بنات المدينة المنورة ابي اسالكم عن الجامعات ياريت تساعدوني

بنات الله يخليكم ساعدوني ...
رشحوا لي وين ادخل ...وذا اقدر انتسب والا لا ....

والله لو اعرف كنت افتك بعيوني والله
بس للاسف ما اعرف لانى انا بجده
انا ليا طلب ماحد ساعدني احسلك دوري بنفسك وانا كمان راح ادور بنفسي

هلا اختي,,,
صراحة انا ادرس في جدة ,,,
بس عندي خبر انه في المدينة ,,,
جامعة طيبة ,,, واكيد تلاقي فيها قسم شريعة ,, اللي تبغيه ,,
وفيه كلية اعداد معلمات اللي هي كلية التربية ,,,,
سوي بحث عن موقع جامعة طيبة
وراحي تلاقي فيه المعلومات اللي تحتاجيها ,,,
واذا ما عرفتي ,,
انا موجودة
احاول
ابحث وافيدك,,, موفقة اختي,,,,

انا من المدينه المنوره وادرس في قسم الدراسات الاسلاميه يكليه اعداد المعلمات سايقا((التريبه حاليا))
وفي كمان يجامعه طيبه قسم دراسات اسلاميه بس مااظن فيها انتساب
وفي برضو بكليه التربيه دراسات اسلاميه وفيها هيا واعداد المعلمات انتظام وانتساب
ان شالله اكون افدتك واي سؤال تاني انا حاضره ياعسل بس انتي ادعيلي ربي يسهلي امري ويقدملي الي فيه الخير

اذا تحبي اي استفسارات تانيه عن المواد وطريقه الدراسه او اي سؤ ال تاني انا حاضره سواء عالخاص او اعطيكي اييملي

شكرا اخي احلى زعلانة
وادرس في قسم الدراسات الاسلاميه يكليه اعداد المعلمات سايقا((التريبه حاليا))
هاذي الكلية وين موجودة في المدينة بالضبط ...
وكم سنة الدراسة فيها ...وشو المواد ...وتى اقدر اقدم واسجل في هاذي الكلية ...

انا ما اقدر استخدم الرسائل الخاصة لان مشاركاتي قليلة ...
لاني جديدة للامنتدى ...

شوفي ياقلبي
اول كانت جامعه طيبه مستقله بنفسها وكليه اعداد المعلمات مستقله بنفسها وكليه التربيه مستقله بنفسها
بس مع القرار الجديد صارت جميع كليات المدينه ملحقه تحت جامعه طيبه باسم كليه التربيه
يعني اعداد المعلمات وكليه التريبه سارت كااسماء ((كليه التريبه-جامعه طيبه))
اماكنها
كليه اعداد المعلمات سابقا والي انا ادرس فيها موجوده بحي البحر جنب مجمع القمه الي بقباء وطبعا هادا القسم الادبي والاقسام الموجوده فيها دراسات اسلاميه-لغه عربيه واجتمعيات-رياض اطفال
اما القسم العلمي فموجود بطريق السلام تشوفيها عالشارع العام
وكليه التربيه سابقا برضو موجوده بشارع السلام جنب كليه اعداد المعلمات القسم العلمي
اقسامه العلميه والادبيه اعتقد مع بعض مو متفرقه زي كليتنا
وجامعه طيبه موجوده بطريق الجامعات
والدراسه 4 سنوات
بس في اشاعات تقول انو الدراسه حتصير 5 سنوات اتنهم حيضيفو سنه تربيه عملي
بس هذا الي عندي واذا حابه يكون عندك اي استسفار تاني انا حاضره واذا حبيتي تزوري كليتنا انا مستعده استناكي فيها وادلك عالاقسام ومكاتب التسجيل فيها لانها كبيره من جوه وممكن تتضيعي فيها

كليه اعداد المعلمات >>
اختي وش رايك بهذي الكلية ....
وانا ابي ادخل الدراسات الاسلامية ...
وانتي تروحيها كل يوم ..ونرجعي بيتكم ...]عني ما فيها سكن صح ...؟؟؟؟؟؟؟؟
ومتى بيفتحون باب التسجيل ...لاني احاف ان يطوفني التسجيل ..؟؟؟
شكرا اختي على المساعدة ...