بيتزا المسخن يم يم

بيتزا المسخن
قرأت الوصفه بجريده وجربتها الوالده وكانت لذيذه
المقادير:
مقدار من عجينى البيتزا ( تقدرون تاخذون اي وصفه من وصفات المنتدى )
دجاج مسلوق
بصل شرائح ( يفضل ان يكون نصف كمية الدجاج)
صنوبر
زيت زيتون
سماق
2 ملعقه جبن سائل او مايونيز
جبنة موزريلا او قشقوان
ملح وفلفل اسود
الطريقة:
العجينة نسويها حسب الطريقه ونتركها ترتاح
خلطة المسخن : بعد ما نسلق الدجاج نقطعه ونحركه على النار بعد اضافة زيت الزيتون ، نحمر البصل بالزيت ونضيفه على الدجاج ، نضيف عليهم الملح والفلفل والسماق.
نفرد العجينة
نمسحها بالجبنة السائله او المايزنيز
نفرد عليها طبقة الجبنه ( لاحظي ان الجبنه تحت خلطة الدجاج بس)
نوزع خلطة المسخن
نرش الوجه بالسماق (ما في على الوجهه جبنه )
ندخلها الفرن مدة 20 - 25 دقيقة حتى تنضج ( حطي بالك لا يحترق الدجاج من فوق)
وايد لذيذه .... تقدرين تسوينها على صفايح صغيره بدل الحجم الكبير
للتنويع:
ممكن نستخدم الخبز بدل العجين
نجيب الخبز ونمحه بزيت الزيتون على كل الجوانب
نوزع الحشوات مثل الطريقه السابقه
ندخله الفرن مدة دقايق - يعني حتى تذوب الجبنه بس
عوافي .... متأكده راح تعجبكم
.