تجربتي وابي تجاربكم في الأدوات الرياضيه للتنحيف

1. مالو مكان


2. وكل الاماكن ضيقه

السلام عليكم ورحمة الله وبركاته
يسعد مساكم والصباح يا اغلى فراشات
اليوم حبيت انزل لكم موضوع ما قد شفت له هنا مثيل بها القسم
خصوصا اني بالفتره الاخيره صرت ازوركم واجد <<<<<<
والحمد لله بفضل من الله قاعده افيد واستفيد منكم يا اغلى خوات
اليوم حبيت اكتب وانزل موضوعي هذا افيدكم واستفيد منكم وابي تجاربكم وبعطيكم تجاربي ركزوا معي على الاولى <<<<<
الموهيم يا بنات
هالتجارب بتكون حول جهاز رياضي او يخص النحافه استفدت انا منه وتجاربكم عليه واجهزه ما استفدت منها والسبب
وكمان انتم
باقول لكم ان اول اله رياضيه شريتها كانت الاوربتراك
قيمته كانت 399والحين صار بكل مكان انا شريته من اكثر من 6سنوات وهو موجود حاليا عند خواتي
النتيجه كاانت رائعه مع نظام تخفيف ومشي نصف ساعه الصباح ونصف ساعه المساء
خصوصا للي يعانون من الغده الدرقيه
انا استخدمته فتره وكنت مرتاحه كثير عليه
ولاني غيرت غرفه نومي سوينا له عمليه طرد
وابعاد من البيت فقدته حيل لكن وش نسوي هذا هو حالنا يا اهل الشقق الصغنونه

