تحت رحمة القدر روايتي الثانيه كامله وحصريا تمت

صباح الخيير قريت الباارت ومرا ماشاءالله حلو وحبيت الشخصيات بالتوفيق وان شاء الله تنزلينها وما تقطعين عننا تسلم اناملك على هيك بدايه والله زمان ما قريت شي وعجبني ومرا تحمست بدايه موفقه ان شاء الله

مشكوره حبيبتي وان شاء الله مااقطع روايتي كامله وانا متحمسه اني اكتبها

يسلموا متابعه معك

عن جد ماره حلو الشخصيات
بس اتمنى بما انها كامله تعطينا وقت محدد تنزليها لنا لاني تعبت من الرواايات الكامله وماتنزلها صاحبتها
المهم انتظر ردك قلبو
والى الامام

يسلمو على الرد ويسعدني انكم معي ولايهمك جدا متحمسه انتظرت لحد اخلص اختباراتي بس علشان انزلها وعسى الله يوفقني ويساعدني اني مااقصر معكم انا مثلكم قارئه وانقهر من سوالف بعض الكاتبات وادعولي بالتوفيق

؛
الله يوفقك يارب
بس ياليت تنزلينها كآمله
لان صرآحه حلاة الروآية نقرآها متصل
مانقدر ننتظر كم يوم
الله يسعدك حبيبتي

الي وم في بارت؟؟؟

لا والله اليوم مااقدر اذا شاء ربي بكره

في بيت ابو متعب كل خميس العشا عنده علشان لمة العيله
عند الرجال :
ابو متعب: يالله ياعيال العيله من اللي يسبق ويتزوج ويجييب الحفيد الاول
نواف: انا
الكل: ههه
طارق: شكلك حاط عينك
سعد: يووه مطوله السالفه
ابو بندر: ليه ياولدي انت الحين بوقت تحتاج لزوجه تعاونك بحياتك
سعد :اخ ياخالي تعبت البيت كله على راسي
ابو متعب: تعال داوم بالشركه العصر اذا تبي ترا بابي مفتوح
سعد:تسلم ياخال مشكور وماقصرت انت من زمان قايلي بس اخلص بعض الالتزامات وبجي اداوم
تركي:انتم بس فسحولي
الكل:ههه
بندر:عن قؤيب ان شاءالله عني انا ما افكر بهالشي بس يمكن اخلي امي تدور لي
طارق:وانا معاك حبيبي انت
الكل:ههه
منصور:انا بفرح ابوي واذا يرضى من الحين يخطبلي
متعب بنظره لمنصور:اعقل بالاول وسوالفك خليها وبعدين فكر
منصور سكت
ابو منصور:ليه وش مسوي
متعب وهو قايم بصوت واطي يسمعه منصور:الي علىراسه بطحه وناظر ابوه ويأشر براسه انه رايح يدخل العشى
راح يمشي بثقه وراح لجهة باب المطبخ الخارجي وشاف البنات تنحنح وبدون مايناظر دخل المطبخ
وبسرعه طلع زي مادخل
نور:ياي اخوك قد اوي "جدي "وتقلده عمري ماشفته مبتسم
شوق:لاحرام عليك والله طيب
شادن:يمه بس يخوف
دلع ناقعه ضحك هي نفسها ماتدري ليه والكل مستغرب
فجر:الحمد الله وانت ليه تضحكين
دلع اجل لو شفتوه اذا عصب وش تسوون
نوف:لا ياماما احنا منصور مو مستحملين بعد نشوف واحد عصبي لالالا
الكل:ههه
سعاد:سعد اخوي شوي عصبي بس حنون وطيب معنا
سمر:ابوي الصغيرون
الكل:ههه
شوق:ايش خ ابوي الصغيرون منين جايبتها
دلع:الله يخليه لكم كانت نظرتها غرقانه بالدمع
شوق:يوه دله لاتبكين وتحضنها
متعب كان واقف قريب يسمع الي يقولون كسرو خاطره وخاصه دلع ابدا ماوعت على امها او ابوها
متعب رجع للرجالابو متعب:ليه تأخرت
متعب:كنت اكلم مهند ناظر نواف وين جوالك
نواف يتلمس جيبه:اوه شكلي نسيته بالسياره رايح اجيبه
