تجربتي مع علاج الكيراتين وليس الفرد

السلام عليكم ورحمه الله وبركاته ...
كيفكم يافراشات إن شاء الله بخير ...
الموضوع واضح من عنوانه حبيت أنزل تجربتي عشان أفيدكم
أول شي بقولكم شلون كان شعري :
شعري طبيعته حلوو بس لأني صبغت هايلايت قبل سنه تقريبا صاير مرره جاف ولمن أخذ دش ينكش على طول ومرره يتعبني
وشفت بالنت عن علاج الكيراتين وفرد الكيراتين بس خفت من الفرد لأنه طبيعه شعري موخشن ولا مره ناعم لا متوسط
المهم قلت بجرب العلاج وكلمت أختي عنه وطلعت صاحبه أختي أختها تسويه أخذت رقمها من أختي ودقيت عليها
سألتها أي نوعيه تستخدم قالت لي البرازيلي الأمريكي وهو أحسن الأنواع
وخالي من ماده الفورمالدهيد وهذا أهم شي لأني سمعت إنه زياده هالماده عن 4% تسبب السرطان الله يحمينا ويحميكم من الأمراض ويبعدها عنا
المهم اتفقت معاها على كل شي وجاتني البيت الله يسعدها وسوته لي طبعا أخواتي عارضوا وقالولي لا إنتي شعرك مايحتاج أي شي مشكلته الجفاف بس
بس أناخلاص إذاحطيت الشي براسي أسويه يعني أسويه ههه
المهم سوته لي وقالت لي أجلس ثلاث أيام من غير ماتوصل لشعري المويه وطبعا هي إلابتوصل مع الوضوء
فقالت لي بعد الوضوء جففي الشعر بالاستشوار العادي أومكوه السيراميك إللي وصلت له المويه بس
وجلست فيه ثلاث أيام وبعدين غسلته طبعا الشامبو أناشريت تريسمي علبته سودا ومكتوب عليه بالكيراتين
المهم النتيجه بعد ماغسلت شعري جونآآآآآآآآآآآآآآآآآآآآآآآن قولوا ماشاء الله وربي يابنات ماأكذب عليكم شعري كان ينكش بعد الشور على طول
بس بعد العلاج هاجد وشكله كانه مستشور وربي ماأكذب عليكم يعني العلاج بعد يعطي نعومه للشعر يعني فيه تعرجات بسيطه بس والباقي كأني مستشورته
طبعا اليوم ثاني يوم لي بعد ماغسلته وللحين ماأشوف أي ضرر أوشي لاسمح الله على شعري وإن شاء الله مايصير شي
بس عندي ملاحظه إللي تسويه نصيحه مني تقول للي تسويه لها تلف أطراف الشعر للداخل أوالخارج إللي يريحك
عشان لاتجي مفروده بزياده مثل ماصار معي هي صح شكلها موسيء بس الأفضل إنها تلفها عشان تطلع أحلى
وكمان إللي تسويه أناأفضل إنها بالثلاثه الأيام تستخدم مكواه السيراميك ضربات سريعه على الشعر بس عشان يجي أحلى ومافيه تعرجات مثلي
صح إنها مو سيئه بس لوإنها مو فيه ماكنت أحتجت الإستشوار خير شر
ونصيحه مني إللي شعرها مو مره سيء تسوي علاج لاتسوي فرد لأنه مهما كان الفرد يتعب الشعر حتى لوطلعت نتايجه حلوه
وهذي تجربتي وإللي عندها أي سؤال أناحاضره فديتكم ...