تجربتي مع الرجيم نحفت عليه أكثر من 15 كيلو لمدة شهرين

أسمى الأماني

31-05-2022 - 10:51 am

السلام عليكم ورحمة الله و بركاته
أعرف دايماً أن أغلبيتنا تحب تسمع تجارب غيرها لعلها تفيدها,
و دايم أحكي قصتي و صديقاتي يقولولي أعرضيها يمكن غيرك يستفيد..
هذي التجربة بإذن الله مضمونة لأني جربتها مرتين..
أول مرة :
جربتها لمدة شهرين و نزلت 16 كيلو تقريبا..قولوا ماشاء الله
رجعت بعد الاجازة اللي سويتها فيها ما عرفوني صحباتي
اتغيرت 180درجة
لا كرش وخصر واضح بفضل الله
يسألوني : ايش كنت تاكلي , ايش تسوي ؟؟
أولاً وقبل كل شيء..
الدعا اء
كنت أدعي هذا الدعاء:
" اللهم إني أسألك جسماً لينا سهلاً لطاعتك و رضاك"
" اللهم أنقص وزني من غير ضراء مضرة ولا فتنة مضلة"
احنا نبغى الجسم النحيف ليش؟
مو علشان نتصور ونطلع بالتلفزيون,
ولا علشان الناس تقول يا حليلها نحيفة..
احنا نبغاه علشان صحتنا أولاً
علشان نقدر نعبد ربنا بدون ما نحس من أول ركعة في الصلاة بإرهاق.
علشان نرضى أزواجنا و هذي طاعة لله.
والرجيم في أحايين كثيرة جيب أمراض مثل الصفرة وتساقط الشعر و شحوب الوجه ... إلخ
ثانيا:
المشي لمدة نص ساعة على السير 6 أيام في الأسبوع اليوم السابع اجازة عندي
ثالثا:
طبيعة الأكل..
أنا أكره النظام الغذائي اللي يقولك الفطور كذا- الغدا كذا ...
أحب آكل براحتي
كنت آكل بأي كمية ..
و
و
و مشاوي أي نوع
و رز بدون زيت
و لحم مفروم مسلوق
و لحم مسلوق أو مشوي
شوربات خضار
ايدمات خضار بدون زيت
آكل لين أشبع عادي
الشرب:
أشرب في اليوم لا يقل عن 12 كأس موية ضروري جدا
الماء عامل كبير في التنحيف..
أشرب شاي أخضر بمعدل 3 كاسات يوميا ( ترى مو دعاية للشاي حقي )
عصيرات بدون سكر.. الشاي و القهوة و المشروبات الغازية ممنوعة تماما إلا إذا اكتفيتي بفنجان واحد من القهوة العربي عند اضرارك...
هذا أمشي عليه طول الأسبوع ما عدا الجمعة
الجمعة عندي يوم مفتوح
استانس عليه و آكل اي شيء ممنوع عني
أحيانا تكون عزايم وسط الأسبوع و أشتهي شيء منها
أخبي لي صحن لين يوم الجمعة بالثلاجة خ
اي فايدة ها اليوم..
الجسم سبحان الله اذا اتعود على الرجيم المتواصل ما يحرق على طول , لكن اذا أكلت و كسرت النظام الجسم كأنه يبدأ من جديد و يحرق أسرع..
المرة الثانية:
بعد ولادتي ..
قالوا لي لا تسوي الا لما تخلصي الأربعين..
طبعا ها الكلام حطي عليه اكس
سويت الرجيم الأكل صحي مو شرط آكل أشياء فيها دهن ..
أشرب أكثر وعصاير أكثر علشان حليب الطفل ..
الرياضة تكون مكثفة غير المشي لأنك في حالة خاصة,
لك بطن
و أفخاذ
و مقاعد
يعني الدنيا خربانة
فتحتاجين رياضة خاص بما بعد الولادة
هي صعبة بس والله ثم والله ثم والله داومي عليها و انسي المشد الأندونسي و الصيني
بطني بفضل من الله وقتها راحت و فخوذي شدت
و رجعت كما كنت قبل الولادة بفضل من الله ...
اللحين أنا بحاجة لرجيم مرة ثانية يعني زدت 3 كيلو يبغالي انتبه لنفسي ...
هذا كان اللي عندي
وهذي تجربتي
وربي يحفظ الجميع و يرزقه كل اللي يتمنى

التعليقات (9)

طيبةحيل

31-05-2022 - 02:33 pm

وعليكم السلام ورحمه الله وبركاته
يجزيك الله كل خير على ذكر تجربتك
وفعلاً كل كلامك اغلبه اسويه وفاد معاي الحمدالله
والاهم يجزيك كل خير لانك ذكرتي الدعاء
وفعلاً هذا اهم شي والله الدعاء ثم الرجيم هو اللي يساعد
وساعدني كثير الحمدالله
والله يبارك لك عزيزتي
موفقه