متعب:اتصل على امي وقولها العشى جهز ولا لا جوالي طفى شحنه خذه عطيه احد يشحنه
نواف اخذ الجوال وراح طق الباب وهو منقهر المسافه بعيده بين البابين
الخدامه:سنو يبي
نواف:ياما السوسه الي تاكلك وين امي
الخدامه تنادي ام متعب
ام متعب:هلا يمه وش بغيت
نواف:وين العشى وخوذي جوال متعب اشحنيه
ام متعب:خوذي يمه دلع حطي جوال متعب على الشاحن
دلع خذته وراحت حطته على الشاحن تأملته وهي سرحانه:حتى جوالك غامض مثلك
شوق:دلوعه وينك
دلع:هلا انا هنا
::::::::::::::::
في اليوم التالي
دلع صاحيه من الصبح وقاعده على الكنب مسنده راسها عليه تحاول تسترخي ومغمضه عيونها وشايله شعرها الرمادي الأشقر ذيل حصان
مع خصلتين نازلات بمحاذاة وجهها"دلع امها امريكيه بيضا وخدودها حمرا وكذا شفايفها وعدستها رمادي
اخذت من ابوها العيون الواسعه والرموش الطويله وحاجبان مرتفعا لتبين عظمة تحت الحاجب"
كان قدامها كوب كوفي ريحته مريحه للاعصاب نزل متعب ناظرها ونزل عيونه وتنحنح ارتبكت دلع ولبست شيلتها ونزلت رجولها
وبغت تكب الكفي
متعب قعد قبالها ناظر عيونها ونزل عيونه :ريحة الكفي تنعش ماعليش تسوين لي مثله
قامت دلع"ابشر وراحت بعد شوي جابتله كوبه وحطته قدامه على الطاوله
متعب:مشكوره
دلع:العفو اخذت كتابها وجت تبي تطلع فوق
متعب:دلع
دلع:هلا
متعب:هاه ولا شي بس كنت ابي اسألك وشلون تسوينه
دلع وهي طالعه:سر المهنه مااعلم وبعدين انا بس حطيت اصبعي فيه
ابتسم متعب وهو ماقدر يقول شي
:::::::::::::::::::::
في احد المراكز التجاريه
نواف:شوق لاتغثيني اخلصي بسرعه
شوق:حبيبي نواف الله يخليك تحملنا بنشتري لسفرتنا للقصيم
دلع:نواف خلك مؤدب
نواف:ههه
طارق:نواف حتى انت
نور:اجل خلينا نمشي مع بعض
دخلو البنات محل والعيال ضلو بلاا يتكلمون
طارق:البنات مايشبعون من السوق
سعد وهو يمشي:نواف وطارقوش تسوون
سمر:وين البنات
طارق:اها شكلكم متفقين
جا منصور:شكل الشله كلهم موجودين
الكل:ههه
طارق:شكلهن متفقات وموقفاتنا من اليوم عن هالمحل
منصور بعد مادخلن كلهن للمحل:شرايكم نخرب عليهن
طلعن كلهن مره وحده:لا مو راي حلو
منصور:يمه بسم الله
نواف:شلونكم بنات عمي وبنات خالتي
الكل:الحمد لله
فجر:هاه نواف شلون يدك الحين
نواف وقلبه ينبض بقوه:هاه ايه لا الحمد لله صارت زينه وبنفسه"بشوفتك"
طارق يدوس رجله ونواف بصوت واطي:اي وجع
سعد:ايه صح طارق الكتاب والبحث الي معطيهم سعاد تسويهم معي بالسياره نسيت اعطيك اياهم امس
طارق بابتسامه:ايه تسلمين ومشكوره
نواف يدوس رجله وطارق يضحك:تدري نواف احس سفرتنا هذي احلى من كل مره
سعد:اكيد لأن بدر ونايف معانا
شوق:والله الخايس واخبرنا
سعد:شوق وناظر البنات مانبي نعلم احد خلوها مفاجأه
دلع:جدي بيستانس فيهم
نواف:وطبعا حضراتكن متفقات
البنات:اوفكورس
نواف:طيب وبمناسبة هالأتفاق خلونا نخلص مشتريات ونروح نتعشى فوق
طارق:والحساب عليك
نواف بمزح:لا طبعا كل واحد يدفع عن نفسه
الكل مطلع عيونه
نواف:ههه صدق ماتنعطون وجه اكيد على حسابي
