بنات تعالوت ونتبادل المواقف

1. هاي بنات!!!


2. ادخل في الموضوع ولا اسوي مدخل؟؟؟؟


3. بسم الله ابدأ:


4. عاد هذه اخر سالفة صار لي قبل اسبوعين مرة ما انساه!!!!

هاي بنات!!!

ادخل في الموضوع ولا اسوي مدخل؟؟؟؟

المهم توني راجعة من عزيمة.. وانا والبنات المملكات واللي بس سوت شوفتها كنا جالسين نسولف والا وحده قامت تقول لنا موقف محرج حصل لها وبعدين كلنا بدينا نقول لبعض!! والله يابنات لو انكم كنتم في كان صحتوا من كثر الضحك... والله انا رجعت البيت وعيوني مدمعه!!!!
فأنا ياحبايبي اببدأ واقولكم مواقف حصل معي.. ولو سمحتم شاركوني في الضحك وقولوا مواقف صار لكم!! والله نفسي اضحك.... عاد لازم اقولكم القصص بالكمال فإذا طفشتكم سوري!!

بسم الله ابدأ:

بعد يومين من ملكتي انا واهلي مع اهل العريس كنا طالعين نتمشى في جده وبنروح البحر... المهم انا علشان كنا كثار فإحتجنا لسيارتين.. واخواتي قالوا نبغى نركب مع امي ومادري ايش ((فلسفة)) والسيارة اللي كان ماخذها زوج امي صغير.. بس اهل العريس ماحذين جمس.. فأنا اضطريت اركب معهم.. ياويلي اشد على عباية امي اقول لها ما ابي تعالي معاي واحلف لها مااروح الا معاهم وشوي واصيح!! .. الا جاء العريس وقال يله ياجماعة لا نتأخر.. عاد انا وقفت وسكت واطالع في أمي وجات أم العريس واخذتني!!! قالت يله حبيبتي اجلسي قدام علشان العريس كان يسوق.. قلت لها لا والله ياخالتي ما اجلس قدامك عيب ومن هالكلام وقعدنا تقريب 10 دقايق اجلسي قدام ومن هالكلام.. وطلع العريس من السيارة وقال امي انتي اركبي قدام لا نتأأأأخر... عاد حسيت كأنه طفش مني... خلاص سكت قلت الحمدلله مو لازم اجلس جمبه!! فجيت ابركب السيارة واجلس ورى امه يعني اقدر اشوف وجه العريس... فجيت ابركب السيارة ومسوية فيها مرأة ومسوية عاد ياربي انيقة ودلع وتعرفون الجمس كيف مرتفع عن الارض!! فأخذت وقتي وانا اركب علشان كنت لابسه فستان منفوش ((مادري ليش بس اهلي وامه اجبروني)) المهم قال العريس لأمه يمه مو كأن تأخرنا؟؟ والا انا عصبت وش ذا كل شوي تأخرنا ومادري ايش ((عاد هو رجال على مواعيده ولله الحمد)) فجيت ابدخل السيارة بسرعة وطاع صقعت رأسي بسقف السيارة وياويلي اهله كلهم يضحكون الا هو قال بسم الله عليك ولا تضحكون عيب سموا عليها وتأكدوا هي بخير!! وخلاص والله كنت ابصيح الا بدينا نمشي وقال اخوه الصغير والله عليك صقعه !! فصخفي الطرحه اشوف اذا رأسك انتفخ وحمر زي الافلام.. والله خلاص العريس ماقدر يتحمل اكثر من كذا ومات من الضحك قال والله معليش بالقوة مسكت نفسي!! وطول الطريق وهم يضحكون علي وانا ساكته!!!!
2.. مرة كنا رايحين للمطعم ووصلنا والحين بننزل من السيارة وانا كنت دايخه تعبانه وقفنا السيارة وكلهم بيطلعون ومادري ليش على حظي الباب اللي كنت جالسه عنده ما انفتح ((اخوان العريس حطوا قفل الاطفال يوم سكروا لي الباب بعد ماركبت!!!!)) المهم فانا على بالي الباب خرب واحاول افتح وادفه والعن واسب خلاص وصل معاي بقوه.. واهل العريس كلهم بره السيارة يكلمون بعض واللي تصلح نفسها قبل ماتدخل المطعم وانا في السيارة احاول افتح الباب.. واخوانه الصغار مرة شياطين قعدوا برة يضحكون علي وقالوا والله البنت هذه مسكينه من جد الله يعين اخونا عليها!! عاد انا يوم سمعتهم خلاص قلت بلاش من الباب ازحف واطلع من الباب الثاني ((مادري ليش توني مستوعبه في بابين)) المهم فجيت ابطلع وماسكه وعبايتي تعلقت في الباب اللي كنت جالسه عنده وقعدت اشد واشد واشد ((يعني حوسه)) الا مانسمع غير صوت طراخ وقوية!! تخيلوا بنات طرت من باب السيارة قدام العالم كله!! الحمدلله مو على الشارع!! المهم البنات صارخوا واخوانه الصغار حسبوها فيلم كومدي والله قعدوا يضحكون!! وهو جاء بيساعدني والا انا من كثر ماعصبت وماني شايفة من اللي قدامي قلت له روح عني يعني ما اعرف اقوم؟؟ ويا الله ليش قلت كذا؟؟ الا تسمعين ضحك زياده وبعدين قال انا (( العريس )) قومي حبيبتي... والله تفشلت قلت له معليش حسبتك واحد من اخونك ((لأن اخوانه اللي ذبحوني وفشلوني صغار يعني 6 او 5 والله ناسيه))... وحنا في المطعم واحد من اخوانه جلس جمبي وقال والله ياشيخه حسافة ماصورتك وانتي تطيرين من السيارة .. حسبتي نفسك بات مان ؟؟ والله كان صرت مشهور بالبلوتوث كان اكتسبت مليون ريال على يد مرأة اخوي... القب عليك بات مان السعودية حصريا!! والله كل اللي معنا ماتوا ضحك وانا احاول اضحك معاهم يعني اعدّيها بس ماقدرت!!!
3.بعد إسبوع من موقف المطعم كان في عزيمة بإستراحة يعني اهلي واهله.. المهم الاستراحة ذي بها مسبح!! وانا كنت لابسه فستان ناعم وحركات يعني يقولون علي ... فكنت حالفه اذا اخوان العريس فكروا يسوون لي شيء مايصير لهم طيب!! ((في أحلامي السعيده)) المهم دق جوالي ونغمه رومنسيه (( إفهمومها عاد العريس يدق )) وانا وجهي حمر وكل الحريم ياعيني ياناس على عصافير الحب ومادري ايش!! المهم إستأذنت وقمت ابرد على الجوال.. فرحت عند المسبح اكلمه.. المهم أشوف ظلين وراي ويوم جيت التفت واشوف من ولا وش السالفة أخوانه دفوني في المسبح!! والله انا من جد بديت اصيح خلاص طفشت منهم والله دخلت عند الحريم وانا كلي مويه وكلهم بسم الله عليك وش صار وش السالفة؟؟ انا من كثر الصياح ماني قادرة اتكلم تخيلوا مكياجي راح وتسريحة شعري خربت وحوسه!! والكحل سايح كأن دموعي اسود!! ويوم قلت لهم وش السالفة والله الغرفة كله ضحك وانواع الكلام!!! والله انا من جد تنرفزت قلت حتى اهلي يضحكون يعني؟؟؟؟ مافي احد بيقوم يساعدني!! وبعدين قامت صحبتي حزنت علي وساعدتني و وبعدين صرت !!! بس طول الوقت قعدت ساكته زعلانه من اهلي ولا بغيت اكلم احد كل مرة احد جاء عندي اقول لهم وخروا من قدامي خلاص!!!