FaRoOo7a MoOoN

31-05-2022 - 03:34 pm

مشاء الله تبارك الله
حلو اللهم لاحسد
انا تجربتي في الدايت من قبل 5 سنين
وكنت امل واطفش
لحد ماكان وزني 106
صار 135
وانا الترم الاول في يوم 27-10
كنت بروح اكمل اجرائات الكليه
وشوفت نفسي في المرايه وانصدمت من جسمي
خصوصا انه العام في ثالث ثانوي
ماكان كدا
كان انحف بكثير
والملابس كلها صارت ضيقه
وقعدت اصيح
يعني تخيلي دولاب مليان
كلها صارت ماتدخل او ماتتسكر
فقلت لبابا مني رايحه الكليه اليوم
بروح اعمل دايت في مستوصف حي السلام
قالي اخيرا قال يلا استعدي
واستعديت
ورحت للدكتوره والله يوفقها دكتوره شرين
اعطتني نظام حلو
وكتبتلي حبوب ريداكتيل الي 10 ملغم
وبعد ماطلعنا رحت شريتلي ملابس من ان هافي مقاس 30
وبعد اسبوع راجعتها ونحفت الحمدلله
4 كيلو
وصارت البلوزة وااسعه
وحتى فرحت الدكتوره وقالت
تماام استمري
وبعد اسبوع كمان نحفت 4
وحتى اعطتي ايام اوف
وبعد كمان اسبوع نحفت
6 علما باني كنت اطلب من ماك وهارديز وبرجر كنج
بس بدون جبن وماينيز
واكل معه سلطه وفيها خل تفاح
والعصير عصير تفاح الربيع او سيزر الي بريالين او ريال
الي يعادل كاسه
بس يوم خربت الدايت ونحفت بس كيلو
عاقبتني خ
واعطتني دايت قاسي شوي
ونحفني 7
بس تركت المستوصف عشان الكليه
ورجعتلهم قبل فتره وهي فرحانه من شكلي المتغير
وشافت وزني صار 90
والحين معاها ماشيه صار 84
الحمدلله
وكمان الكريمات ساعدتني
وكنت اشرب زنجبيل مع بقدونس وليمون
وكمان شاي اخضر
والحمدلله ع كل حال
والحين مقاسي صار 20
من 30 الى 20
والكريم شالي الكرشه هو والزنجبيل يوم اشربه

اموره وبلعسل مغموره

31-05-2022 - 04:35 pm

اهلين
مافهمت كريم شنو
لو تقصدي الزنجبيل طبختيه وشربتيه
وكيف كان طعمه

FaRoOo7a MoOoN

31-05-2022 - 05:36 pm

اموره وبلعسل مغموره
هلا حبيبتي
انا الكريم الي اقصده هو كريم بارتنرلوف الي علبته حمراء
والزنجبيل الي انا اقصده
هو الي تشربيه يعني تشتريه طازج
وتبشريه وتاخذي شويه منه
وتحطي عليه مويا ساخنه زي الشاي
ومعاه ليمون وبقدونس
واذا كانت عليك الدورة
نفس الشي بس بدون ليمون
والله يوم داومت عليه سبحان الله
حتى الله العرق صارت ريحه زنجبيل سبحان الله
وهو يطرد السموم بس طبعا بدون سكر
وانا بصراحه كانت عندي سموم في جسمي
يعني ماكنت اكل اشياء مفيده
ان شااء الله تستفيدي من تجربتنا انا والاخت الي كتبت الموضوع
واي استفسار انا موجوده اوك

miro hony

31-05-2022 - 06:37 pm

ماشاء الله عليكم يارب يسعدكم عقبالنا صح والله الواحد مقصر فى العبادة لتقل الجسم ادعولى بالله عليكم

رسيل الحب

31-05-2022 - 07:38 pm

ماشاء الله لا قوة الا بالله
عليكم بالعاافية يا بنات ومبروك عليكم الرشاقة
وواصلوا نحو القمة وان شاء الله ما تشوفون شر
وتكونون احلى رشيقات
تجارب متازة 100 %

أسمى الأماني

31-05-2022 - 08:39 pm

طيبة حيل تسلمي يا قمر
و الدعاء اهم شيء والله
وكل ما احد قالي وش نصيحتك
ااقوله الدعاء ثم الأشياء الطبيعية
لا تخربط و تجيب اشياء الله اعلم بحالها

أسمى الأماني

31-05-2022 - 09:40 pm

FaRoOo7a MoOoN
ماشاء الله تجربة ممتازة جدا
اهنيك عليها
ربي يحققلك مرادك يارب و تصيري زي العصفور
بس انتبهي من الكريمات والله مليانة بلاوي ما راح تحسي فيها اللحين لما تكبري راح تطلع لك اعراضها,,,
انت اشفطي بطنك دايم و سوي تمارين افضلك والله ...
وانت اذا استخدمتي اي شيء قولي اللهم اني اسألك خيرها و أعوذ بك من شرها
ربي يحفظ و يعافيك يارب

داعسه نمله

31-05-2022 - 10:41 pm

ماشاء الله عليج
اهو الرجيم يبيله ارااده والله
والله يوفقج
بالنسبه حق الرياضه اللي بعد الولاده
يعني من اي يوم بديتي من بعد الاربعين ولا وانتي فالاربعين؟!!!
ممكن توضحين حبيبتي ^_^.

صدور دجاج مع كريما الثوم للدايت←
حبوب آبل سايدر لتخفيف الوزن خل التفاح→