الكل:ههه
::::::::::::::::::::::
يوسف كان قاعد مع امه واخته يسولفون الا فجأه سمعوا طق قوي على الباب
ام يوسف:الله يستر
يوسف قام بسرعه وفتح الباب وبشهقه :مين ونزل عيونه
عفاف:وين وهي تبكي وين بيان
يوسف دخلها بسرعه وسكر الباب وبصوت عالي ينادي بيان وهو داخل
بيان جت تركض:عفاف دخلتها للبيت كانت بدون عبايه وملابسها شبه مقطعه وهي تبكي
بيان غسلت جروحها وضمدتها وجهها شي احمر وازرق من الضرب
طق يوسف الباب واعطى بيان بعض العلاجات مهدي ومضاد وما الى ذلك
قعد بالصاله وهو يفكر بهالمسكينه لازم يسوي شي يكلم اخوها احسن
بيان:عفاف خليك عندنا
عفاف وهي تمسح دموعها وتضحك بسخري:ايه علشان يطين عيشتي وهي تبكي اليوم ضربني تدرين ليه يقول شاف واحد
طالع من البيت اقسم بالله اني كنت نايمه مت كثر الشغل والكرف
لما ايها القدر لما دوما تقسى علي ؟
الى متى وانا ارتجيك ؟
الى متى وانا معذب ؟
لما ايها القدر ؟
::::::::::::::::::::::::::::
في الجامعه
شوق:دلع وجعتي راسي بفلسفتك
دلع:ياربي محد فاهمني
جت شادن :السلام
_وعليكم السلام
سمر:يالله طفشت متى سعاد تطلع
دلع:الصبر زين
سعاد:سمر مشينا سعد برا
شوق:ياربي نواف للحين ماجا
سعاد:تعالو معنا
دلع:حبيتي شوق تخلي ولو قليلا عن مبادئك ترى بنخيس هنا واخوك ماجا
بالسياره
سعد:ليه تأخرتوا
سعاد:علشان دلع وشوق جو معنا نواف تأخر عليهم
سعد بابتسامه:ياهلا والله ابشروا تامرون امر
شوق:مايامر عليك عدو
سعد كلم نواف وعلمه ان البنات معه
سعاد:اف طفشنا متى تجي العطله
سمر:بالعكس وناسه كل يوم نشوف بعض ونتونس مع بعض
سعد :ليه اليوم ماتتغدون معنا
شوق:لالا مانقدر اقصد
دلع:شوق معاك 3 خيارات الاتصال بصديق او حذف اجابه او مشاركة الجمهور
الكل:ههه
دلع:لا عن جد الوجبه الي نجتمع فيها كلنا هي الغدا مانقدر نفوتها
دلع وشوق دخلوا البيت وهن ميتات ضحك لانعم عند الباب تكرفسن وطاحن على بعض
متعب واقف على اول الدرج ويناظرهن مستغرب وبنفسه فرحان على العلاقه الي تربطهن كانن يمشن ويطيحن من كثرة الضحك
ولما رفعن روسهن شافن متعب سكتن وهن كاتمات الضحك ودلع عدلت شيلتها
متعب:شعندكم
شوق:ههه وهي تمسح دموعها من كثرة الضحك وقالت له
متعب وهو نازل:عسى ماتكسرتو بس بلاكم هاللقافه
على الغدا الكل يتكلم الا دلع تاكل وتبتسم على كلامهم وهي ساكته لان المقعد الي قدامها متعب وهي ماتحب تتكلم كثير قدامه
ابو متعب:دلع وش عندك اليوم ماقلتي ولا كلمه
ردت دلع بابتسامه:ماعندي شي اقوله
متعب ناظرها وبعدين بسرعه شتت نظرته وبنفسه"ياربي وش يصير فيني لما اناظرعيونها"
نواف:متعب وين رحت ساعه اناديك عطني الشطه
متعب:خذ يالهندي
تركي:مو بس نواف حتى دلع تحب الشطه والفلفل صدق هنود
دلع ساكته
بعد صلاة العصر كان متعب في غرفته وسمع صوت بالمزرعه فتح البلكونه شاف دلع وشوق وبيدهم البوم صور
شوق:ياه دلع وانت صغيره تهبلين وتناظرها ومازلت ماشاء الله عليك تتميزين بالجمال الخارق
