بنات نصيحة لوجه الله استمتعوا قدا ماتقدرون الكل يدخل رجاء حياكم

سلام
أخباركم يا حلوات
إن شاء الله تمام التمام
والله وحشني قسم المتوسط ومن زمان عنه
بشروا إن شاء الله تتذكروني >> وحدة تحسب نفسها شخصية ههه
واكيد نورت القسم يوم كتبت موضوعي بعد ظلام دام طيلة الفتره التي غبت عنها >> لاوبعد واثقة من عمرها خ
لو تتذكرون آخر موضوع لي في هذا القسم >>بلله ما أذكركم بشرح الأبلات خ
قلت إن شاء الله بين فترة وفترة آجي أسير عليكم >> احلفي ههه
وأبشركم دخلت الثانوي ومرة صعب وغير عن المتوسط 180 درجة ..
و لازم تشدين على حالك وبقوة ويالله السلامة والنجاح ..
فرجعت أقول ونصيحة لوجه الله بنات المتوسط قد ما تقدرون استمتعوا بالمنهج اللي تدرسوه و المواد لأنك في الثاوي يالله تتنفسي >>ااف لذي الدرجه عاد خ
أنا والله ياريت وأنا في المتوسط قالوا لي هذا الكلام >>
تعرفوا ليش >>
عشان أشوف منهجي هذا اللي أدرسه ولا شي بالنسبة للجاي >>
فهمتوني
قالوا لي أول ثانوي أصعب سنه بس صراحة صراحة ما تخيلتها لهذي الدرجة >>
وفي المتوسط كثير حصص فراغ ووناسة اما الثانوي نادر ماتشمي ريحة الفراغ >>
في المتوسط أول يوم عيدية ما أحد يدرسنا >>بالنسية لي
دحين من أول يوم دراسة >>ومحدثتكم الفالحة ماجابت كتبها>>متعودة على النعمة ههه
ومن يوم جينا بعد العيد ماجات ولا حصة فراغ إلا اليوم >> وأبشركم أهلي أستأذنوا لي وأخذوني >>اهيء اهيء مالي حظ ونصيب في حصص الفراغ
والمواد متروسة ترس والله زحمة المواد كثيرة والمناهج دسمة وصعبه وطويلة >>
وكل يوم تقريباً حصة أو حصتين إختبار
والله نرجع نذاكر وننام ونصحى الصباح على المدرسة ونرجع نذاكر و هكذا حالتنا .....
والله جتنا كآبه وضاق خلقنا مرة
وأهم شي النت نادر ما أدخله >>
ووالله ما قصدي أخوفكم بس هذا الواقع فاتفرحوا بمناهجكم و تستعدوا للقادم و أنا قلت لكم من قبل عشان ما تنصدموا مثلي لأنوا ما أحد قالي لهذي الدرجة .......
ياحليلكم والله جيت أبغى أقول كلمتين رحت قلت خطبة كاملة
بس اعذروني على التطويل بس والله تحمست
والحمد لله فضفت اللي بداخلي >>خ
منجد بنات أكرر أنا جاية لأني قلت ليت أحد جاء قالي عن الثانوي كذا >>
والله جايه أرفع معنوياتكم >>كل وحدة تحمد ربها على المنهج وتروح تذاكر وتستمتع بالمذاكرة وحصص الفراغ لأنها سنه وسنتين و ترجع تقول مثل ما أقول
الا ليت المتوسط يعود يوم فأخبره بما فعل الثانوي
استمتعوا واحمدوا ربكم
وتكفون لا تنسونا من دعواتكم في ظهر غيب >>ولاتنسوا دعوة المسلم لأخاه المسلم في ظهر الغيب مستجابة ..
واعذروني مرة ثانية
آسفة على التطويل و إن شاء الله ما تتكرر >>خ كأني في المدرسة متأخره
صح تذكرت >>ههه كلامي ما يخلص هذره
بنات ثوالث بالذات لا تقولوا على أول وثاني بزارين السنة الجاية أنتوا البزارين >> وكما تدين تدان
ياريت اللي كان ودي اوصله وصلته وأفدتكم ولو بشيء بسيط
واي سؤال أنا موجودة >>خ شخصية ههه
ولكم خالص دعواتي بالتوفيق والنجاح
ولاتنسونا من دعائكم

• *صح تذكرت موضوعي هذا له تقريباً اكثر من اسبوعين >> كاتبته عندي وماكنت أقدر أكتب مواضيع >> الأخت تحكي قصة مأساة

طالبة مهمومة من الإختبارات وليتها ترجع متوسط
أختكم الجوري
مع حبي^_^