تجربتي بعد زوآج أختي للفآئده لبنات الشرقيه وغيرهم

1. الإكسسورات :


2. المششغل "<- الطامه الكبرى أ ..


3. مو بغيت اموت بغيت اموت مرتين <- انزلعي ..


4. يقولون نبي مثل ذي هع ..

السلآم عليكم ورحمة الله وبركاته ..
كيف الحآل يا دميلآت .. ؟؟
إن ششاء الله تيبين ..!
الزبده .. يا حبيبآتي لو ما اغليكم ما طرحت تجربتي هنا
آلا وهي تجربتي بعد زواج أختي (( في الشرقيه ))
بقولكم ابوو التفآصيل بما ان الأجازه جايه والزواجات كثيره
اتمنى منكم دعووه لي ان الله يرزقني من حيث لا أحتسب :
أولآ .. الفستآأن :
إذا تعبت وانا ادور ششوي بصرأإحه .. انا كنت ابغى أ افصل بس الوالده الله يهديهأ معارضه شي اسمه تفصيل بحجة (( تقول: ان المصممين مفصلين ومنزلين لك بالسوق بيصير ذوقك أحلى منهم ! ))
يمكن يكون معآهأ حق <- ابووك يا التحطيم هع
الموهيم سسألت هنآ في المنتدى محلات فساتين ماقصروآ البنآت بس الأذواق تختلف .. رحت وفريت وفريت وفريت راسي وفريت راس امي وراس ابوي وراس كل اللي يعرفوني ..
كنت داخله مجمع الجمعه ستي سنتر . وناويه اشوف يعني بدري ع الشرآء .. ودخلت محل جذبني فسستان حسيت انه حق اخت عروسه صح مع إنه مرره كيوت <- نأإعم ..
مجرد قمآش مخصر ومن تحت يبدى أ يتوسع وعليه ورد توتي <- لون التوت مرره يجنن ..
ولونه اول ماشفته قلت ابيض وبعدين انصدمت انه سكري مره يخقق ..
طالع مع الورد .. الموهيم ترددت كثير واروح واجي واروح واجي شارت علي أمي وقالت قسسم بالله انه اطلق فسستان شفته <- احلى شي هع
ان ما اخذتيه اسمحي لي غبيه .. قلت ودي بس محتاره قالت كيفك انتي بس اذا تبين رأي خوذيه وبقوه ..
سكت اقصد تنحت مدري وش اسوي قلت للي في المحل ..! متى نزل و ذليت ابوه بالإسئله اخاف احد يطلع مثلي ..
قال والله مانزل منه الا 4 حبات كل مقاس واحد وجات كويتيه وحجزت 4 وبعدين ليه انتي واثقه ان مقاسك موجود حسيت انه راح علي .. قلت تكفي <- أولا متردده بس حسيت محد مثلي وترى ع فكره المحل معروف اتحدى ان لقيتي فساتين عند احد غيره فريت الدمام كلها والخبر وكل مكان مالقيت مثله وربي هذا اللي طمني .. قلت مدري احجزه بلف بالسسوق وبجي قال خوذي راحتك اللي مستغربه منه انه يقول روحي شوفي فساتين لا تستعجلين حسيت انه واثق ..
ما اطول عليكم <- احلفي هع . . رحت فريت فريت مالقيت شي مثله خلآص .. رحت له بعدين قلت لا ما ابيه خلاص ما ابي استعجل امي شبه عصبت .. قالت براحتك .. صورته وكل من شافه ايدي عليه وقال مره بطل <- مصارع مو فستان هع ..
واحترت واستخرت جيت بعد كم يوم وأبوي لبى قلبه معي وانا ماكان عندي امل القاه .. لقيته بغيت اموت قلت وناسه طبعا انا ما بعد اوريه ابوي .. صدفه ابوي طار عنده قال ليه ماتاخذين هذا مره حلو خ قلت هذآ حقي .. <- استحلته . قال ابوي بسسرعه جيبه والحمد لله لقيت المقاس وقسته قال ابوي نفس السعر من زمان سألينه قال لا الشركه جآنا منها امر نرفع السسعر لان عليه طلب قلت انا وشو حسيت ان الوقت اللي تركته زاد علي وندمت قال ابوي مو مهم خلاص جيبه .. قلت انا لا مابيه بروح ادور يمكن القى قال ابوي مايعجبك العجب .. وخفت اني مستعجله بحكمة اني اخت العروس الوحيده .. قال ابوي لصاحب المحل احجزه لي وبروح اوريها المحلات اللي ع الكورنيش وبجي طبعآ اللي في المحل واثق وقال روحوآ طلعنا وقفنآ عند الإشاره مايقارب ساعه مره زحمه قلت تدرون والله انها خيره خلونا نرجع بس ورجعت وشريته وخلاه عنده وكواه لي وضبطه وحطه بشنطه وراح ابوي يوم وجابه .. الحمد لله ..