دلع:ههه "حمرت خدودها"احرجتم تواضعي وتقولي لي اني فيلسوفه طلعت انتي الفيلسوفه
شوق:دلع شوفي هذي الصوره كنت زعلانه وتبكين يمكن تركي الي مهاوشك زمتعب شايلك خ مايستحي اخوي يبوسك
دلع وشبت خدودها:وجع شوق كنت صغيره مره
شوق:ادري بس امزح احب اشوفك مستحيه شوفي خدودك ههه
دلع تضربها خفيف"يانذله وقامت على المرجيحه وشوق تدفها
شوق:تذكري اول كان متعب يدفنا بالمرجيحه اه ياايام اول طعمها غير
دخل متعب وهو يتذكر ايام اول فعلا الحياه كانت بسيطه وجمياه
:::::::::::::::::::::::::::
يوسف يقرأ قرآن بالمسجد وولد بالحلق يوسف موصيه اذا شاف فايز يناديه وهذي معجزه يطلع بالنهار
الولد:استاذ يوسف فايز طلع من بيتهم
يوسف قام وراح يركض لفايز:لحظه فايز لحضه
فايز يناظره :نعم خير يالمطوع
يوسف تحمل:ابي اكلمك شوي
فايز:اخلص علي مو فاضي لك
يوسف بصبر:اختي كلمتني عن اختك قلت يعني لو تهدى عليها وتتركها بحالها ولا بتموت بين ايديك
فايز جن جنونه:وانت شلك دخل ولا لا تكون انت الي تواعدها
يوسف:استغفر الله انت وش تقول هذي اختك مايصير تقول عنها كذا
فايز:انت مسوي نفسك مطوع وانت
يوسف:حدك عاد لهنا وبس
فايز بدون مقدمات ضرب يوسف ويوسف ردها له وهو ماقدر يكمل لانه شبه سكران وراح وهو يتكلم كلام بذيء
يوسف رجع للبيت
بيان:استغفرالله عفاف قالت لي وهي تحلف انها نايمه وهويهذي بهالخرابيط من يسكر ويقوم يخبص
::::::::::::::::::::::
طارق يشاور بندر ويضحكون
بندر:صادق انت والله وناسه وبنظرة سخريه وعاد تقدر تقول شي يالمغرم الولهان
طارق:حبيبتي ماعلم باسمها اخاف يدري اخوها ولا خالها
بندر:ههه قلبت الاغنيه
طارق:الي ايده بالنار مو مثل الي يده بالمي
بندر:الله لايقوله وش لي بعوار الراس والحب والخرابيط
طارق:مو بيدي يابندر انا لو اسمع اسمها بس مو اشوفهااحس اني اتخربط
بندر:ههه صاير شاعري الاخ
طارق:تتمصخر انت ووجهك يارب تحب واتمصخر عليك
بندر قام:ولا بالاحلام ياقميل
طارق:بندر تعال اقولك كلنا بنروح ونخلي الشركه
بندر:هم يومين وبس مابتضيع لاتخاف بنلقاها
طارق:بندوره اخاف انت الي ماترجع وحده من جارات جدتي تغرم بك وماترجع معانا وتقعد تبوس فيك24ساعه وعاد تخيل شكلك
بندر:ههه صدق خايس قايل احد ثاني وحده من جارات جدتي مالهن حتى سنون ابوك يالتشفيط ويضربه كف خفيف
طارق:تخبل الصوت يصلح منبه
الكل-ههه وبندر يلحق طارق وهم ناقعين ضحك وطارق دخل غرفته وسكر على نفسه
::::::::::::::::::::::::::::::::
مهند دخل:السلام عليكم
الاب وروان :وعليكم السلام
مهند:يالله قوموا معزومين على العشى
روان:الله وين
مهند:عند يوسف ولد عمي
روان:ياه مشتاقه لبيان
مهند:اها قلتيلي يعني ماتشوفينها كل يوم بالجامعه
روان:لا طبعا هي تدخل محاضره وانا اطلع هي لها صديقاتها وانا لي صديقاتي
ابو مهند بضيق:انا مااقدر انتو روحوا
حاولو فيه يروح معهم بس مارضى وطلع لغرفته ينام
ناظرو بعض متسائلين
في بيت يوسف
يوسف:ياهلا والله ياهلا تفضل مهند
مهند:زاد فضلك يالغالي
