تجربتي مع مشغل دار نور في الرياض

1. دخلت مكياج يضحك من جد

السلام عليكم ورحمة الله وبركاته
انا من القصيم وبحثت عن مشغل في الرياض ماهمني السعر يكون حلو ونظيف
لقيت اكثر المدح علي هالمشغل قلت اجرب قبل لااحجزه لزواج اخوي
وقبل يومين كنت معزومه لزواج قلت فرصه
رحت له طبعا ومعي حبيبتي توام روحي بنت خالتو
المهم جينا علي الكونتر قالوا فيه حجز قلت لا قالت مين تبين قلت زارا قالت محجوزه
مدحت سحر قلت مو مشكله اهم شي تتقن اللبناني احبه يبرز الملامح
شافت شعري قالت تسريحه 400 قلت ليش غالي وانا تسريحتي سمبل قالت شعرك طويل وحنا نحسب علي الطول حتي لو استشوار ماعلينا قلت لبنت خالتو ماعليك اهم شي نطلع واو
المهم انا سبع ميه وخمسين وهي سبعميه
دخلنا علي ماجا دورنا مره كتمه المشغل
استشورو شعورنا قسم بالله اشين من هالاستشوار ماشفت بحياتي انتفش شعري مع العلم شعري ناعم

دخلت مكياج يضحك من جد

انا اضبطه احسن منها لا وشاطرين بسحب الفلوس اول ماشافتني قالت يو لازم احط لك كولاجين علشان يثبت المكياج
ويطلع احلي قلت بكم قالت بميه ورموش خمسويبعين قلت بالله علي ويش الثلاث ميه وخمسين اللي قبل اذا بتحاسبين علي كل شي تسويه لا وازيدك قالت مكياجك عادي مو مميز قلت ليس قالت ماراح احط لك خافي عيوب بالله فيه مك اب بدون خافي
الله لايوفقهم قمة الاستغلال
وبالاخر تسريحتي بسيطه باربع ميه ومك اب باربعميه وخمس وسبعين مو حلو ابد
وش ذا الغلا مايستاهل حتي 150
وربي قهر قلت ليش المدح
مدري وش شايفين فيه
وقمه في الاستغلال
لكن توبه ماعاد ارجع له ولا عاد اخذ احد الا ثقه
لا وشفت شغل زارا مو ذاك االي عليه القيمه
يعني مدري المدح من وين جا
يلا تجربه وحبيت افيدكم فيها
باي