تجاربكم مع خل التفاح

انا استخدمه من برا الجسم ولسا استنى النتايج الفراشات حايفودوك

هلا بيج اختي انا بصراحه استخدمته الحين لي تقريبا اسبوعين اشربه مع كاس ماي دافي على الريج بس تبين الصج والله صغر بطني حوالي 4سم وعقبال الباقي انشالله
بس انا اسوي رجيم ومشي ورياضه يعني لازم مشي ورجيم ورياضه وانشالله بتلاقين النتيجه ...
على فكره ترى الطريقه مضره مضره للمعده
تحياتي

السلام عليكم
اختي دامك طلبتي النصيحه فنصيحتي لك لاتشربينه والله بيحرق معدتك مع الوقت حرق انا امكن سنتين استعمله باول فتره فرق شاسع شفته ولاحظوه فيني الناس بس بعدها كان جسمي تعود عليه ماصار يؤثر فيني ماخلا لي غير قرحه المعده الله يكفيكم الشر
بس هو جدا ممتاز اذا تدهنين به الاماكن اللي ودك انها تخف وتلبسين عليها لباس الصونا وسوي رياضه وراح تلاحظين الفرق
اتمنى اني اكون افدتك والله ينحفك بصحه وعافيه

والله انا عزيزتي استخدمه لمدة اسبوع اشربه مباشرة بعد كل وجبة : كاس فيه ماء عادي لا بارد ولا حار .. واحط مقدار ملعقة كبيرة خل تفاح اصلي.. بعد اسبوع لاحظت ان مقاس البطن والله خف فيه فرق.. التنورة كانت راصه علي وبعد اسبوع من استخدامه وسعت التنورة...بس فيه مشكلة .. انه بعد يومين من استخدامه لاحظت ان الجسم يفرز ريحه كريهة بسبب تناول الخل..
اما بالنسبة لكونه يسبب قرحة او شي ما ادري والله بس لو فيه مضره كان ماذكره الرسول عليه الصلاة والسلام بالحديث..

مشكورين ياأخوات على ردودكم ونصايحكم والله يوفقكم لكل خير