يوسف:الحين جاي اجيب القهوه واجي وراح فتح باب المطبخ الخلفي ودخل:بيان وين القهوه "بلحظه التقت نظرته بنظرتها حبيبة القلب"نزل
عيونه وهي على طول تغطت
بيان:هذي القهوه وطق الباب
يوسف:على امرك ست بيان وهو منزل عيونه شخبارك زوان
روان بحيا:الحمد لله بخير
يوسف طلع وهو يمشي مبتسم يفكر متى يصيرون تحت سقف واحد
:::::::::::::::::::::
دلع تمشي شايله كتب كثيره على امل مايطيح منها شي وهي تتحلطم وهي نازله من الدرج تعثرت وطاحتغمضت عيونها متألمه من الطيحه
فتحت عيونها تبي تقوم الا عيون متعب قدامها "التقت نظرتهم"وبسرعه كانت تبي تقوم بس مو قادره من الصدمه والكتب الي فوقها
قامت وخدودها حمرا:اسفه وراحت تركض لغرفتها
متعب لحد الان مصدوم من الي صار ومن نفسه "اه ياقلبي مره وحده عاد تجي عيونها بعيوني الحمد لله مافيه احد"
على طاولة الاكل وقت العشى
ابو متعب:وين الباقيين
نزلت شوق:ياحياتي يايبه دوم فاقدني
نواف قاعد:لانك دوم متأخره
ام متعب:وين متعب:
ابو متعب:وين دلع
تركي:قلت لهم مايبون
ابو متعب بصوته الرنان:متعب دلع يالله العشى تعالو
دلع ضحكت بقلبها يعني حتى متعب لبست شيلتها وطلعت ومتعب ضحك على نفسه وطلع من غرفته ومره ثانيه تلاقو
دلع حمرت وفسحت له الطريق ومتعب مشى قدامها على الدرج وهو مبتسم على القدر الي جمعهم قعد متعب بمكانه المعتاد
مقابل كرسي دلع الي طول ماهي تاكل منزله راسها واذا ناظرت تطيح عيونها بعيون متعب وترجع تنزلهن "ياربي هذا وقته"
تركي:حبيبتي دلوعه ترا شوي وتنكسر رقبتك
متعب:ههه
تركي وشوق ونواف يناظرون بعض:ههه متعب ضحك بقوه ههه
تركي:الحمد لله شفت ضروسك
متعب:وجع صدق ماتنعطون وجه
نواف:ورعان اخر زمن
متعب:نواف اتصل بالمزرعه يجهزون المها
دلع فتحت عيونها ومتعب انتبه
شوق بشهقه:متعب مني هذي
متعب وهو ماشي على الدرج:هذي معشوقتي
دلع وشوق يناظرون بعض
نواف ناقع ضحك عليهم
شوق:يوه نواف مني هذي
نواف:ياويلي لو تشوفينها عليها بياض والشعر اسود وعيونها اه ياعيونها وقام وطلع برا وهو ناقع ضحك
:::::::::::::::::::
نور تكلم شوق:ايه زين كم وحده خلاص لاتكثرين بس ههه مع السلامه
طارق:مين تكلمين يالهبله اكيد شوق
نور:اكيد يالأهبل
طارق:وجع نور اكبر منك
نور:طيب اخذ السواق ولا توديني
طارق:ماشاء الله لغه جديده
نور:طارق حبيبي
طارق:وش تبين اخلصي
نور:السوبر ماركت
طارق:كالمعتاد طبعا شوق موصيه على اغراض علشان السفره
بندر وهو طالع:ههه شوق رئيسة العصابه وطلع
نور:والله انتم العصابات مو احنا
طارق:شوفي ياست نور انا اليوم فرحان وتبعا لذلك راح اوديك
نور:ياحياتي مشكور دايم اروح واغراضي ناقصه وراحت بسرعه تلبس
بالسوبر ماركت
طارق:نور خوذي الي تبين وخليك حولي
طارق اخذ عربه وقعد يتمشى وهو منتبه على نور هو يثق منها بس مايشق بالي بالسوبرماركت
وقف ياخذ شويه اغراض للشباب علشان البنات مايذلونهم على الحلويات الي يسوونها وهو مو منتبه تحركت العربه
وداست على عباة حرمه جنبه وكانت تبي تطيح وطارق يحسبها نور ووقفت هي
