بنات دبي الرجاء الدخول مجرد استفسار

ريح الياسمين

11-06-2022 - 09:59 am

السلام عليكم ورحمة الله وبركاته ...
بعد يومين ان شاء الله بسافر دبي ... فيا ريت اللي تعرف محلات مميزة تساعدني ....
مثلا ناوية اشتري مفرش سرير راقي وبسعر مناسب .. فاللي تعرف محل مناسب ويبيع مفارش حلوة وبسيطة تدلني .... ومحلات عطور مشهورة ....
وابغي بعد محلات تبيع ملابس >>> حلوة وبعد ملابس تصلح للحامل او ملابس الى بيبي او اغراض واحتياجات اطفال تدلني ... ويا ليت بسرعة لانه ما باقي شيء عن السفر ...
واللي عندها محلات مميزة وحلوة للتسوق تدلني ....
ومشكورين .......

التعليقات (3)

DR.YOUSR

11-06-2022 - 12:46 pm

روحي سوق نايف تحصلين اشياء زينه ورخيصه

الحب أنت

11-06-2022 - 01:47 pm

حياج الله في دبي ..
بالنسبه للمفارش عندج هووم سنتر عندهم شغلاات حلوه وناعمه وتعجبني , وفي الشارجه محلات بس ما اذكر اساميهم في السوق القديم , بالنسبه للعطوور عندج باريس غاليري بس اسعارهم غاليه شوي , ماي للعطوور في سنشري مول وعندج الهاجس للعطور في مركز أبوهيل اسعارهم زينه ..
بالنسبه لاغراض البيبي بتحصلينه في محل الاطفال في مركز أبوهيل وفي فرع في الريف موول , (( عندج نكست وأدمز ومذكر كير بتحصلينهم في مركز الغرير عندهم ملابس حلووه )) ..
إن شاء الله قدرت افيدج ..
السموحه منج ..

ريح الياسمين

11-06-2022 - 02:48 pm

مشكورة اختي ... DR.YOUSR .. ان شاء الله ازور سوق نايف ... مشكورة ...
واختي الكريمة .. الحب أنت ... تسلمين ومشكورة .. والله يحييش ... بسجل اسماء المحلات وان شاء الله ازورهم ...
وشكرا مرة ثانية ...

اول مره اشارك معكم فساعدونى←
إلي تدخل تقول وش رايها بلايز خطيره→