تجعيد ولاأروع

صباح / مساء الخير
قبل مابدأ .. ابقولكم اتركوا الجل والرغووه اللي تدمر الشعر
والله يابنات راح تستغنوون عنها نهائياً زي ماستغنيت انا
جربوا طرريقتي .. ومتأكده بتعجبكم وراح تعتمدوونها
لعدة اسباب :
1- لأنها تغذي الشعر يعني لو تجعدين كل يووم لاتخافين على شعرك .
2 - التجعيد يكون مرتب .. وملفف كأنك ماسكه شعرك خصله خصله وملفلفتها " ومافيه كشكشه " .
3- الطريقه سهله وبسيطه وماتحتاج تلفييف أو جداايل وحوسه
بس انصحك جرربي هالطريقه قبل المنااسبه اللي بتجعدين فيها
عشان تفهمين الطريقه وتظبطينها صح.. وتبدعين فيها ( مع الممارسه بيطلع احلى واحلى )
يلا نبدأ ..
المقادير :
اشتري هذا الشي اللي اسمه ( بديل الزيت من بانتين ) من الصيدليه
سعره 16 ريال .. الحجم الكبير
فيه منه عدة أنوااع .. انا جربت هالنوعين وكلها ززي بعض بالظبط
الأزرق للشعر العادي والثاني للشعر الجااف ..
الطريقه :
1- تتروشين او تبللين شعرك بالمويه من الجذوور للأطراف .. وقد جعدت مرره وشعري نااشف برضوا حلوو
.. بس بالمويه احلى ويطلع الشعر اكثر كثافه
2- تمشطين شعرك بأصابعك كأنك تخصلين شعرك = ( يعني تفرقين كل خصله عن الثانيه ) = تدخلين يدك بشعرك من الجذوور وتسحبينها لبررا .. فهمتوا ؟
الين تحسين الشعر تخصل وتفرق عن بعض .. تخلينه الين تنشف المويه شوي .. يعني يصير الشعر رطب خفيف .
3- تحطيين ع شعررك كميه كاافيه من بديل الزيت بانتين .. وتوزعينه على كاامل الشعر ( وتسحبين شعرك بأصابعك ) نفس الطريقه رقم 2
.. بدون مشط .. انتبهوا .. بالأصابع فقط
4- بعد مايمتلي شعرك من بديل الزيت .. تقلبين شعرك على قدام .. يعني كأنك بتركعين والشعر يكون منكب ع وجهك
وتخصلينه مره ثانيه من الجذوور الى الاطرااف .
5- الحين بعد هالخطوه .. نبدأ نجعد بالطريقه المعتاده .. بس بدون تنفييش " كشكشه" انتبهوا !
( تعفطين شعرك يعني تلمينه بيدك بشكل عشواائي مع الضغط عالشعر من اسفل" الأطرااف " الى اعلى باتجاه "الجذور".. وهنا انتي وشطاارتك بالتعفيط
خليك على هالطريقه الين تحسينه تجعد وبداا ينشف من المويه .. وسوي اخر خطوه اللي هي ..

• وانتي رااكعه وشعرك ع وجهك .. لميه كله بشكل عشواائي من اسفل" الأطرااف " الى اعلى باتجاه "الجذور".. وحطي شباصه كبيره

عشان تثبته على هالوضعيه .. الين ينشف تمااماً
احيانناً اجعد بالليل .. وانام والشباصه على رااسي خ
والصبااح افكه وافرقه شوي عن بعض واعفطه بشكل خفيف .. ويطلع ياه بس
وانتبهوا تتحمسوون وتعفطوونه زياده وهو نااشف ( عشان ماينفش ) ويخرب الترتيب
بعض النصائح :
الاسااس بنجااح هالتجعيد .. هو تخصيلك للشعر وتغليف كل شعره ببديل الزيت .. عشان ماتنفش اثناء التجعيد
( يعني لاتستهينون بهالخطوه )
ممكن تتركين الغره " مقدمة الرأس" ماتحطين عليها بديل الزيت .. وتستشورينها بيطلع شكلك واو
وانتي تعفطين شعرك انتبهي .. تنفيشينه .. فقط تعفيط من اسفل لأعلى .. وهذا السر بالترتيب .
طريقة التعفيط للبنات اللي مافهموا .. شررحتها بالصوور :
( سبحانك اللهم وبحمدك .. اشهد ان لا اله الا انت .. استغفرك واتوب اليك )
منقوله ومجربه