مالو مكان

وكل الاماكن ضيقه

طبعا انا نحفت عليه وتغير مقاس البلوزه باسبوع قسما بالله اني انبسطت وانبهرت خصوصا ان اللي عندهم غده درقيه قليل ماتنزل اوزانهم لكن الدكتور قال لي مع الحركه تحرقين اللي اكلتي وتمنعي تخزين الدهون والحمد لله اخذت نتيجه حلوه معاه
من فوائده ينحت الاكتاف من الظهر ويشد الساقين والافخاذ
نحافه عامه للجسم مثل فكره السير لكن هذا غير
ومفيد خاصه للي يعانون من الم المفاصل وخصوصا مستخدمي السير العادي
نجي للجهاز هذا بنيتي اشتريه
اسمه ابروكت
فكرت فيه وشرته حماتي للتجربه
قيمته في ال475اعتقد او اقل والله ناسيه من شركه ان دايركت طبعا من tvتتصلي عليهم ويجيبونها لك للبيت
طبعا هالجهاز تجربه حماتي فيه او سلفتي على قولتكم رائع بصراحه مع السي دي شيئ
هي شرته باول رمضان واستمرت عليه ولما جاء العيد كاتنت انحف واجمل وخصوصا انها كانت بعد ولاده
فاخذت نتيجه حلوه معاه ومازالت
يتميز هالجهاز انه صديق للشقق الصغيره
لانه ينطوي ويدخل تحت السرير ودار درى ودار مادرى ومره راائع
ميزته يشد البطن وتحسين بعضلات البطن تشتغل وفي بعض الحركات تحسين بالافخاذ وهي تشد
ومن جد رائع
الجهاز الثالث
هذي الالة للتدليك بالاشعه الحراريه وبدون
تدليكها رائع تشتريها من عالم ساكو قيمتها 79بالتخفيض رائعه
تشتغل بالكهرباء على خط 220
تنشط الدوره الدمويه تحسن شكل الجسم بالاستخدام المستمر مجربه مني ومن سلفتي تصلح للافخاذ والمؤخره والبطن
ذبذباتها قويه نوعا ما
طبعا تسوي فيها المساج للجسم بعد الاستحمام بمويه دافيه او حتى بدون بس لما قلت بمويه دافيه عشان الجسم يكون دافي فيزيد من تريك وتنشيط الدوره الدمويه
نصيحه لاتجربي اللي تلوى على الظهر لانها تخرب برغم ان لها مميزات لكن ما انصح فيها
الجهاز الرابع
فورم شيبر
رائع للي اجسامهم تخزينها في الجزء السفلي
طبعا انا ما استخدمته لاني ما اعاني من هالمشكله
اعرف وحده استخدمته
تمدح فيها وخصوصا انو تحسن شكلها من الافخاذ والمؤخره تحسن مقاسها
اعتقد انها من ان دايركت
قيمته في 360 بالاتصال تطلبينه ويجي لك
لكن عيبه في التخزين ما ينطوي
يبقى مثل ماهو بالصوره مسنتر قدامك
نجي للشيئ الخامس
وهي بدله السونا
شريتها من الفالح بشيئ وثلاثين زماان
والحين موجوده عند عالم ساكو ب19ريال عليها عرض
راائعه للجسم والتفتيح والتخلص من المويه الزائده
فقط لاغير لاتنحف ولاتسوي شيئ
لكن لما تلبسيها وتمشي فيها تفقدي كميه مويه كبيره يتغير مقاسك بالسم يعني مثلا اذا يهمك
وثاني يوم ترجعين على ماكنتي عليه
اما للجسم والتفتيح والتخلص من المويه الزائده حلوه تلبسيها ساعه وبعدها تكملي خلطاتك لنعومه الجسم والافضل تبدي تدلكي جسمك باداه التدليك اليدوي
مثل اللي عند افون
مثل هذي الصوره
قيمتها 34 تشتريها من مندوبات افون
مع التدليك اليومي باي زيت وممكن استخدام كريمات الي تساعدك على انزلاق هذي الاداه
وممكن تستخدمي كريمات التنحيف كثير يلاقون نتيجه خصوصا اللي توهم سمنانين
ا و لتحسين مظهر البطن البارز
شخصيا مازلت عليها ومع الرجيم الحمدلله اخذت نتيجه حلوه
وفيه جهاز بس مالقيت له صوره
كان رائع للبطن مره
استخدمته بعد ولادتي لولدي الثاني
لكن عيبه كان التخزين
هذي الاجهزه خلاصه تجاربي انا وسلفتي
وبصراحه
اهم شيئ الاستمرار عليها تعطيك لياقه
وتحسن شكل الجسم
وياليت تفيدوني بتجاربكم
حول الاجهزه اللي شريتوها واللي عندها جهاز حلو وسهل في التخزين تفيدنا
طبعا لعشاق ممارسه الرياضه
كمان نسيت اذكر لكم انو في سيديات لتعليم الرياضه
وتكون عباره عن مقاطع
قيمتها من 49وفوق الى حد 90وتوصل لل100
وتباع في اكسترا
رائعه انها تعطيك دافع وكمان تتعلمي الحركات المضبوطه للتمارين
وكمان لما يكون عندك خطوات مدروسه للتمرين تستفيدين اكثر من التمرين العشوائي
خلاصه موضوعي حاليا انا بس على التمارين وما عندي الة وانا احب الآلات
لانها تعطيك تصميم وتساعدك كمان
وحاليا افكر في هذي
الآلات فاللي جربتها واستفادت منها ياليت تقول لي وللبنات
هذي اللي لقتها وكان سعرها رخيص ياليت تقول لي وين
وهذي لنحت الخصر والتخلص من الكرش
والشيئ اللي اجبرني اطرح الموضوع ان احنا في فتره شتاء
وما اقدر زي الصيف اطلع امشي
فدائما في الشتاء الجسم يخزن
خصوصا مع حالة السبات
ونبي هالموضوع يكون نشيط وفيه تجارب وحركات
ودعوات حلوه
وانا في انتظاركم
لاتنسو كونوا في حاله حركه مستمره
لجسم حلو ومشدود
يا حبي لكم
الموضوع اجتهاد شخصي غير منقول