طارق:خ فضحتينا نور
الحرمه استحت وابعدت
طارق بتعجب:نور
نور من وراه:نعم
ويناظر الحرمه ويناظر نور:اجل هذي مين
سعاد ووجهها احمر وبنفسها "الحمد لله متغطيه والا كانت مصايب"
سعد:سعاد اناديك وين رحت
سعاد:هاه انا هنا
طارق شاف سعد وابتسم
سلمو على بعض
سعد:هاه وش تسوي انت هنا بع ليكون مثلنا؟
طارق فرحان:ههه اكيد الست شوق كالمعتاد
سعاد:لا تتكلمون على شوق
نور:اي والله كل شي ولا شوق
سعد بنفسه"اي والله":طيب اسفين سعاد خلصتي
طارق :انت سعاد "وهنا برد وجهها":حسبتك سمر
سعاد:خوات اكيد نفس الزول
طارق:يالله نور ماصارت
سعاد:نور اخذتي الي خبرك
نور:ايه اكيد اهم شي
طارق:اعترفن وشو ولا ارجع كل الاغراض
نور:عيب شغلات بنات
سعد وطارق بردت وجيهم اصلا هن ماخذات اشرطة للفديو
طارق:مالت وراح
سعاد ونور بانتصار:خ
:::::::::::::::::::::::::::::::
في اليوم التالي بالجامعه
هيفاء:ههه ياحبيبتي انا هيفا مو حيالله
ندى:والله انك خطيره كيف خليتي هالمغرور يركض وراك
دلع وهي ماشيه وتسمعهم:استغفر الله
شوق بخوف وهم يبتعدون:دلع والله لاتفضحك ان سمعتك ادعي انها ماسمعت
دلع:خت تولي احسن استغفر ربي لاتطيح علينا السما من ذنوب هالعالم
هيفاء من وراها:خير يادلع وش ذنوبنا
دلع بعصبيه:انت وحده تافهه كيف تتجرأين تعلين صوتك بهالكلام
ندى:وانت وش دخلك
دلع:صادقه انا وش دخلني اخاف ربي يسخط بنا
كلمه من هنا وهناك قبعت هوشه كبيره وتدخلو البنات وفكوها
دلع:الله ياخذك ويفكنا منك
هيفا:زين يابنت 00000 ان ماوريتك ماكون هيفا
:::::::::::::::::::::
يوم الثلاثاء
متعب قاعد وحاط يده على خده ويفكر بتمعن ويناظر دلع وشوق الي كالمعتاد يسولفن بصوت واطي تنهد
وقام وراح لعندهن وهن مو منتبهات
دلع:خليها تولي هالاشكال مالازم نفكر فيهم
شوق:بس هذي زحده حقيره ماندري وش ممكن تسوي
متعب:ههه انتم ماتشبعون من بعض
شوق:قول انك غيران منا
متعب سفها:خلصتو وجمعتو اغراضكم
دلع:اكيد
متعب ونادر مايكلم دلع:وش عندك متحمسه
شوق:تعرف دلع تموت بمزرعة جدي
دلع تذكرت المها وضاق خلقها:الا صدق شوق نبي نقول لجدي يجيب لنا خيل نفسي اركب خيل
شوق:والله جدي يخاف عليك مستحيل يخليك
متعب:واذا جبنه انا
دلع بتعجب:انت بعدين استحت
مشى متعب:ايه انا وهو صاد وجهه للجهه الثانيه ويمشي"بعذره جذي يخاف عليك"
وراح وهو كل تفكيره وين يوصل هالتفكير
::::::::::::::::::::::::::::::
يوسف:يما اشوفك ماعدتي تقولين لي تبي تتزوج مثل اول
ام يوسف:ياولدي تعبت وانا اقولك والله انها هذي الساعه المباركه
يوسف:اجل خلاص بنروح بيت عمي وبخطب
ام يوسف:وليه
يوسف:يماه
ام يوسف:ههه اعقل ياولد خلك ثقيل يمكن ترفضك
يوسف:يما زش هالكلام من حنا صغار وانا وروان محجوزين لبعض
ام يوسف:الله يحفظكم ويهنيكم
::::::::::::::::::::::::::::::::::::
يوم الاربعاء على الفطور:
ابو متعب:قلت لكم تداومون كلكم يعني كلكم مافيه غياب
شوق:يابابا الله يخليك متحمسين
تركي:عن اذنكم تأخرت على محاضرتي
