بنات جدة زواجي تم بحمدلله تعالو احكيكم ايش سار معايا

1. سرقة ونصب عيني عينك

السلام عليكم ورحمة الله يابنات
كيفكم ان شاءالله تكونو بخير يارب
زواجي تم الحمدلله كان يوم الاربعاء وكانت ليلة حلوة
بس عندي انتقادات على فندق جدة اوركيد والله نصيحة لوجه الله:..
اول شئ انا جبت الكوفيرات على غرفة القاعة المهم الاضاءة عدم عندهم بس دورو على مكان لقيو الحمام الله يعزكم الاضاءة اهون من غرفة
الشي التاني زواجي كان الربوع ورحنا الثلاثاء القاعة نترتب الاغراض مو المفروض تحجزي كم طاولة لاهل العريس اقولها حطي شريطة تقل انا شايفة عندك شريطة حطيها المفروض دا عليهم انا حطيت اللي عندي ومشيت اوك
المهم خلصنا بقيت اشياء كانت في عارفين التل بجليتر المهم كان كامل ماني عارفة كيف افهمكم لسه ماانفك بكيسو حطيتو في غرفة القاعة تاني يوم نيجي ندور عليه ماحنا محصلينو نسأل الفلبينيات يقولو ماندري صحبتي سارت تدور عليه المهم فين حصلتو في غرفة قابلة لغرفتي قاعة حقت الشغالات لقتو في دولابهم ومقفلين عليه بالمفتاح مشيت الموضوع وكملو رص وكدا
جبنا عند الباب للطاولة الضيافة فراولة وبسكوتات المهم حصلت الباقي في غرفة المشرفات اصلا ماليهم حق ياخدو ممكن انا احتاجو في شئ اقسم بالله لو طلبت مني ماراح اقولها لا في شئ اسمو ادب تستأذن برضو سكت وعديت
وحاطه في طاولة تانية بروازين كان شكلين هدا كنت عملتو كرت الدعوى وبرضو مافي
المفاجأة التاية كان في نفس الطاولة صندوق اوتغراف ومعاه صندوق في 200كرت عشان المعازيم يكتبو ارجع البيت افتحو اقسم بالله لقيت جوة الصندوق بس 10 كروت وباقين كتبو في مناديل فين راحت بقية الكروت

سرقة ونصب عيني عينك

نيجي للزفة بعد الزفة جالسة ارقص على قد ماحضرت زواجات الاقي فلبينية مخصوصة للعروسة تضبطلها طرحة توقف عند راسها انا ولا شئ والله اني ارقص وماسكة في طرحة حوسه وطاولة اللي قدامي شرشف نصو طايح ولا يطلعو يعدلو وفي زفة الكيك حاطين قفى الكيك عليا طيب كيف اقطعو ماقطعت الا اول وحدة
المهم لما خرج العريس وجالسه مع صحباتي اطلب من الشغالة موية اقسم بالله ماكأني طالبة شئ يعني لو اقولكم من معازيم امكن ماحتفتكرني بس مشكلة عروسة وباينة والمفروض يخدمو قلة ادب وربي
المهم خرجو الناس وانا فضلت تحت لان انا مرة مزودة اشياء من عندي ابغى اشيائي كلها يشيلوها على قد الشغالات اللي عندهم ولا وحدة رفعت جلست ماما وجدتي وصحبتي وامها وقريباتي اللي يرفعو وهما في اشياء اقسم بالله كانو داسينها فازات وبرضو صحبتي شافتها
وعارفين التل اللي قلتلكم عليه نزلنا ومااستخدمناه وصحبتي حطتو على جمب وهما بيرفعو الحاجات تدور عليه ماحصلتو قالت امكن احصلو في دولاب الشغالات اقسم بالله العظيم انو حصلتو مرة تانية هناك
المهم انا في النهاية انفلتلهم وما خليت ولا بقيت فيهم
واخر شئ سار معاهم طلعنا الغرفة ولا جابو اكل لينا ولا شئ اجلس اتصل على ماما تقولي لمو الاكل في نهاية طلعولنا وربي كأننا نتشحتهم الاكل رز وحبة كباب وسلطة كأن بس دا اللي كان في البوفية
يابنات اقسم بالله دا اللي سار معايا ولا افتريت فيهم
حسبي الله ونعم الوكيل فيهم
وربي حاسه فيا حرقة لازم انا لما صرخت عليهم على مويه ابغى ارجعلهم مرة تانية عشان السرقة اللي سارت والقهر على مروت190كرت فين راحت
وربي ماراح اسيب حقي وراح ارجعلهم اخليهم يكرهو اليوم اللي سويت عندهم الزواج
يابنات نصيحة لوجه الله فندق صراحة تعبان
ومعليش طولت عليكم بس قولت لازم احكيكم التفاصيل اللي سارت معايا
الله لايباركلهم