي الصيديلي مره كويسه وشريت مره ثانيه البخاخ النيوكسيديل وبعمل حمامات زيت جوز الهند وزيت كيشور دهني قبل لا اتروش بساعتين
بس مافي فايده والله ان شعري ينزل في يدي كأنه حالف ما يثبت في فروة راسي

يابنات الله يجزاكم الجنه وبحق هذا الشهر الكريم تردو علي

واللي طحت بنفس مشكلتي الله يجزاها كل خير ترد علي تقوللي وش الحل

اتفشلت ونفسيتي زفت وكل ما اشوف شعري يطيح نفسيتي تسوء بزياده احس اني خلاص بصلع وزوجي الله يهاديه ما يسكت ان شاف فيني اي عيب >>>>>>> حسبي الله على الفضائيات اللي خربت رجاجيلنا وخلتهم من يبون يتزوجون ويتأمرون يبي رجلها زي هيفا وشعرها زي نانسي ومدري خشمها زي مين .... الخ الخ
بنات تكفه الله يجزاكم الجنه ساعدوني انا في امس الحاجه لكم وابشروا بالدعوات والله ترا ما انسى اي احد ساعدني ابد والله وادعيله من كل قلبي