عاد هذه اخر سالفة صار لي قبل اسبوعين مرة ما انساه!!!!

زي دايم نحب نروح مطاعم انا واخواتي واخوات العريس واذا العريس عرف اني ابروح لازم يجي ... ((مايصير تروحون لحالكم انتم بنات,, حنا بنات ولا تبي تشوف العروسه؟؟ )).. المهم خلاص كنا قاعدين نأكل وحوسه البزارين.. فالاولاد مع العريس جالسين لحالهم في طاولة ثانية فقلت لأخته تقومين معاي ابروح للحمام ((اكرمكم الله)) قالت لا ابأكل وسألت كل البنات من يقوم معاي وكل وحده مهتمه في أكلها.. الا قالت اختي ((شيطانيه زي اخوانه الصغار)) يا ((العريس)) زيزو بتروح الحمام ((أكرمكم الله)) قوم رح معها مايصير تروح لها لأن زحمه برة .. عاد ماصدق وانا استحيت قلت لها خلاص ما ابغى اقوم قالت الا ودق على جهتنا يله قمت ياقمر.. وانا مستحية واقول للبنات لا ماني رايحة والله بطلت ومادري ايش!! وقاموا يضحكون ودق على جهتنا مرة ثانية وقال انا واقف برة.. المهم قمت ومرة مستحية وبالقوة طلعت ... ومن جد بره مرة زحمه فمسك يدي .. وانا من جد جسمي ثلج انشل!! ماقدرت اتحرك بس استنى لين اشوف لوحة الحمام ((اكرمكم الله)) واخيرا شفته وتركت إيده ودخلت الحمام!! تخيلوا بنات!! حمام الرجال .. ودخل بسرعه وقال بنت صاحية انتي؟؟ مو حمام الحريم!! والله والله والله والله انصدمت طولت في الحمام يوم اني وصلت لحق الحريم!! والله طولت بقوه وشكله خاف علي وراح ينادي وحده من اخواته وقال لها القصة .. عاد وانا واقفة في الحمام تسمعين ضحك البنات من بعيد وفجأة يفتحون الباب وقالوا متأكده انتي بنت؟؟ ولا متأكده مافيك شيء وتطنيز لين اليوم!! ههه...
عاد امس يوم كنت اكلمه قال لي والله يازيز المواقف اللي صار لك تقدرين تقولينه لأحفادك وعيالك واعيال عيالهم!! ههه انا والله سكت وبعدين ضحكت عاد لأن من جد مواقف الله لا يبلاكم... ولحد الان ناوية على اخوانه نيه!! بس استنى للوقت المناسب!!
يله بنات شاركوني في الضحك ولاتحرموني من ردودكم ومواقفكم بليز!! يعني تفاعلوا اذا سمحتم