بنات قطر أبي دورة مكياج ساعدوني

هلا بالغاليه مريم
ياعيني من جهة اني اعرف حد يعلم مااعرف لكن ليه ما تتصلي بهم وتسالين
هنا بالمنتدى الاخت الالماس نزلت موضوع عن ارقام تليفونات الكوافيرات وتليفونات الاتي يمكيجن تقدري تطلعي على الموضوع وتختاري من بين المشهورات منهم وتسالينهم وكذا الاختيار مطروح لج لانهم كثار وفعلا الاختيار بينهم صعب
كوني الافضل
الناعسة

مشكورة حبيبتي الناعسة على مرورج وردج
لكن اللي حاطين اسمائهم وأرقامهم شايفين نفسهم ولا يدربون ولا يعلمون حد كأن كل وحدة نزلت من بطن أمها وهي تحط مكياج.
نفسهم خايسة مدري ليش...؟؟؟؟
مع اني بدفع فلوس عشان أتعلم مب ابلاش...لكن شتقولين وكله مزحومين وما عندهم وقت...اعنبوا اشدعوه مب للدرجة ذي مزحومة ولا يوم في الشهر فاضية...
إذا تعرفين او سمعتي أي وحدة تدرب ياريت تقولين لي فديتج...ومشكورة حبيبتي

شرايج اتدرب عليج وتدربين علي
ههه امزح معاج الغاليه.. مايبيلج تدريب
بس شوية ممارسة على كل انواع الوجوه وتطلعين فنانه
بالتوفيق عسوله

اختي مريم
ما اعتقد انة في واحدة ممكن تدربي عندها و تعطيكي نفس خبرتها مع ان خبرتها بتكون عادية ( من وجهة نظري )
و اقترح عليكي تشتري اشرطة تعليم المكياج و موجودة بالمكتبات
و هية اشرطة فيديو لعدة خبراء تجميل منهم ( فادي قطايا _ بسام فتوح _ ألاء دشتي )
بس بصراحة انا مش عارفة في اي مكتبة بالضبط
الي اعرفة اني قرأت الاعلان في مجلة و من سخافتي ماركزت على رقمهم او اسم المكتبة
و في كمان في في مكتبة جرير
بتحصلي كتب جيدة ( احسن بكثير من دورات المكياج )
و لنفس الخبراء الي ذكرتهم
ان شاء الله اكون افدتك

maryam5 حبيبتي انا كنت مثلك ادور دورة مكياج ، ودلوني على وحدة اخذت عندها مره وحدة بس ، ولقيت كل الي قالته
اما انا اعرفه او قرأت عنه في الإنترنت ، وبعدين قررت أن اعلم نفسي بنفسي عن طريق جمع مواضيع عن المكياج ، واحضار اشرطة فيديو او سي دي تعلم طريقة وضع المكياج بالإضافة الى الممارسة ثم الممارسة ثم الممارسة ، والحمد لله قطعت شوط كبير وعقبالك . .. اتمنى اكون افدتك بالموضوع.

maryam5 حبيبتي انا كنت مثلك ادور دورة مكياج ، ودلوني على وحدة اخذت عندها مره وحدة بس ، ولقيت كل الي قالته
اما انا اعرفه او قرأت عنه في الإنترنت وبعدين قررت أن اعلم نفسي بنفسي عن طريق جمع مواضيع عن المكياج ، واحضار اشرطة فيديو او سي دي تعلم طريقة وضع المكياج بالإضافة الى الممارسة ثم الممارسة ثم الممارسة ، والحمد لله قطعت شوط كبير وعقبالك . .. اتمنى اكون افدتك بالموضوع.

في مركز صيفي روعه يلقون فيه محاضرات دينيه روعه بإشراف الفاضله زهره الظبي وفيه انشطه حلوه منها دورات مكياج لمدة45 دقيقه تدفعين لهم بس 100 ريال ... اتمنى اكون افدتج ..

السلام عليكم
وانا بعد نفسي اتعلم وابي دورة مكياج هنا بجدة لاني حاليا بجدة مو بالرياض من فيكم تعرف تدلني ابي وحدة تكون فنانة مو مكياج عادي ولكم مني ارقة تحية وسلام.
لاتنسوا ذكر الله

السلام عليكم
حبيباتي الغاليات الفراشات الرائعات الحلوات
milli مشكورة الغالية على مرورج ونصيحتج بس ياريت لو تقولين لي بأي مركز صيفي وأكون شاكرة لج عيوني وما عندي مانع تدربين علي يابعد عمري اهم شي اني انا اتعلم عليج ههه
ريحانة الجبل مشكورة قلبي على نصايحج وبدور على الأشرطة لكن لو تدليني على مكان محدد يبيعهم بيكون أحسن وأشرطة آلاء دشتي يبيعونهم ب 700ريال - 1000ريال حسب الساعة
وكتاب فادي قطايا كانوا يبيعونه بجرير بس خلص والجزء الثاني ما لقيته خلص..
ومشكورة باربي حلوة على نصايحج والأشرطة وايد غالية لو تعرفين انتي وميلي وين القاهم يا ريت لو تقولون لي
شموخ اسمع حبيبتي وايد عن دورات بالرياض وجدة بالمكياج...بحاول اجيب لج اسم المشغل اللي يدرب...
مشكورين كلكم الفراشات على مروركم يالطيبات...