الإكسسورات :

احترت ايضآ بما ان فستاني سسمبل مره ودي بشي كرستالي لان الورد اللي في الفستان فيه كرستاله في كل ورده نفس اللون .. احترت بعد مره .. اخيرآ صملت وقررت رحت العفيف <- محل اكسسورات مشهور وغالي .. شريت منه طقم مرره يخقق وقال عليه مان سنتين وتجيني اغير اللون اللي فيه باللي تبينه مجآنأ ..
الحمد لله
الساعه :
رحت المحل اللي جمبه ولقيت نفس الطقم ساعه بعد مره تخقق واخذتهآ وانا مغمضه . الحمد لله وكلن مدحهآ ...
البوك :
رحت السنتر بوينت وشريت بوك مره خاقوقي لونه توتي نفس الورد وفيه لمعه بسيطه .. وكلن انهبل عليه سألوني عنه اكثر من الفستآن هع .. أمزح فستاني كل انهبل عليه ..
الصندل .:
شريت طبعا مافيه تعب <- واضح من زود التردد شريت 2 هع .. بس لبست ابيض وانا شاريه واحد احمر وواحد ابيض ولبست المريح .. عادي مايبين بس مره كوشخه ..

المششغل "<- الطامه الكبرى أ ..

مو بغيت اموت بغيت اموت مرتين <- انزلعي ..

فريت ايضآ <- ياذا الفراره .. وقريت في النت وشاروت .. رحت لفتوح الفهد ولقيت ناس مسوين عندها وهو حلو بس دافعه في 300 بس وجهها بس ومرره اضاءات قليله الألون <- احب كذآ بس احس ما يبرز العين مره .. يصغرهآ وامي كانت معي <- المسكينه عذبتهآ .. وقالت لنا اللي مسويه وين زواجكم قلت في الدمام قالت لو الزواج اللي اليوم في الدمام كانت رحت لأكليل العروس وانا مغمضه قلت يعني تنصحيني فيه قالت بقووه .. طلعت جت وحده وقالت لي وقلت لها اني اخت عروس قالت اكليل العروس وبسس قلت الله يجزاك خير .. وطلعت ومريت دنيآ المرأه مو الموضه .. ولقيت وحده مسويه عندهم مكياج وهي قافله معها مره مكياجها مو حلو وهي منقهره قالت اكليل العروس وانتي مغمضه قلت الظاهر هو هع ..
ورحنآ اكليل وشفنآ ناس شغلهم حلو .. اعجبني وحجزنا .. واكل اللي يعجبك والبس اللي يعجب الناس ..
جآء يوم العرس طلعنآ له 10 ونص ومفروض نروح 8 ونص ع الزحمه اللي لقينآها معزيمنآ خالصين قبلنأ هع .. جايين بدري .. رحنآ وحجزنأ ارقام كنت حاجزه مكياجي عند مريم بس رقمي 9 وانا مافيه وقت انتظر فقلت حوليني عند شمس ماصدقت ع الله وقالت لشمس حطيها الأولى قلت انا لا ابي اسوي شعري اول قالت سوي شعرك ومتى ماخلصتي تعالي لو اقوم اللي اسوي لها عشانك ع فكره شمس مره انسانه تخقق اخلاقها عسل الله يسعدهآ ..
وعليها طلب ايضآ .. رحت بحجز شعري ابي ربااب ربااب عندها زحمه رحت لفلبينيه مره شغلها اعجبني سوت لي تسريحه يقولون الناس متوقعين التسريحات تكبر طلعت مصغرتهآ مره تجنن وخالاتي مره انهبلوا عليهآ من فضل ربي طبعآ ..
مكيآجي .. طلع مره يجنن يالبى شمس جعل ربي يحّرم يديها عن النآر .. حتى العدسات لبستني .. وطلع كامل ع كامل ياربي لك الحمد .. بس عيب المشغل الزحمه الموت واختلفوآ بالأسسعار شافوآ الناس ولين الساعه 8 في الليل وهي تستقبل مع ان عندها زحمه الله يهديهآ ومره المشغل منظم فيه مآيك ينادونك بإسمك اذا جاء دورك ..
طلعت متأخر بس الحمد لله كلشش تمآم ع تمآأم وفي المشغل ابلشوني الناس بس يسألوني وقلدوني نصهم ههه ..

يقولون نبي مثل ذي هع ..

هآذي خلاصة التجربه .. اتمنى افدتكم لو أإني طولت عليكم بس اعلمكم عشان ماتتعبون مثلي .. ع فكره اللي تبي تشوف الفستان تراسلني ع الخاص وع فكره عارضته للبيع ماراح استفيد منه مع اني متحسسفه اني ابيعه قهرر ..
اي استفسار انا حاضره ..
(( ابشركم أذكروآ الله انخطبت .. خ