تحذير من مشغل مون جاليري رمش القمر بالدمام حي العنود

السلام عليكم
بدخل دغري ع الموضوع,
من كم يوم عندنا زواج بنت خالتي ورحنا مشغل مون جاليري ( رمش القمر )
الله لا يوريكم
طبعا ع الساعه 9 ونص الصباح رحنا.على اساس بنطلع الساعه 5 ماطلعنا الا الساعه 6 ونص
..العاملات مبرطمين ويتحلطمون على خالتي ليش جايين هالوقت
المهم ع الساعه 12 جات اللي بالرسبشن,,,المهم كانت اخلاقها كويسه
بس قلنا لها عيدي الحساب مو معقوله هالسعر
اخذت المفتاح ولا حته ع الطاوله,,,وترمي الأوراق على خالتي...
المهم انا قلت لها لو سمحتي بدون تصفيع..وخالتي شرشحتها تشرشح
المهم مو لايق عليها مسكة الاعصاب..تنافخ وتهاوش
اخلاق زي الزفت حسبي الله عليهم نكدو علينا
شوي الا كل صرصور وش كبره...
انواع الصراصير والنمل والقراريص...ومعامله واخلاق دمار
وساخه غير طبيعيه في المكان الله لايوريكم..
وحضرة ام ناصر راعية المشغل ماجات الا الساعه 2 الظهر وبالموت رضت تحط لنا
مابدت تشتغل فينا الا ع الساعه 3 ونص...حطت حق ربعها اول..مع ان احنا جاين قبل
بس مااقول لكن..اخلاقها كويسه
على الرغم ان حنا حاجزين عندها هي بالذات
قالت عندي مناسبه مااقدر احط لكم كلكم...قلنا مو ذنبنا رجاء...ليش ماقلتوا من قبل
المهم حطت لنا...
لو تشوفون خالتي كأنها زورو...والا مرت خالي كأنها ببغاء..وانا قلت لها مكياج الستينات
وسوت لي خربوطه والله انا احط احلى منها
ماادري يمكن كانت مو فاضيه عاد مو ذنبنا
رحت قلت لها حرام عليك هذا مكياج ب 200 موو معقوله..هذا انا بالبيت اسويه
ويوم سويت شعري...ماسووه عدل...قلت لها غيري التسريحه ابي الرومانيه
قالت نغسله من جديد وتدفعين 50
0في عينك حتى ...
المهم مارضيت ادفع وشوي تهاوشت معهم سوو لي غصب عن شكلهم بس عقب ماتنكدت
مرت خالي حطت عند وحده ماادري وش اسمها...ماوصلت البيت الا وجها مخطط..وخياس يلوع الكبد
واختي مستشورين شعرها يلوع الكبد والله بالبيت تسويه احلى مع انها صغيره بمتوسط
من جد جد يطلعوونك شيفه
احذر كل اللي ناويين يرووحون له..بصراحه اخلاق دمار
يوم جاء بالاخير جات تعتذر لنا حقت الرسبشن...وتقول اعذار واهيه..بس برضوا لازم تتحملين الزبونات مهما كان والا لاتصيرين مووظفه
يوم جات مديرة المشغل تسنعت...