تجهيزي لزواجي اللي بعد 4 شهور تفضلوا

مبروك ياعمري مقدما.....
فستان الزواج وهو المهم ليكون نسيتيه ههه

الله يوفقك ويوفقنا جميعا

شكرا يا بنات على المرور
لا يا ريانه العود فستان الزفاف ما ينسى
وحياكم

عطورات جسم
رغووات وصابون حلوو
تنانير منووعة
وبديهات وتيشيرتات حلووة
والله يوفقك
ومفرش حلو لغرفتك

رسلت لك ع الخاص فيه اشياء انا اشترايتها يمكن تفيدك

تصدقون ليحين مابديت اشتري شي وباقي 4 شهور
امولي اللي خذتيه من نعومي كان بمية وشي ولا حصلتي بسعر ثاني؟

اهلين امولي
الف الف مبروك
حلو القميص حق اول ليله انا كمان حقي من نعومي ولونه بيج دمعه هوالفين وحاجه
الناقص : مفرش السرير ، شنط لسفر ولذهب والمكياج،فواحه وعطورها ، ذهب، اكسوارات،نظاره ،محافظ ،كتب طبخ ،علبة خياطه ،ساعه ،بكل واكسورات شعر، استشوار، سجدات وشراشف صلاه ،مقصات ومبارد.
هذا الي في بالي الحين اذا شريت شيء او شفت تجهيزي ولقيت شيء راح ارجع واقولك
والله يوفق الجميع ويسعدك

الله يوفقك و استمتعي بوقت التجهيز ايما متعة مهما شريتي بعدين ما راح تحسين نفس الاحساس الله يسعدك يارب
اشتريتي شموع؟ فواحات من بدي شوب مع العطور المركزة حقتها؟
اشتريتي نكهات اللي برائحة الشكولاتة و الفانيليا زي الكريمات كذا تلاقينها عند لاسينزا او فيكتوريا سيكرت
مع مكياجك شريتي بودرة ملمعة للجسم؟يعني فيها شوية اكليل (جليتر)
شريتي الورق اللي فيه ريحة و يوضع في الدولاب و بعدين ترصين عليه الملابس يوجد في سيتي بلازا بروائح تجنن
كمان من زهور الريف فيه الازهار المجففة اللي تخلي ريحة الملابس روعه انا ظلت عندي ثلاث شهور بريحة قوية و بروايح متعددة
بالنسبة للعلاقات ( الشماعات) اخذتي من المغلفة بالساتان لو لفساتين السهرة و الملابس الداخليية
جيبي قطن و حطي فيه عطر مركز عود او ورد وحطيه مع الملابس الداخليه يخلي ريحتها اكثر من رائعة
حبيبتي لو اتذكرت شي ما راح ابخل عليكي و انشالله تكوني استفدتي

الله يسلمج نسيتي المكينه عشان تشيلين فيها الشعر خ
حبيبتي ملكة الخيال ميتين ريال << ماظن او الفين ريال؟
جفت وحدة فنعومي كانت كأن بيج وايد حلوة كلة فيها شك مع شوية تور كانت بمية وشي بحريني
امولي قولي بجم كانت لو ماعليج امر
ويزاج الله خير ملكة الخيال على ردج علي