متعب لحق اخوه لين السياره اخوه يعرفه زين :تركي فيك شي؟
تركي:هاه لالا ولا شي بس شوي متضايق
متعب:على راحتك متى ماحسيت انك محتاج تتكلم انا موجود بالخدمه
ابتسم تركي:مشكور وهو ماشي لعند الباب ناظر لمتعب وطلع
دلع:شواقه حبيبتي اصلا جدو بيزعل اذا مارحنا
ابو متعب ضحك:تعرفين مربط الفرس بس مع كذا مافيه غياب ويالله تلأخرتو وناظر متعب وانت ليه اليوم مو مداوم
متعب وهو قايم:لا ماخذ اجازه وطلع لغرفته الي ابدا مايدخلها احد وانسدح على السرير تأمل غرفته بصبغتها الخمري
واضائات غرفته بالزوايا والجوانب قام ووقف عند الشباك رفع الستاره سكر عيونه من الضو فتح البلكونه
قعد يناظر لمزرعة بيتهم شاف دلع وشوق وهم طالعين وهن يتأففن ابتسم في قلبه عليهن
"ههه بيجي يوم يعرفون قيمة هذي الايام اه حالتي صعبه خلاص اطلعي من راسي ابي انام
قبل السفر وقاعد يناظر"دخل مره ثانيه سكر الستاره ةانسدح على سريره وغطى راسه بالبطانيه يمحي رسمها
من راسه مع ان الغرفه ظلام بس هي ماتغيب عن باله واخيرا استرخى وانتظمت ضربات قلبه ونام
:::::::::::::::::::::::::
تركي وهو ماشي ويفكر بالي فيه"ياربي وش اقول لمتعب بس لازم اشوف دكتور"
وهو مو منتبه ضرب كتفه بكتف واحد من الطلبه معه
خالد:وجع اعمى ماتشوف
تركي معصب:نعم انت الاعمى ماتشوف وش صار يعني
خالد مسكه من بلوزته:اسمع انت ووجهك تقول وهو يناظره من فوق لتخت عود اسنان كول زين وتعال تكلم على الي اكبر منك
تركي نفض يد خالذ:القوه مو بالجسم ولا بالعضلات ياخويلد
خالد:اتحداك يالبيبي
تركي الي فيه مكفيه ضرب خالد مع ان خالد جسم رياضي بس تركي ماخذ الحزام الاسود بالكاراتيه
قام خالد وهو يمسح الدم من وجهه:صدقني ياتركي بردها لك
محمد صديق خالد والي له نصيب بالهوشه:قم ياخالد انا اوريه المعفن صدقني مابنخليك وخل الكاراتي لك
تركي وهو ماشي:نشوف
خالد ومحمد انقهروا ولو انهم مو بالجامعه كان اختلف الوض بالنسبه لهم
يركي وسيم جدا جدا جدا لدرجة النعومه وشعره الغزير بالنسبه للرجال
خالد حليوه والبنات يموتون فيه بس هو مايعطي وجه لانه مايحب هالسوالف محمد الصديق الصدوق في السراء
والضراء تفكيره عجيب ويحب يخاطر بكل شي
:::::::::::::::::::
هيفا:تبين تطلعين ولا لا انا طالعه السوق
ندى:بقت محاظرات لنا قسم بالله لو يدري مصعب لانه يذبحك
هيفاء:دايم نروح شفرق هالمره
ندى:طيب طيب جايه معك الله يستر احنا نقول بحدود وحدود وماندري وش يصير فينا بعدين
هيفاء وهي تسبق اختهاماتبي تسمع :اف تراك جبتيلي الهم
::::::::::::::::::::::::::::
بعد صلاة العصر كانو اربع سيارات ماشيين من الرياض للقصيم
سياره(1)متعب وسعد قدام وورا شوق ودلع ونوف وفجر وشادن
سياره(2)ابو متعب وام متعب وتركي ونواف وام سعد
سياره(3)ابو بندر وام بندر وبندر وطارق ونور وسعاد وسمر
سياره(4)ابو منصور وام منصور ومنصور وعبد العزيز وسعود
وش تتوقعون الا حداث؟
من هي المها؟
وش فيه تركي؟
وش يتغير بقلوب ابطالنا؟
وش راح يضيفون لنا نايف وبدر ؟