بنات ضايق صدري

يمكن هو خجلان كمان
لاتستعجلين...

لا تعليق
هذا الي اقدر اقوله لك

عنده خوات حاولي تجلسين معهم
يمكن هو يستحي يطلب رقمك من ابوك او اخوك
والله يلين قلبه ويروح الحياء ويجيك كل يوم بعد يزورك

والله قلبي انا اشوف تستني لما هو يطلب رقمك
وانتي لا تحاولي ابد تعطيه او تطلبي الرقم ويارب يكلمك قريب وتسري احلى وحده بعينه
بشرينا عنك اوكي قلبو

- ساريه يارب يكون هذا السبب ,
تدرين الي خايفه منه ؟
انه يكون سامع لناس قايلين له انكم اذا كلمتوا بعض بتملون :( تعرفين الناس يكثرون حكي على المعاريس الله يهديهم . ياحبي لقلبك مشكوره .
- كوسه وش دعوى ؟
- صموته ماأعرف خواته :(
وامين لدعواتك الله يعافيك أختي .

- أقدع وحده أنا أفكر زيك ..
صعبه اني انا ابدأ بالخطوه الأولى خير ..
مشكوره على الدعوى الله يسعدك .

الله يحنن قلبه عللييك وان شاءالله مايمر هالاسبوع الا وهو داق عليك يارب

متى ملكتي ؟!!
يمكن هو بعد مستحي
ترى أخوي يقول انه كل الشباب يقولون أصعب فتره تمر عليهم من قبل الملكه بشوي لين يوم الزواج
يعني ترى هم مثلنا
يستحون ويتعبون تفكير
بس هم ما تطيح شعورهم مثلنا
الله يوفقك يالغلا يومين وتجين ترزين لنا موضوع
أخيرا كلمني

ياقلبي انتي لاتظيقين صدرك ولا حاجة..
انتي الحين بأحلى فتره..
شوفي ياقلبي انا قبل الملكه كانت عندي اسئله ع ابو الشباب وكان لي اخوي اللي اكبر مني ع طول
هو اقرب واحد لقلبي ودايم اسولف له عن اللي بخاطري
وكنت اروح له واقوله تكفى ابي اعرف عن ابو الشباب شيء
ويقولي وش اسئلتك واقوله كل اللي عندي
ولمن يجي المغرب يدق اخوي ع ابو الشباب ويمره بالسياره ويلفلون الشوارع واخوي يساله اسئله غير مباشره
بحيث مايحس اني انا اللي مرسلته بالاسئله..
ومره سالني اخوي قالي (اذا تملكتي ودك تكلمينه)
قلت له ايه ودي اعيش هالفتره..
المهم اخوي لمح له انه يكلمني بالملكه .. ابو الشباب انبسط مره..
مع العلم ان زوجي مايقرب لي ولا نعرفه لا من قريب ولا من بعيد ماعرفناه الا يوم جاء يخطب
يعني انتي روحي لاقرب واحد من اخوانك وقوليله اللي بخاطرك .. ترا مافيها شيء ولا طلبتي شيء حرام
تجي من اخوك افضل ...
والله يوفقتس ياقليبي ويتمم عليتس بخير ويفرح قليبتس بصوت العريس ان شاءالله