تجربه وحده من الاخوات حبيت انقلها لكم

مساء الخير حبايبي في وايد بنات دزولي مسجات على الخاص يسئلون اشلون نزل وزني
فقلت ما اقدر ارد على ما يقارب الميه مسج
بكتبها اهني و الكل بستفيد بذن الله
اول اي نحتاج الايراده اذا ما في خلاص ما اعتقد تقدرين تكملين بس بكتب تحت شلون تجيبين الايراده
اول شئ انا كنت ضعيفه يوم كنت صغيره يعني مو ضعيفه عصله
بس يعني اعتبر رشيقه كان وزني اخر مره شفته يوم كان عمري 12 ,48 كيلو
عقب هذا اليوم خلاص بعد ما شفت وزني مع العلم انه عمري 22 حاليا
تعروفن عاد المرهقه اذا ما حافضتي على اكلج بتنفجرين
انا كنت كله اكل وما اشبع
يعني الريوق اكل مع اهلى بس انا اخر وحده تقوم من الطاوله
الغدا اخر وحده اقوم اذا كان اكل بيت بس اذا من برا
اقل شئ اشتري وجبتين
العشاء حيل دسم
السنااك بطاط مقلي كنت اموت عليه خوصوصا اذا كان مع خرل يمي لول
الخضار و الفاكهه و السلطات محذوفه من الجدول
كل اكلي كان دهون و سكريات
ما وعيت على نفسي الا شهر 5 2009 الا وزني 116 يالهوي
بديت ادش منتديات و اشوف تجارب وشلون الواحد يضعف
اول شي سويته اني سديت الابتوب
رحت قفلت باب داري
جبت قلم و روقه و كتبت فيها شنو راح يكون رجيمي بكل حماس زين ما انشقت الورقه
المهم كتبت الرجيم:
الريوق تفاحه+ شاي حليب
الغدا مشاوي من غير اي نقطه زيت+ خضار مسلوقه او سلطه ومرات احط روب خالي الدسم اذا ما شبعت
هذي بس اول الايام بس الحين زين اكمل الصحن
العشاء تفاحه او اي فاكهه ثانيه + شاي حليب
بس انتهاء الدوام
عقب رحت توضيت وحطيت ايدي على القران وحلفت اني ما بخربط بالرجيم الي في الورقه<
ما في شي يدش حلجي غير الي كنبته
بس كنت اشرب شاي ابيض و شاي احمر واعشاب كل ما يعت
بسكر دايت
الرياضه كانت
سباحه ساعه
مشي ساعه
مرات اغير ارقص ساعه يعني بدل المشي رقص مرات رياضه بالبيت على دي في دي
بس السباحه مكمله علشان الترهل يوميا سباحه
الحين بحط لكم الرياضه الي كنت اسويها بالبيت الصراحه احسن من المشي بس انا صرت مدمنه مشي
اهي ايروبكس 10 دقايق بس انا اعيدها كل شوي عقب ما رتاح 5 دقايق لين اسويها لمده ساعه
https://www.youtube.com/watch?v=DqQsR...eature=related
مفعولها مثل السحر والله ما اعطيها الا للعزيز من كثر ما احبها هل رياضه تخليج تعرقين بالهبل
تقولين داشه بفرن
اذا تلاحطون انه اليروبكس الي فوق تستعملين كامل جسمج فيها الزنود و الفخاذ حتي البطن بس لازم تشدين بطنج طول
ما انتي تسوين الرياضه
بس هذا الي ضعفني من غير اي زياده او نقصان
الحين بكتب شعوري بعد ما ضعفت:
شعوري ما ينوصف الصراحه
راحة باال تحسين انج خفيفه
كل لابس اقدر البسه انا حالفه اني ما البس
البس الي في بالي لين ااوصل 55 كيلو لول
اذا رحتي يمعاات تحسين الكل يطالع عليج
صرتي حديث الساعه
الاكل يسئلج شنو مسويه وين سويتي العمليه< يعني جاكيني
الهم اني انخطبت اكثر من مره عقب ما ضعفت
الحين عرسي بيكون شهر 2 بذن الله
يلاا اخليكم تراجعون حساباتكم
موفقين يارب