بنات بليز ردو علي

غاليتى لا تعتمدى على اجراء العمليات ومن وجهة نظرى انا هى انك تبتعدى تماما عن عمليات الشد وشفط الدهون لانها خطيرة على الجسم ومع تقدم السن سوف يعود الحال كما كان .
وعن تجربة امى عملت عملية شفط دهون والله صعبة جدا جدا وتعرضت للبنج الكلى وطبعا اثر عليها جدا خاصة انها مريضة سكر وضغط واستمر الدكتور فى اعتدال نسبة السكر لامى لانه مايصلح اجراء عملية لاى شخص عنده السكر غير لما يتظبط نسبة السكر عنده.
والله الدكتور شفط من جسمها حوالى 6 كيلو ونده الدكتور عليا وقالى امسكى الكيسة ديه وقالى ديه فيها كل الدهون اللى شفطها من جسمها والله انا مصدقتش والنتيجة ان ماما عملت ريجيم بعد العملية واخدت مضادات حيوية وللاسف رجع وزنها زى ما كان كان 104 بعد العملية رجع تانى 110.
فارجوكى انا اعملم ان عمليات الشد والشفط والتجميل ما هى الا اعمال تجارية مربحة تتكلف الاف الجنيهات.
والنتيجة تعرضك لبنج كلى واخدك لكميات هائلة من المضادات الحيوية وكل ده هياثر عليكى حبيبتى
واكبر شئ خطر هو انك تفكرى فى العمليات الجراحية واحمدى ربنا على الصحة اللى اكرمك الله بيها وان شاء الله مع مرور الوقت كل الترهلات ديه هتختفى بمرور الوقت وحاولى تستمرى على الريجيم والرياضة والمشى ومتشغليش بالك بيها وهتروح لوحدها.
بس اياكى وعمليات الشد والشفط ارجوكى لانه كلام فارغ .
ولكى منى جزيل الشكر والتوفيق وربنا يكرمك باذن الله
واتمنى ان اكون افدتك حبيبتى.