بنات جده فزعتكم لاختكم الفراشه

يا حبيبتي الفاتنه المستفزه روحي مطعم تشليز c hlis وتتفقين مع الجرسون على عيد ميلاد خطيبك طبعا ول شي تطلبين العشاء بعدين يجي الجرسون معه التورته وطبعا وراه تقريبا خمسه يصفقون ويغنون اغني عيد الميلاد الله يعينيك تكونين جريئه

مشكوره حبيبتي الاميره بس انا ودي في مكان رومانسي وهدوء وتشيليز زي ما انتي عارفه فوضي والناس جنب بعض

السلام عليكم
في مطعم حلو اسمه الكازار وفيه صالة صغيرة للحفلات أو ممكن تعمليه بالمطعم عادي في الصالة حقت المطعم..
أكلهم حلو وبالذات المقبلات .... السلطات وورق العنب خطير
إحنا لمن نعمل أي عزومة بالبيت مانجيب إلا منهم ويعملولنا بوفيه محترم داخل البيت
ممكن تجربيه اليومين هادي ثم تقرري
المهم في مطعم ثاني في المساعدية اسمه ( ليلك ) الفيتوتشيني حقهم بالمرة أليم والجلسة حقتهم والديكور بالمرة حلو ....
وهناك مطعم ثالث اسمه كافيه دريم برضه حلو وموقعه قبل فندق الانتركونتينينتال اللي بالحمراء ديكوره برضه حلو
وأفضل شي إنك تأخدي الأرقام من الاستعلامات وتدقين على كل مطعم وتسألينهم عن الmenu وبكذا تكون الخيارات أمامك واضحة ومحددة
طبعا لوفلوسك واجد ممكن تروحي الهيلتون أو الشيراتون أو جدة وستن .... بصراحة بالنسبة لوستن فيه مطعم بالدور ال12 المنظر منه خطير لكني ماأدري وش الmenu تبعتهم
إن شاء الله أكون أفدتك
س هارت ويت

اختي أعياد الميلاد حرآآآآآآآآآآآآآآآآآآآآآآآآآآآآآآآآآم الاسلام مافيه الاعيدين
لابراء الذمه والله الهادي

الحبيبه هذا انا فزعت وماقصرت العزيزه swee بصراحه انصحك بفندق الهيلتون المطعم الى فوق رومنسى جدا والطعم الى تحت ممتاز فى الايام هذى لان الجو حلو وهو جلساته خارجيه
وفى عندك مطعم الشموع الحمراء فى التحليه اكلهم خطير
وفيه المطعم الايطالى بمركز المنتزه فى الادور الى فوق
وتمنياتى لك بالتوفيق

سويت هارت وتوتو حبيباتي تسلموا وما قصرتوا بس ايش رايكم بكافيه الوست سيتي ينفع ولالا ؟

خطيبك وتطلعين معاه ..
طيب اصبري للعرس .. وبعدين يصير خير

كافيه LOST CITY بالمرة مفتوح على بعضه مافيه أي نوع من أنواع الخصوصية مرة
كأنه صوالين وجلسات مفتوحة على بعض يعني اللي مايعرفكم راح يعرفكم هناك من كثر ماالناس تطل على بعضهم
أنا ما أنصحك فيه بالمرة .... حتى ال menu مش أوي
بعدين أنا ماانتبهت إنو عيد ميلاد لأني بصراحة لاأحتفل بها لأنها لاتجوز ....إنتو ممكن تطلعوا عادي بمجرد إنك حابة تعزميه ولاتخليها نفس يوم ميلاده ولا تنوي أبدا إتها ذكرى ميلاد ..... روحوا فقط لمجرد التغيير والاستمتاع والله يوفقك لأنك تركتي شيئاً من الذنوب وذلك ابتغاء لوجه الله
الله يسعدكم ويوفقكم وأشكر الأخت التي ذكرتنا بحكم الاحتفال بالميلاد ... جزاكي الله ألف خير
س هارت ويت

بصراحة مطعم الأمواج في اعلى دور في الهليتون مرة خطير صح انه غالي بس مايتفوت ومرة رومانسي والناس فيه مرة قليل وكمان الشموع الحمرا في التحلية راقي ورومانسي بس اعزميه على العشا وهدية من دون مناسبة ولا تحتفلي بعيد الميلاد لانه حرام ولا تبدأو حياتكم بالحرام عشان ربي يوفقكم