بنات الي تعرف المصوراتيه كنزه تدخل والي تعرف مصوراتيه من جده او مكه تدخل تقولي عليهاا

shqawah

15-04-2022 - 11:03 am

السلام عليكم
كيفكوم يا عرايس ويا احلى فراشات
ابغى اسالكوم اذا تعرفوا وحد مصوراتيه اسمها كنزه هيا من مكه
بصراحه انا شفت شغلها في التصوير ومرا عجبني شي خيالي ماقد شفتوا عند احد
بس الفيديو عندها مو مرا حلو
وكمان انا خايفه انها ماتحضر في يوم فرحي ومارا خايفه لانها ماتاخذ عربون فياليت الي قد اتعاملت معاها تخبرني عنها بليز ...
وكمان الي تعرف مصوراتيه شغلها حلو والبوماتها روعه بليز تقولي عليها والاسعار ابغاها ىتكون حلوه
من جده او من مكه بس الاهم الشغل والدقه والنظافه والبوماتها تكون كبيره انا بانتظاركوم بلييز ساعدوني

التعليقات (8)

shqawah

15-04-2022 - 01:52 pm

اب

جرحتني الليالي

15-04-2022 - 03:54 pm

حبيبتي لاتضمني مصورات مالهم محل ممكن تسرق الصور او تحمضها عند رجال
يعني روحي لمحلات مضمونه احسسن

..أنفاسهـ دخون..

15-04-2022 - 04:55 pm

وأنا بعد مثلك أبي اعرف عن المصورة كنزى وكيف تصويرها ....!!
بصراحه انا شفت شغل المصورة روعه وكانت أسم على مسمى لماكانت ماسكه التصوير والابداع (( سهام ))
بس هي الحين سافرت للدراسه ومسكت الشغل زوجه خالها أنسانه ماديه بمعني الكلمه وجع في شكلها
أهم شئ عندها الفلوس تخيلو تمسك في اليوم 7 عرايس تخيلو ياناس ....!!
بصراحه مصورات في مكه مارة مايعجبوني أبد أحس يبدعون في الخلفيات وينسون العروس ويكون مكياج العروس مبهت ومواضح
وتكون الخلفيات مليانه ورى العروس وهي ضايعه بينهم ....!!
ضاويه سمعت أن تصويرها حلو وكمان الفيديو << للامانه سمعت ماعندها البومات حلوة ابد كل البوماتها قديمه بس التصوير حلو وتبدع فيه ...!!
وبث هذا اللى عندي
وأن شاءالله اكون أفدتك وتفيديني بنفس الوقت ....!!
دمتي لي ...

shqawah

15-04-2022 - 05:56 pm

مشكوره حبيباتي على المرور
ياليت اذا اكتر تفيدوني واذا تعرفوا مصوراتيه حلوه تكون من جده او مكه تدلوني عليها
سي يا

shqawah

15-04-2022 - 06:57 pm

..أنفاسه دخون..
اهلين يا عسل
بالنسبه لكنزه هيا شوغلها والبوماتها ودقة وضوح تصويرها شي فوق الخيال ماقد شفت زيها مثيل ....
انا حجزت عندها بس الي مخوفني انها ماتخذ عربون واخاف ماتجي في يوم الفرح ماني عارفه ايش اسوي ....
ياليت اذا قد جربتيها تقوليلي عليها ....
وبالنسبه لسهام ما اعرفها بس تقول كنزه انها الان بتتعامل مع وحده وبدهوم يفتحوا محل خاص ...
وبيني وبينك اول ما كلمتها كان سعرها ب 2300 ولمن بعدين روحتلها زادت في اسعارها ما ادري ليش تقولي عشان الموسم وعشان خلاص دحين الاسعار في كل مكان زي كدا ....
واذا عن ضاويه روحت عندها الاسبوع الي راح وفين شغل كنزه عن شغل ضاويه مرا شغل ضاويه مو حلو وغير البومها نحيف وماعندها البوم صغير و بروشور ومجله و لا حتى تجراف ....
يعني ماعجبني شغلها ....
لو لقيتي حد بنفس مستوى كنزه ياليت تخبريني وانا كمان ان شاء الله باقولك لو لقيت ....
وماارا شوكنن على المرور ...
سي يا

آحضان العمر

15-04-2022 - 07:58 pm

مين قالك انها ماتاخذ عربون
انا ليا 3 سنوات اتعامل معاها
وتاخذ عربون ع الاقل 500 ريال
واليوم استلم صوري منها حقت الملكة
كل شي عندها حلو سواء البومات
تصوير ابداع ديجيتل او عادي
وبالعكس ماتحط خلفيات لمن تصورك
هي تركبها بعدين
يعني جنان بمعنى الكلمة
وبمستوى مصورات جدة لان اصلا تحميضها بمعمل بجدة
بس
اذا عندها عرايس بيومك انسي نفسك
راح تتاخرين وتتاخر عليك
اما غير كذاا مافيها شي بطال

shqawah

15-04-2022 - 08:59 pm

طيب كيف تاخذ عربون منك انا قلتلها تقولي مايحتاج
وكمان اذا اعطيتيها عربون حتعطيكي فاتوره ولا كيف
و انتي فين تروحيلها بالزبط يعني عندها مكان ولا كيف
ياليت تفيدني الله يخليكي ويسعدك ربي ان شاء الله
بانتظارك

اجمل عدسة

15-04-2022 - 10:00 pm

ان شاء الله بنات مكة ينفعونج ويردون لج خبر
تحياتي

مادري مكن تفيدوني←
نخيتكم ياعرايس الفراشه→