تجربتي مع فرقة بلابل الصابرين الاستعراضية

مرحبا
انا كتبت موضوع قبل فترة اسأل عن فرقة استعراضية في جدة
هذا الموضوع
http://alfrasha.maktoob.com/alfrasha124/thread1776281/
وللأسف محد فادني
وعملت عملية بحث في النت ولقيت أرقام بس مااستفدت
لقيت فرقة بمكة تنزل جدة ب2300 لرقصتين فقط
ولقيت لبنانية مسوية فرقة اسعارها تبدأ من 6000 ريال بس يعملو أكثر من رقصه في السهره
وأخيراَ لجأت للواتساب والبي بي
والحمد لله ماقصروا الأصدقاء دلوني على فرقة اسمها بلابل الصابرين
اتصلت عليهم وقالوا سعرهم 2500 رقصتين والثالثة مجاناَ
اتفقت معهم ورحت لبيتهم في جنوب جدة وورني عالجوال عروض لهم وعجبوني
فدفعت لهم العربون 500 ريال
وجاء يوم الزواج تأخرو علي انا قلت لهم يجوني 12 تماماً
لكن هما جو الساعه 1 وربع تقريباَ
السبب ضيعوا الطريق
عموماَ ماشاء الله رقصوا والناس انبسطت معاهم مرة
أنا اخترت رقص خبيتي على اغنية راوية
ورقص أجنبي غربي
واخيراَ مع الزفه رقصو على العرضة
وماقصروا كان في اغنية بعدها رقصو عليها بدون مااطلب منهم
الخلاصه انهم عجبوني وكانو قمة في الذوق
اللي تبغى الرقم تكتب في قوقل بلابل الصابرين وحيطلع لها الرقم
او تراسلني عالخاص