تحديت زوجي وتوهقت

يوه الله يكوون بعوونك عاد ذبيحه مرره وحده
بس ان شا الله انك قدهآآ وقدوود
وتكبرين بعين زووجك
عوافي

وش لك بالتحدي
اخاف ماتضبط ووتتوهقين عند المعازيم
روحي لزوجك قولي هونت
هع هع

الله يعينك

يالله ان شالله قد التحدي اختي وبيضي وجهك زوجك

ههه
مره ثانيه فكري قبل تتحدين
..
وبعدين هذا شي يمكن يكون صعب شوي
لكنه مو مستحيل
أنا اعرف حريم يطبخون ذبايح لعزايم رجالهم ببيوتهم
وعآآآدي عندهم
..
أذكر وحده كانت تطبخ الرز والذبيحه
بعدين تنثر فوقه شوي مكرونه
بعدين تغطيه بقرصان
القرصان اللي يكون مفرود يعني زي الخبزه ما بعد انطبخ
مو قرصان مطبوخ
بعدين يصير الأكل مطاريس
بالاخير يصير أحلى من طبخ المطاعم
..
أهم شي أن رجلك بيحس أنك أسنع بنت بالحياة
..
وبالتوفيق حبيبتي

أنا احب التحديات هي اللي تخلي الأنسان يتعلم
بس اهم شي تسوين زين عشان ماتسير ضدك
ياللة شدي حيلك على قولتهم صعب بس مستحيل

انا الحمدلله بعمرك واطبخها عادي واتفنن بعد ترى سهله

لا تتحدي رجال مره ثانيه
بس عندي اقتراح
اللحم اسلقيه في مويه وهيل وماجي اللي باللحم وإذا استوى صفي المرق ولا تكبيها خذي اللحم حطي عليه بهارات مشكله ومعاها صبغه صفرا او كركم وادهني الحم فيها
بعدين حطيه في صينيه خليها تتحمر في الفرن
انتبهي لاتحرقيها
والرز غسليه مظبوط
وانقعيه في مويه حاره وصفيه واسلقيه في مرقة اللحم خلي المرقه تغطي الرز باصباعين لاتكون كثيرة
اذا اتحمر اللحم واستوى الرز
جيبي صنوبر وزبيب وحمريها في شوية زيت
اغرفي الرز وحطي عليه اللحم وفي الاخير رشي الزبيب والصنوبر وبس بالعافيه
سوي معاه سلطه وفواكه وبس يحمد ربه

ربي يعينك حبيبتي